రూ.10,499 కే 6000mAh బ్యాటరీ, 6.67 అంగుళాల HD+ డిస్‌ప్లేతో 5G స్మార్ట్‌ఫోన్‌.. ఇవాళ్టి నుంచే సేల్‌..!

Realme C73 5G Smartphone : రియల్‌మి గత నెలలో బడ్జెట్‌ రేంజ్ లో రియల్‌మి C75 స్మార్ట్‌ఫోన్‌ను లాంచ్‌ చేసింది. తాజాగా C సిరీస్‌లో మరో హ్యాండ్‌సెట్‌ను అందుబాటులోకి తీసుకొచ్చింది. రియల్‌మి C73 5G స్మార్ట్‌ఫోన్‌ను తాజాగా లాంచ్‌ చేసింది. ఈ ఫోన్‌ను కూడా బడ్జెట్‌ సెగ్మెంట్‌లోనే తీసుకొచ్చింది. ఈ ఫోన్‌ 6000mAh బ్యాటరీ, మీడియాటెక్‌ డైమెన్సిటీ 6300 SoC చిప్‌సెట్‌ పైన పనిచేస్తుంది.

రియల్‌మి C73 5G స్మార్ట్‌ఫోన్‌ స్పెసిఫికేషన్‌లు, ఫీచర్‌లు :
ఈ రియల్‌మి హ్యాండ్‌సెట్‌ 6.67 అంగుళాల HD+ IPS LCD డిస్‌ప్లేను కలిగి ఉంది. ఈ డిస్‌ప్లే 720 x 1604 పిక్సల్స్‌ రిజల్యూషన్‌, 120Hz రీఫ్రెష్‌ రేట్‌ను కలిగి ఉంది. MIL STD 810H మిలిటరీ గ్రేడ్‌ సర్టిఫికేషన్‌ను కలిగి ఉంది.

చిప్‌సెట్‌ వివరాలు :
ఈ హ్యాండ్‌సెట్‌ 6nm మీడియాటెక్‌ డైమెన్సిటీ 6300 ప్రాసెసర్‌ పైన పనిచేస్తుంది. దీంతోపాటు Arm Mali MC2 GPU ను కూడా కలిగి ఉంది. ఈ చిప్‌సెట్‌ గరిష్ఠంగా 4GB LPDDR4X ర్యామ్‌, 64GB, 128GB UFS 2.2 స్టోరేజీని సపోర్టు చేస్తుంది.

రెండు స్టోరేజీ వేరియంట్స్‌ :
ఈ ఫోన్‌ 4GB/64GB, 4GB/128GB స్టోరేజీ వేరియంట్స్‌లో లభిస్తుంది. మైక్రో SD కార్డు ద్వారా గరిష్ఠంగా 2TB స్టోరేజీని పెంచుకొనేందుకు అవకాశం ఉంది. ఆండ్రాయిడ్‌ 15 ఆధారిత Realme UI 6.0 పైన పనిచేస్తుంది.

6000mAh బ్యాటరీ :
ఈ హ్యాండ్‌సెట్ 15W ఫాస్ట్‌ ఛార్జింగ్ సపోర్టుతో 6000mAh బ్యాటరీతో పనిచేస్తుంది. కెమెరా విభాగం పరంగా రియల్‌మి C73 5G స్మార్ట్‌ఫోన్‌ వెనుక వైపు f/1.8 అపేచర్‌తో 32MP GALAXYCORE GC32E2 కెమెరాను కలిగి ఉంది. సెల్ఫీ, వీడియో కాల్స్‌ కోసం 8MP కెమెరాతో అందుబాటులోకి వచ్చింది.

కనెక్టివిటీ పరంగా డ్యూయల్‌ 5G, బ్లూటూత్‌ 5.3, వైఫై, GPS, USB-C ఛార్జింగ్‌ పోర్టు వంటి కనెక్టివిటీ ఫీచర్‌లను కలిగి ఉంది. ఈ ఫోన్ 7.94 థిక్‌నెస్‌తో 197 గ్రాములు బరువును కలిగి ఉంది. ఈ ఫోన్‌ IP64 రేటింగ్‌తో డస్ట్ మరియు స్ల్పాష్‌ రెసిస్టెంట్‌గా ఉంది.

రియల్‌మి C73 5G స్మార్ట్‌ఫోన్ ధర, సేల్‌ వివరాలు :
ఈ స్మార్ట్‌ఫోన్‌ 4GB ర్యామ్ + 64GB స్టోరేజీ వేరియంట్ ధర రూ.10499 గా ఉంది. అదే 4GB ర్యామ్ + 128GB స్టోరేజీ వేరియంట్ ధర రూ.11499 గా ఉంది. ఈ ఫోన్‌ను రియల్‌మి ఇండియా వెబ్‌సైట్‌, ఫ్లిప్‌కార్ట్‌, ఆఫ్‌లైన్‌ స్టోర్‌ల ద్వారా కొనుగోలు చేయవచ్చు.

రూ.500 డిస్కౌంట్‌ :
ఈ ఫోన్‌ను ప్రారంభ ఆఫర్‌లో భాగంగా EMI విధానంలో కొనుగోలు చేస్తే రూ.500 డిస్కౌంట్‌ను పొందవచ్చు. ఈ రియల్‌మి స్మార్ట్‌ఫోన్‌ ఒనిక్స్‌ బ్లాక్‌, క్రిస్టల్‌ పర్పుల్‌, జాడే గ్రీన్‌ కలర్‌ వేరియంట్స్‌లో కొనుగోలు చేయవచ్చు.

* గత నెలలో విడుదల అయిన రియల్‌మి C75 5G స్మార్ట్‌ఫోన్‌ 6.67 అంగుళాల HD+ LCD డిస్‌ప్లేను కలిగి ఉంది. ఈ డిస్‌ప్లే 625 నిట్స్‌ పీక్‌ బ్రైట్‌నెస్‌ను కలిగి ఉంది. ఈ ఫోన్‌ రెయిన్‌ వాటర్ స్మార్ట్‌ టచ్‌ ఫీచర్‌ సపోర్టు చేస్తుంది. మీడియాటెక్‌ డైమెన్సిటీ 6300 చిప్‌సెట్‌తో పనిచేస్తుంది.

ఈ హ్యాండ్‌సెట్ ఆండ్రాయిడ్‌ 15 ఆధారిత Realme UI 6.0 పైన పనిచేస్తుంది. కెమెరా విభాగం పరంగా 32MP + 8MP సెల్ఫీ కెమెరాను కలిగి ఉంది. 45W ఛార్జింగ్, 5W రివర్స్‌ ఛార్జింగ్ సపోర్టుతో 6000mAh బ్యాటరీని కలిగి ఉంది. IP64 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంది.