50MP కెమెరా, 5200mAh బ్యాటరీ, 6.7 అంగుళాల డిస్‌ప్లే ఫోన్‌పై గరిష్ఠంగా రూ.7000 తగ్గింపు.. ఫ్లిప్‌కార్ట్‌లో సేల్

భారత్‌ మార్కెట్‌లో ఈ సంవత్సరం రియల్‌మి సంస్థ అనేక స్మార్ట్‌ఫోన్‌లను లాంచ్‌ చేసింది. ఇందులో P3 సిరీస్‌ ఫోన్‌లు కూడా ఉన్నాయి. ఈ సిరీస్‌లో భాగంగా రియల్‌మి P3, P3x, P3 ప్రో, P3 అల్ట్రా మోడల్స్‌ ఉన్నాయి. ఈ ఫోన్‌లు బడ్జెట్‌, మిడ్‌ రేంజ్‌ సెగ్మెంట్‌లో బెస్ట్‌ ఫోన్‌లుగా ఉన్నాయి. అయితే గత సంవత్సరం కూడా కొన్ని బెస్ట్‌ స్మార్ట్‌ఫోన్‌లను రియల్‌మి లాంచ్‌ చేసింది. ఇందులో రియల్‌మి P2 ప్రో 5G స్మార్ట్‌ఫోన్‌ ఒకటి. ఈ హ్యాండ్‌సెట్‌ అనేక బెస్ట్‌ స్పెసిఫికేషన్లు, ఫీచర్‌లను కలిగి ఉంది.

రియల్‌మి P2 ప్రో స్మార్ట్‌ఫోన్‌ (Realme P2 Pro 5G Smartphone) గత సంవత్సరం సెప్టెంబర్‌లో భారత్‌లో లాంచ్‌ అయింది. ఈ ఫోన్‌ రూ.20000 ధర సెగ్మెంట్‌లో బెస్ట్‌ ఫోన్‌లలో ఒకటిగా ఉంది. అయితే ఈ ఫోన్‌ను ప్రస్తుతం ఫ్లిప్‌కార్ట్‌లో తగ్గింపు ధరకు కొనుగోలు చేయవచ్చు. దీంతోపాటు బ్యాంకు ఆఫర్ల ద్వారా మరింత డిస్కౌంట్‌ను పొందవచ్చు.

బేస్‌ వేరియంట్‌పై రూ.4000 తగ్గింపు :
రియల్‌మి P2 ప్రో స్మార్ట్‌ఫోన్‌ విడుదల సమయంలో 8GB ర్యామ్‌ + 128GB స్టోరేజీ ధర రూ.21999 గా ఉంది. ప్రస్తుతం ఫ్లిప్‌కార్ట్‌లో రూ.17999 కే కొనుగోలు చేయవచ్చు. అంటే రూ.4 వేలు తగ్గింపును పొందవచ్చు. 12GB ర్యామ్‌ + 256GB స్టోరేజీ ధర రూ.24,999 గా ఉండేది. ప్రస్తుతం రూ.19999 కే కొనుగోలు చేయవచ్చు. రూ.5000 తగ్గింపును పొందవచ్చు.

ఏకంగా రూ.7 వేలు తగ్గింపు :
దీంతోపాటు విడుదల సమయంలో 12GB ర్యామ్ + 512GB స్టోరేజీ ధర రూ.27,999 గా ఉండేది. ప్రస్తుతం ఫ్లిప్‌కార్ట్‌లో రూ.20999 కే కొనుగోలు చేయవచ్చు. అంటే సుమారు రూ.7000 తగ్గింపును పొందవచ్చు. దీంతోపాటు ఫ్లిప్‌కార్ట్‌ యాక్సెస్‌ బ్యాంకు కార్డుల ద్వారా 5 శాతం క్యాష్‌బ్యాక్‌ను పొందవచ్చు. ఈగల్‌ గ్రే, పేరెట్‌ గ్రీన్‌ కలర్‌ వేరియంట్స్‌లో లభిస్తోంది.

స్నాప్‌డ్రాగన్ ప్రాసెసర్ :
రియల్‌మి P2 ప్రో 5G స్మార్ట్‌ఫోన్‌ స్నాప్‌డ్రాగన్ 7s జెన్‌ 2 SoC ప్రాసెసర్‌తో పనిచేస్తుంది. ఈ ప్రాసెసర్‌ గరిష్టంగా 12GB ర్యామ్, 512GB స్టోరేజీని సపోర్టు చేస్తుంది. ఈ ఫోన్‌ ఆండ్రాయిడ్‌ 14 ఆధారిత Realme UI 5.0 OS ను కలిగి ఉంటుంది. థర్మల్‌ మెనేజ్‌మెంట్ కోసం VC కూలింగ్‌ సిస్టమ్‌ను కలిగి ఉంది.

5200mAh బ్యాటరీ :
ఈ రియల్‌మి హ్యాండ్‌సెట్‌ 6.7 అంగుళాల FHD+ కర్వడ్‌ అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 120Hz రీఫ్రెష్‌ రేట్‌, 2000 నిట్స్‌ పీక్‌ బ్రైట్‌నెస్‌, 240Hz టచ్‌ శాంప్లింగ్ రేట్‌, 2160Hz PWM డిమ్మింగ్‌ ను కలిగి ఉంది. 80W ఫాస్ట్‌ ఛార్జింగ్ సపోర్టుతో 5200mAh బ్యాటరీతో పనిచేస్తోంది.

50MP ప్రైమరీ కెమెరా :
కెమెరా విభాగం పరంగా 50MP సోనీ LYT 600 (OIS) కెమెరా, 8MP అల్ట్రావైడ్‌ కెమెరాలతోపాటు 32MP సెల్ఫీ కెమెరాను కలిగి ఉంది. ఈ ఫోన్ IP65 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంది. ఈ ఫోన్ రెయిన్‌ వాటర్‌ టచ్‌ సహా అనేక AI ఫీచర్‌లున్నాయి. డాల్బీ అట్మాస్‌, Hi-Res ఆడియో సపోర్టుతో డ్యూయల్‌ స్టీరియో స్పీకర్లను కలిగి ఉంది.