రేపే రియల్‌మి నుంచి భారీ బ్యాటరీ ఫోన్‌లు విడుదల.. స్పెసిఫికేషన్‌లు, ఫీచర్ల వివరాలు!

Realme P4 Series Smartphones Launch : ప్రముఖ స్మార్ట్‌ఫోన్ల తయారీ సంస్థ రియల్‌మి నుంచి రేపు మధ్యాహ్నం 12 గంటలకు (ఆగస్టు 20) రియల్‌మి P4 సిరీస్‌ విడుదల కానుంది. ఇందులో P4 5G, P4 5G Pro స్మార్ట్‌ఫోన్‌ లు లాంచ్‌ కానున్నాయి. ఇప్పటికే ఈ స్మార్ట్‌ఫోన్‌ లకు సంబంధించిన అనేక వివరాలు వెల్లడయ్యాయి. ఈ హ్యాండ్‌సెట్ 7000mAh భారీ డిస్‌ప్లేను కలిగి ఉంటుంది. ఈ ఫోన్‌ల ధర వివరాలు కూడా లీక్‌ అయ్యాయి. విడుదల అనంతరం ఫ్లిప్‌కార్ట్‌ ద్వారా అందుబాటులోకి రానుంది.

రియల్‌మి P4 5G స్మార్ట్‌ఫోన్ స్పెసిఫికేషన్లు :
ఈ ఫోన్‌ ( Realme P4 5G Smartphone ) 144Hz రీఫ్రెష్‌ రేట్‌ తో 6.77 అంగుళాల ఫ్లాట్‌ అమోలెడ్‌ FHD+ డిస్‌ప్లేను కలిగి ఉంటుంది. మరియు మీడియాటెక్‌ డైమెన్సిటీ 7400 చిప్‌సెట్‌, హైపర్‌ విజన్‌ AI చిప్‌ ను కూడా కలిగి ఉంటుంది. 144FPS BGMI ను సపోర్టు చేస్తుందని రియల్‌మి చెబుతోంది.

ఈ ఫోన్ 7000mAh బ్యాటరీతో పనిచేస్తుంది. కెమెరా విభాగం పరంగా 50MP ప్రైమరీ, 8MP అల్ట్రావైడ్ కెమెరాను కలిగి ఉంటుంది. సెల్ఫీ కెమెరా వివరాలు తెలియాల్సి ఉంది. IP65 + IP66 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంటుంది.

రియల్‌మి P4 ప్రో 5G స్మార్ట్‌ఫోన్ స్పెసిఫికేషన్లు, ఫీచర్‌లు :
ఈ ప్రో ( Realme P4 Pro 5G Smartphone ) మోడల్‌ స్మార్ట్‌ఫోన్ 144Hz రీప్రెష్‌ రేట్‌ తో 6.77 అంగుళాల అమోలెడ్ డిస్‌ప్లేను కలిగి ఉంటుంది. 6500 నిట్స్ పీక్ బ్రైట్‌నెస్‌, HDR10+ సపోర్టును కలిగి ఉంటుంది. 80W ఫాస్ట్‌ ఛార్జింగ్‌ తో 7000mAh బ్యాటరీతో పనిచేస్తుంది.

ఈ ప్రో మోడల్‌ స్నాప్‌డ్రాగన్‌ 7 జెన్‌ 4 చిప్‌సెట్‌ తో పనిచేస్తుంది. థర్మల్‌ మేనేజ్‌మెంట్ కోసం 7000 Sq mm ఎయిర్‌ఫ్లో VC కూలింగ్ సిస్టమ్‌ ను కలిగి ఉంటుంది. కెమెరా విభాగం పరంగా 50MP సోనీ IMX896 (OIS), 50MP సెల్ఫీ కెమెరాను కలిగి ఉంది.

ఈ ఫోన్‌ ఆండ్రాయిడ్ 15 ఆధారిత UI 6.0 పైన పనిచేస్తుంది. ఈ సిరీస్‌ 3 సంవత్సరాల ఆండ్రాయిడ్ OS అప్‌డేట్స్, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది. దీంతోపాటు ప్రో మోడల్‌ AI ట్రావెల్‌ స్నాప్‌, AI ల్యాండ్‌స్కేప్‌ ఫీచర్లను కలిగి ఉంటుంది.

రియల్‌మి P4 5G, రియల్‌మి P4 ప్రో 5G ధర వివరాలు :
రియల్‌మి ప్రొడక్ట్ మార్కెటింగ్‌ హెడ్ X పోస్ట్ ఆధారంగా రియల్‌మి P4 5G స్మార్ట్‌ ఫోన్‌ ప్రారంభ ధర రూ.17499 గా ఉంటుంది. అయితే టిప్‌స్టర్‌ సుదన్షు అంబోర్‌ వివరాల ఆధారంగా ప్రో మోడల్‌ ధర లీక్‌ అయింది. ఈ ఫోన్‌ ప్రారంభ ధర రూ.26999, టాప్‌ ఎండ్‌ వేరియంట్ ధర రూ.28999 గా ఉంటుందని తెలుస్తోంది.