భారత్‌లో తొలి భారీ బ్యాటరీ 5G స్మార్ట్‌ఫోన్‌ విడుదల.. ఏకంగా 10,001mAh బ్యాటరీ, 50MP సోనీ కెమెరా సహా..!

Realme P4 Power 5G Smartphone : రియల్‌మి నుంచి ఎప్పటి నుంచో ఎదురుచూస్తున్న 10001mAh భారీ బ్యాటరీ స్మార్ట్‌ఫోన్ రియల్‌మి P4 పవర్ 5G ఇవాళ భారత్‌ మార్కెట్‌లో విడుదల అయింది. ఈ ఫోన్‌ను ఒక్కసారి పూర్తిగా ఛార్జింగ్‌ చేస్తే ఏకంగా 39 రోజుల స్టాండ్‌బై టైంను అందిస్తుందని రియల్‌మి చెబుతోంది. ఈ స్మార్ట్‌ఫోన్‌ ట్రాన్స్‌వ్యూ డిజైన్‌ను కలిగి ఉంది. 4D కర్వ్‌+, 50MP కెమెరాల సహా అనేక ఆకట్టుకొనే స్పెసిఫికేషన్‌లు, ఫీచర్‌లను కలిగి ఉంది. భారత్‌లో తొలి భారీ బ్యాటరీ ఫోన్‌గా నిలవనుంది.

రియల్‌మి P4 పవర్‌ 5G స్మార్ట్‌ఫోన్‌ స్పెసిఫికేషన్‌లు, ఫీచర్లు :
ఈ స్మార్ట్‌ఫోన్‌ 6.8 అంగుళాల 1.5K 4D కర్వ్‌+ హైపర్‌గ్లో డిస్‌ప్లేతో విడుదల అయింది. ఈ డిస్‌ప్లే 144Hz రీఫ్రెష్‌ రేట్‌, 6500 నిట్స్ పీక్ బ్రైట్‌నెస్‌, 1.07 బిలియన్‌ కలర్స్‌, HDR10+ కంటెంట్‌ను సపోర్టు చేస్తుంది.

4 సంవత్సరాల వరకు అప్‌డేట్స్‌ :
రియల్‌మి P4 పవర్‌ 5G స్మార్ట్‌ఫోన్‌ 4nm మీడియాటెక్ డైమెన్సిటీ 7400 అల్ట్రా చిప్‌సెట్‌ను కలిగి ఉంది. ఆండ్రాయిడ్ 16 ఆధారిత Realme UI 7.0 పైన పనిచేస్తుంది. ఈ ఫోన్‌ 3 ఆండ్రాయిడ్‌ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

50MP సోనీ కెమెరా :
కెమెరా విభాగం పరంగా వెనుక వైపు రెండు కెమెరాలున్నాయి. ఇందులో ఆప్టికల్‌ ఇమేజ్‌ స్టెబిలైజేషన్‌ (OIS), f/1.8 అపేచర్‌తో 50MP సోనీ IMX882 ప్రైమరీ కెమెరా ఉంది. దీంతోపాటు 8MP అల్ట్రావైడ్ లెన్స్‌ ఉంది. సెల్ఫీ, వీడియో కాల్స్ కోసం 16MP కెమెరా ఉంది. ఈ కెమెరాలతో 30fps వద్ద 4K వీడియోలను రికార్డు చేయవచ్చు.

ఏకంగా 10001mAh బ్యాటరీ :
ఈ స్మార్ట్‌ఫోన్ 80W వైర్‌ ఫాస్ట్‌ ఛార్జింగ్‌ సపోర్టుతో 10,001mAh బ్యాటరీని కలిగి ఉంది. ఈ ఫోన్ 27W వైర్‌ రివర్స్‌ ఛార్జింగ్‌ సపోర్టును కూడా కలిగి ఉంది. ఈ బ్యాటరీని పూర్తిగా ఛార్జింగ్‌ చేసి 32.5 గంటల వీడియో ప్లేబ్యాక్‌ లేదా 932.6 గంటల స్టాండ్‌బై టైంను అందిస్తుందని రియల్‌మి చెబుతోంది.

ఈ హ్యాండ్‌సెట్‌ హైపర్‌విజన్‌+ AI చిప్‌ను కూడా కలిగి ఉంది. ఫలితంగా 90fps BGMI ను సపోర్టు చేస్తుందని రియల్‌మి చెబుతోంది. ఈ ఫోన్‌ 4613 Sq mm ఎయిర్‌ఫ్లో వేపర్‌ ఛాంబర్‌ను కలిగి ఉంది. ఈ ఫోన్‌ ఆర్మర్‌షెల్‌ ప్రొటెక్షన్‌ను పొందుతుంది. IP66 + IP68 + IP69 రేటింగ్‌తో డస్ట్‌, వాటర్‌ రెసిస్టెంట్‌గా ఉంది.

రియల్‌మి P4 పవర్‌ 5G స్మార్ట్‌ఫోన్‌ ధర, సేల్‌ వివరాలు :
ఈ స్మా్ర్ట్‌ఫోన్‌ 8GB ర్యామ్ + 128GB స్టోరేజీ వేరియంట్ ధర రూ.25999, 8GB ర్యామ్ + 256GB స్టోరేజీ వేరియంట్ ధర రూ.27999 గా ఉంది. 12GB ర్యామ్ + 256GB స్టోరేజీ వేరియంట్ ధర రూ.30999 గా ఉంది. ఎంపిక చేసిన బ్యాంకు కార్డులపై రూ.2000 డిస్కౌంట్‌ను పొందవచ్చు.

ఈ స్మార్ట్‌ఫోన్‌ సేల్‌ ఫిబ్రవరి 5 వ తేదీ మధ్యాహ్నం 12 గంటల నుంచి ప్రారంభం కానుంది. రియల్‌మి ఇండియా వెబ్‌సైట్‌, రిటైల్‌ అవుట్‌లెట్స్‌, ఫ్లిప్‌కార్ట్‌లో కొనుగోలు చేయవచ్చు. ఈ ఫోన్‌ ట్రాన్స్‌బ్లూ, ట్రాన్స్‌ ఆరెంజ్‌, ట్రాన్స్‌సిల్వర్‌ కలర్‌ వేరియంట్స్‌లో లభిస్తుంది.