16GB RAM, 6000mAh భారీ బ్యాటరీ, 80W ఫాస్ట్ ఛార్జింగ్‌తో REDMAGIC 10 Air 5G.. గేమింగ్ ఫోన్ వచ్చేసింది..

REDMAGIC 10 Air Launch: గేమింగ్ స్మార్ట్‌ఫోన్ల ప్రపంచంలో సంచలనం సృష్టించడానికి నుబియా (Nubia) సంస్థ తమ సరికొత్త REDMAGIC 10 Air ఫోన్‌ను చైనాలో అధికారికంగా విడుదల చేసింది. అదిరిపోయే పర్ఫార్మెన్స్, స్టైలిష్ డిజైన్‌తో వస్తున్న ఈ ఫోన్, గేమింగ్, మల్టీమీడియా అనుభవాన్ని మరో స్థాయికి తీసుకెళ్లడం ఖాయం. మరి దీని ప్రత్యేకతలు ఏంటో చూద్దాం.

* కళ్లు చెదిరే డిస్‌ప్లే

ఈ ఫోన్‌లో 6.8 అంగుళాల ఫుల్ HD+ BOE OLED డిస్‌ప్లే ఉంది. దీంతో, విజువల్స్ చాలా స్పష్టంగా, రంగులు సహజంగా ఉంటాయి. 120Hz రిఫ్రెష్ రేట్ ఉండటం వల్ల, గేమ్స్ ఆడేటప్పుడు లేదా వీడియోలు చూసేటప్పుడు స్క్రీన్ చాలా స్మూత్‌గా, ఎక్కడా లాగ్ లేకుండా పనిచేస్తుంది.

గేమర్స్ కోసం ప్రత్యేకంగా 960Hz టచ్ శాంప్లింగ్ రేట్ ఇచ్చారు. స్క్రీన్‌ను తాకిన వెంటనే రెస్పాన్స్ వస్తుంది. 2160Hz PWM డిమ్మింగ్, DC డిమ్మింగ్ వంటి టెక్నాలజీల వల్ల కళ్లకు భారం తగ్గుతుంది. 1600 నిట్స్ వరకు బ్రైట్‌నెస్ ఉంది. 93.7% స్క్రీన్-టు-బాడీ రేషియోతో, దాదాపు బెజెల్స్ లేని అనుభూతిని పొందవచ్చు.

* పర్ఫార్మెన్స్‌

క్వాల్‌కామ్ వారి లేటెస్ట్, అత్యంత శక్తివంతమైన స్నాప్‌డ్రాగన్ 8 జెన్ 3 (Snapdragon 8 Gen 3) చిప్‌సెట్‌తో ఈ ఫోన్ పనిచేస్తుంది. పర్ఫార్మెన్స్ గురించి ఆలోచించక్కర్లేదు. గరిష్టంగా 16GB LPDDR5X RAM, 512GB UFS 4.0 స్టోరేజ్ ఆప్షన్లు ఉన్నాయి. యాప్స్ క్షణాల్లో ఓపెన్ అవుతాయి, మల్టీ టాస్కింగ్ చాలా సులభం.

* సాఫ్ట్‌వేర్, కనెక్టివిటీ

ఆండ్రాయిడ్ 15 (Android 15) ఆధారిత REDMAGIC OS 10 తో వస్తుంది. గేమర్స్ కోసం ప్రత్యేకంగా ఆప్టిమైజ్ చేసిన సాఫ్ట్‌వేర్ ఇది. డ్యూయల్ సిమ్, Wi-Fi 7, బ్లూటూత్ 5.4, NFC, 5G సపోర్ట్ వంటి అన్ని లేటెస్ట్ కనెక్టివిటీ ఫీచర్లు ఉన్నాయి.

* కెమెరా, గేమింగ్ చిప్

వెనుక వైపు 50MP ప్రధాన కెమెరా, 50MP అల్ట్రా-వైడ్ కెమెరా ఉన్నాయి. ముందు వైపు 16MP అండర్-డిస్‌ప్లే సెల్ఫీ కెమెరా ఇచ్చారు. దీనివల్ల స్క్రీన్ మీద ఎలాంటి నాచ్ లేదా హోల్ లేకుండా పూర్తి స్క్రీన్ అనుభూతి లభిస్తుంది. గేమింగ్‌కు ప్రాధాన్యత ఇచ్చినా, రోజువారీ ఫోటోలకు ఈ కెమెరాలు బాగానే పనిచేస్తాయి.

రెడ్ కోర్ R3 గేమింగ్ చిప్ అనేది నుబియా ప్రత్యేకంగా తయారు చేసిన చిప్. గేమ్‌ ఆడేటప్పుడు వైబ్రేషన్, లైటింగ్, సౌండ్ ఎఫెక్ట్‌లను యూజర్ల ఇష్టానికి అనుగుణంగా ఇది అడ్జస్ట్ చేస్తుంది, గేమింగ్ అనుభవాన్ని మరింత మెరుగుపరుస్తుంది. గేమర్లకు ఇది బెస్ట్ ఫోన్ అవుతుంది.

* కూలింగ్ సిస్టమ్, డిజైన్

ఎంతసేపు గేమ్స్ ఆడినా ఫోన్ వేడెక్కకుండా ఉండటానికి "ICE Magic కూలింగ్ సిస్టమ్" ను ఉపయోగించారు. ఇందులో లిక్విడ్ మెటల్ 2.0, పెద్ద 3D వేపర్ ఛాంబర్, థర్మల్ జెల్, గ్రాఫేన్ వంటి అధునాతన మెటీరియల్స్ ఉన్నాయి. ఇన్ని ఫీచర్లు ఉన్నా, ఈ ఫోన్ చాలా సన్నగా (7.85mm మందం), తేలికగా (205 గ్రాములు) ఉంది.

* బ్యాటరీ, ఛార్జింగ్

6000mAh సామర్థ్యం గల పెద్ద బ్యాటరీతో వస్తుంది. 80W ఫాస్ట్ ఛార్జింగ్ సపోర్ట్ చేస్తుంది. కేవలం 35 నిమిషాల్లోనే 0 నుంచి 100% వరకు ఛార్జ్ చేయగలదు. దీని స్క్రీన్‌లోనే ఫింగర్‌ప్రింట్ సెన్సార్ (In-display fingerprint sensor) ఉంది. స్టీరియో స్పీకర్లు డ్యూయల్ స్మార్ట్ PA టెక్నాలజీతో లౌడ్, స్పష్టమైన ఆడియో అందిస్తాయి.

* రంగులు, ధరలు

ఈ ఫోన్ మూడు ఆకర్షణీయమైన రంగులలో లభిస్తుంది. అవి షాడో బ్లాక్ (ట్విలైట్ - Shadow Black (Twilight)), ఫ్రాస్ట్ బ్లేడ్ వైట్ (హెయిల్ స్టోన్ - Frost Blade White (Hailstone)), ఫ్లేమ్ ఆరెంజ్ (ఫ్లేర్ - Flame Orange (Flare))

* ధరల వివరాలు (చైనాలో)

12GB RAM + 256GB స్టోరేజ్ వేరియంట్ ధర 3,499 యువాన్లు (సుమారు రూ.40,790).. 16GB RAM + 512GB స్టోరేజ్ వేరియంట్ ధర 4,199 యువాన్లు (సుమారు రూ.48,955), ఫ్లేమ్ ఆరెంజ్ (16GB + 512GB) స్పెషల్ ఎడిషన్ వేరియంట్ ధర 4,399 యువాన్లు (సుమారు రూ.51,285)

ప్రస్తుతం చైనాలో అందుబాటులోకి వచ్చిన ఈ ఫోన్, ఏప్రిల్ 23న గ్లోబల్ మార్కెట్‌లో (భారత్‌తో సహా) విడుదల కానుంది.