108MP కెమెరాతో Redmi 13 5G ఇండియాలో లాంచ్ అయింది! ధర రూ.13999 కే, సేల్ వివరాలు

షియోమీ నుంచి Redmi 13 5G భారతదేశంలో కంపెనీ 10వ వార్షికోత్సవం సందర్భంగా మంగళవారం నాడు ప్రారంభించబడింది. భారతదేశంలో స్నాప్‌డ్రాగన్ 4 Gen 2 AE (యాక్సిలరేటెడ్ ఎడిషన్) చిప్‌సెట్‌తో లాంచ్ అయిన మొట్టమొదటి స్మార్ట్‌ఫోన్ ఇది. Redmi 13 5G స్మార్ట్‌ఫోన్ 108-మెగాపిక్సెల్ ప్రైమరీ కెమెరాను 3x ఇన్-సెన్సర్ జూమ్‌కు మద్దతుతో పాటు సెల్ఫీల కోసం 13-మెగాపిక్సెల్ ఫ్రంట్ ఫేసింగ్ కెమెరాను కలిగి ఉంది.

ఈ స్మార్ట్‌ఫోన్ ఛార్జర్‌ని ఉపయోగించి 33W ఫాస్ట్ ఛార్జింగ్‌కు మద్దతుతో 5030mAh బ్యాటరీని ప్యాక్ చేస్తుంది. హవాయి బ్లూ, బ్లాక్ డైమండ్ మరియు ఆర్చిడ్ పింక్ కలర్‌వేస్‌లో ఈ స్మార్ట్‌ఫోన్ అందుబాటులో ఉంది.

భారతదేశంలో Redmi 13 5G ధర, లభ్యత వివరాలు
భారతదేశంలో Redmi 13 5G ధర 6GB + 128GB RAM మరియు స్టోరేజ్ కాన్ఫిగరేషన్ కోసం రూ.13,999, అయితే 8GB + 128GB మెమరీ వేరియంట్ ధర రూ. 15,499 గా ఉంది. ఇవి "సూచించబడిన ధరలు" అని కంపెనీ చెబుతోంది, అయితే ఈ హ్యాండ్‌సెట్‌లకు ఇవి ఫైనల్ ధరలు కాదా అనే దానిపై ఎటువంటి స్పష్టత ఇవ్వలేదు.

కొత్తగా లాంచ్ అయిన Redmi 13 5G అమెజాన్, కంపెనీ ఆన్‌లైన్ స్టోర్ మరియు రిటైల్ ఛానెల్‌ల ద్వారా జూలై 12 మధ్యాహ్నం 12 గంటలకు సేల్ ప్రారంభమవుతుంది. కంపెనీ ప్రకారం, అర్హత కలిగిన బ్యాంక్ తగ్గింపు లేదా ఎక్స్ఛేంజ్ ఆఫర్‌ని ఉపయోగించి కస్టమర్లు తమ కొనుగోలు ధరను రూ.1,000. తగ్గించవచ్చు.

Redmi 13 5G స్పెసిఫికేషన్ల వివరాలు
రెడ్‌మి 13 5G స్మార్ట్‌ఫోన్ డ్యూయల్ సిమ్ (నానో) తో ఆండ్రాయిడ్ 14 పై Xiaomi యొక్క HyperOS స్కిన్‌తో పనిచేస్తుంది. ఇది 120Hz రిఫ్రెష్ రేట్ మరియు గొరిల్లా గ్లాస్ 3 రక్షణతో 6.79-అంగుళాల పూర్తి-HD+ (1,080x2,400 పిక్సెల్‌లు) IPS LCD డిస్‌ప్లేను కలిగి ఉంది. ఈ హ్యాండ్‌సెట్ క్వాల్‌కామ్ నుండి 4nm ఆక్టా-కోర్ స్నాప్‌డ్రాగన్ 4 Gen 2 AE SoC ద్వారా ఆధారపడి పనిచేస్తుంది. గరిష్టంగా 8GB RAM తో జత చేయబడింది.

ఫోటోలు మరియు వీడియోల కోసం, Redmi 13 5G స్మార్ట్‌ఫోన్ 108-మెగాపిక్సెల్ కెమెరాతో శాంసంగ్ ISOCELL HM6 సెన్సార్ మరియు f/1.75 అపెర్చర్‌తో అమర్చబడింది. ప్రైమరీ కెమెరా 3x ఇన్-సెన్సర్ జూమ్‌ను అందిస్తుందని కంపెనీ తెలిపింది.ఈ ఫోన్ 2-మెగాపిక్సెల్ మాక్రో కెమెరాతో కూడా ఉంది. వీడియో చాట్‌లు మరియు సెల్ఫీల కోసం, ఇది డిస్‌ప్లేపై హోల్-పంచ్ కటౌట్‌లో ఉన్న 13-మెగాపిక్సెల్ ముందువైపు కెమెరాను కలిగి ఉంటుంది.

మీరు Redmi 13 5Gలో 128GB స్టోరేజీ ని పొందుతారు. హ్యాండ్‌సెట్‌లోని కనెక్టివిటీ ఎంపికలలో 5G, 4G LTE, డ్యూయల్ బ్యాండ్ Wi-Fi, బ్లూటూత్ 5.4, GPS మరియు 3.5mm హెడ్‌ఫోన్ జాక్ ఉన్నాయి. స్మార్ట్‌ఫోన్‌లో డేటా బదిలీల కోసం USB టైప్-సి పోర్ట్ కూడా ఉంది మరియు 5030mAh బ్యాటరీ 33W వద్ద ఫాస్ట్ ఛార్జ్ చేస్తుంది.

Redmi 13 5G లోని సెన్సార్‌లు గమనిస్తే యాక్సిలెరోమీటర్, గైరోస్కోప్, ఇ-కంపాస్, సామీప్య సెన్సార్, యాంబియంట్ లైట్ సెన్సార్ ఉన్నాయి. ఈ హ్యాండ్‌సెట్ వివిధ గృహోపకరణాలను నియంత్రించడానికి ఉపయోగించే ఇన్‌ఫ్రారెడ్ (IR) ట్రాన్స్‌మిటర్‌ను కూడా కలిగి ఉంది. ఇది బయోమెట్రిక్ కోసం సైడ్-మౌంటెడ్ ఫింగర్ ప్రింట్ స్కానర్‌ను కలిగి ఉంది. అంతేకాకుండా, ఇది 168.6x76.28x8.3mm కొలుస్తుంది మరియు 205g బరువు ఉంటుంది.