రూ.10 వేల కంటే తక్కువ ధరలో భారీ డిస్‌ప్లేతో 5G స్మార్ట్‌ఫోన్‌.. 50MP కెమెరా, 5160mAh బ్యాటరీ సహా..!

రెడ్‌మి నుంచి ఇటీవల నోట్‌ 14 SE స్మార్ట్‌ ఫోన్ అందుబాటులోకి వచ్చింది. ఈ ఫోన్ రూ.15 వేల ధర రేంజ్‌ లో అందుబాటులోకి వచ్చింది. అయితే ఈ సంవత్సరం తొలి రోజుల్లో రెడ్‌మి నుంచి 14c 5G స్మార్ట్‌ఫోన్‌ ( Redmi 14C 5G Smartphone ) విడుదల అయింది. ఈ ఫోన్‌ భారీ డిస్‌ప్లే, 50MP కెమెరాతోపాటు అనేక బెస్ట్‌ ఫీచర్‌ లను కలిగి ఉంది. ఈ ఫోన్‌ను ప్రస్తుతం రూ.10 కంటే తక్కువ ధరలో కొనుగోలు చేయవచ్చు.

రూ.10 వేల కంటే తక్కువ ధరలో :
రెడ్‌మి 14c 5G స్మార్ట్‌ ఫోన్‌ విడుదల సమయంలో 4GB ర్యామ్ + 64GB స్టోరేజీ వేరియంట్ ధర రూ.9999 గా ఉండేది. ప్రస్తుతం అమెజాన్‌ లో రూ.9498 కే కొనుగోలు చేయవచ్చు. ఎంపిక చేసిన బ్యాంకు కార్డులపై గరిష్ఠంగా రూ.1000 వరకు డిస్కౌంట్‌ ను పొందవచ్చు.

మూడు స్టోరేజీ వేరియంట్స్‌ :
అదే 4GB ర్యామ్ + 128GB స్టోరేజీ వేరియంట్‌ ను రూ.10498, 6GB ర్యామ్‌ + 128GB స్టోరేజీ వేరియంట్‌ను రూ.11498 ధరకే కొనుగోలు చేయవచ్చు. ఈ స్మార్ట్‌ఫోన్‌ స్టార్‌లైట్‌ బ్లూ, స్టార్‌డస్ట్‌ పర్పుల్‌, స్టార్‌ గేజ్‌ బ్లాక్‌ రంగుల్లో లభిస్తుంది.

రెడ్‌మి 14C 5G స్మార్ట్‌ఫోన్‌ పూర్తి వివరాలు :
ఈ రెడ్‌మి 14C 5G స్మార్ట్‌ ఫోన్‌ 120Hz రీఫ్రెష్‌ రేట్‌ తో 6.88 అంగుళాల HD+ డిస్‌ప్లేను కలిగి ఉంది. ఈ డిస్‌ప్లే TUV rheinland సర్టిఫికేషన్‌ ను కలిగి ఉంది. IP52 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంది.

4 సంవత్సరాల వరకు అప్‌డేట్స్ :
ఈ రెడ్‌మి హ్యాండ్‌సెట్‌ క్వాల్‌కాం స్నాప్‌డ్రాగన్ 4 జెన్‌ 2 SoC ప్రాసెసర్‌ తో పనిచేస్తోంది. ఈ ప్రాసెసర్‌ 6GB ర్యామ్‌, 128GB స్టోరేజీని సపోర్టు చేస్తుంది. ఆండ్రాయిడ్ 14 ఆధారిత షియోమీ HyperOS పైన పనిచేస్తోంది. ఈ ఫోన్ 2 ఆండ్రాయిడ్ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది.

50MP కెమెరా :
ఈ స్మార్ట్‌ఫోన్‌ 18W వైర్‌ ఛార్జింగ్‌ సపోర్టుతో 5160mAh బ్యాటరీని కలిగి ఉంది. కెమెరా విభాగం పరంగా వెనుక వైపు డ్యూయల్‌ కెమెరాలను కలిగి ఉంది. ఇందులో 50MP ప్రైమరీ కెమెరాతోపాటు మరో కెమెరాను కలిగి ఉంది. ఈ కెమెరాలు పొర్ట్రెయిట్‌ మోడ్‌, నైట్‌ మోడ్‌ ను కలిగి ఉన్నాయి. ఈ హ్యాండ్‌సెట్‌ 8MP సెల్ఫీ కెమెరాతో అందుబాటులో ఉంది.

ఈ రెడ్‌మి 14c 5G ఫోన్‌ 5G, 4G LTE, వైఫై, బ్లూటూత్‌, USB-C ఛార్జింగ్‌ పోర్టు, 3.5mm ఆడియో జాక్‌ ను కలిగి ఉంది. రూ.10 వేల కంటే తక్కువ ధరలో భారీ డిస్‌ప్లే కలిగిన ఫోన్‌ కావాలని భావిస్తున్న వారికి ఈ హ్యాండ్‌సెట్ అనుకూలంగా ఉండే అవకాశం ఉంది.