ఈ స్మార్ట్‌ఫోన్‌ విడుదల తేదీ వచ్చేసింది.. డ్యూయల్‌ కెమెరాలు సహా కీలక వివరాలు లీక్‌..!

Redmi 15C 5G Smartphone : రెడ్‌మి 15c 5G స్మార్ట్‌ఫోన్‌ భారత్‌లో విడుదల గురించి ఇటీవలే కొన్ని లీక్స్‌ వచ్చాయి. అయితే తాజాగా ఈ ఫోన్‌ విడుదల తేదీ సహా ఇతర వివరాలను రెడ్‌మి విడుదల చేసింది. ఈ వివరాలను సోషల్‌ మీడియాలో షేర్‌ చేసింది. ఈ ఫోన్‌ కు సంబంధించిన వివరాలతో షియోమీ ఇండియా, అమెజాన్ వెబ్‌సైట్‌లలో మైక్రోసైట్స్‌ ప్రారంభం అయ్యాయి. ఈ ఫోన్‌ స్పెసిఫికేషన్‌లు, ఫీచర్‌ల వివరాలు.

ఎప్పుడు విడుదల కానుంది? :
రెడ్‌మి 15C 5G స్మార్ట్‌ఫోన్‌ భారత్‌ మార్కెట్‌లో డిసెంబర్‌ 3 వ తేదీన విడుదల కానుంది. షియోమీ ఇండియా, అమెజాన్‌లో సేల్‌ ప్రారంభం కానుంది. నవంబర్‌ 28 వ తేదీన ఈ ఫోన్‌ డిజైన్‌ను విడుదల చేస్తామని రెడ్‌మి తెలిపింది. అనంతరం క్రమంగా నవంబర్‌ 30, డిసెంబర్‌ 1, 2 తేదీల్లో మరిన్ని వివరాలను వెల్లడిస్తామని తెలిపింది.

వెనుక వైపు డ్యూయల్ కెమెరాలు :
ప్రస్తుతం ఉన్న వివరాల ఆధారంగా ఈ ఫోన్ వెనుక వైపు దీర్ఘచతురస్రాకార కెమెరా మాడ్యూల్‌ను కలిగి ఉంటుంది. రెండు కెమెరాలు ఉంటాయి. మరిన్ని వివరాలు త్వరలోనే వెల్లడి కానున్నాయి. అయితే ఇప్పటికే ఈ హ్యాండ్‌సెట్‌ అంచనా వివరాలు లీక్‌ అయ్యాయి.

అంచనా స్పెసిఫికేషన్‌లు, ఫీచర్‌లు :
రెడ్‌మి 15C 5G స్మార్ట్‌ఫోన్ 120Hz రీఫ్రెష్‌ రేట్‌తో 6.9 అంగుళాల LCD డిస్‌ప్లేను కలిగి ఉంటుందని తెలుస్తోంది. ఈ ఫోన్‌ మీడియాటెక్‌ డైమెన్సిటీ 6300 చిప్‌సెట్‌ తో పనిచేస్తుందని అంచనా వేస్తున్నారు. ఈ చిప్‌సెట్‌ 8GB LPDDR4x ర్యామ్‌, 128GB UFS 2.2 స్టోరేజీని సపోర్టు చేస్తుందని తెలుస్తోంది.

ఈ రెడ్‌మి ఫోన్ ఆండ్రాయిడ్ 15 ఆధారిత HyperOS 2 తో లాంచ్‌ అయ్యే అవకాశం ఉంది. 6000mAh బ్యాటరీతో అందుబాటులోకి వస్తుందని అంచనా వేస్తున్నారు. అయితే ఈ స్పెసిఫికేషన్లు, ఫీచర్‌లపై రెడ్‌మి ఎటువంటి అధికారిక ప్రకటన చేయలేదు.

ధర వివరాలు :
కొన్ని లీక్స్‌ ఆధారంగా రెడ్‌మి 15C 5G స్మార్ట్‌ఫోన్‌ 4GB ర్యామ్ + 128GB స్టోరేజీ ధర రూ.12499 గా ఉంటుందని తెలుస్తోంది. 6GB ర్యామ్‌ + 128GB స్టోరేజీ వేరియంట్ ధర రూ.13999, 8GB ర్యామ్ + 128GB స్టోరేజీ వేరియంట్‌ ధర రూ.14999 గా ఉంటుందని అంచనా వేస్తున్నారు.

రెడ్‌మి 14C 5G స్మార్ట్‌ఫోన్‌ :
ప్రస్తుతం భారత్‌ మార్కెట్‌లో అందుబాటులో ఉన్న రెడ్‌మి 14C 5G స్మార్ట్‌ఫోన్‌ 120Hz రీఫ్రెష్‌ రేట్‌తో 6.88 అంగుళాల HD+ డిస్‌ప్లేను కలిగి ఉంది. క్వాల్‌కాం స్నాప్‌డ్రాగన్ 4 జెన్‌ 2 SoC ప్రాసెసర్‌, ఆండ్రాయిడ్ 14 ఆధారిత షియోమీ HyperOS పైన పనిచేస్తోంది.

ఈ ఫోన్ 2 ఆండ్రాయిడ్ OS అప్‌డేట్స్‌, 4 సంవత్సరాల వరకు సెక్యూరిటీ అప్‌డేట్స్‌ను పొందుతుంది. 18W వైర్‌ ఛార్జంగ్ సపోర్టుతో 5160mAh బ్యాటరీని కలిగి ఉంది. కెమెరా విభాగం పరంగా 50MP ప్రైమరీ కెమెరా, మరో కెమెరాతోపాటు 8MP సెల్ఫీ కెమెరాను కలిగి ఉంది.