రూ.15 వేల ధరలో 50MP కెమెరా, ఆకట్టుకొనే డిజైన్‌, 128GB స్టోరేజీతో 5G స్మార్ట్‌ఫోన్‌.. సేల్ ప్రారంభం..!

Published: Friday, August 1, 2025, 17:35 [IST]

Redmi Note 14 SE 5G Smartphone Sale : రెడ్‌మి నోట్‌ 14 SE 5G స్మార్ట్‌ ఫోన్‌ భారత్‌ మార్కెట్‌ లో ఇటీవల విడుదల అయింది. ఇవాళ్టి నుంచి సేల్‌ ప్రారంభం అయింది. ఈ ఫోన్ బడ్జెట్‌ లో అందుబాటులో ఉంది. ఈ స్మార్ట్‌ఫోన్‌ 50MP కెమెరా, 5110mAh బ్యాటరీ, 6.67 అంగుళాల డిస్‌ప్లేను కలిగి ఉంది. ఈ ఫోన్ 4 సంవత్సరాల వరకు సెక్యూరిటీ అప్‌డేట్స్‌ పొందుతుందని తెలుస్తోంది. ఈ రెడ్‌మి ఫోన్‌ పూర్తి స్పెసిఫికేషన్‌ లు, ఫీచర్లు, సేల్‌ వివరాలు.

రెడ్‌మి నోట్‌ 14 SE 5G స్మార్ట్‌ఫోన్‌ ధర, సేల్‌ :
రెడ్‌మి నోట్‌ 14 SE 5G స్మార్ట్‌ఫోన్‌ 6GB ర్యామ్ + 128GB స్టోరేజీ ధర రూ.14999 గా ఉంది. ప్రస్తుతం Mi.com, ఫ్లిప్‌కార్ట్‌ (Flipkart), ఇతర రిటైల్‌ స్టోర్స్‌ ద్వారా కొనుగోలు చేసేందుకు ప్రస్తుతం అందుబాటులో ఉంది.

Redmi Note 14 SE 5G Smartphone Sale is live in india

ప్రస్తుతం ఫ్లిప్‌కార్ట్ ఫ్రీడమ్ సేల్‌ ఆఫర్ల కారణంగా ఎంపిక చేసిన బ్యాంకు కార్డులతో ఈ ఫోన్‌ను డిస్కౌంట్ ధరకు కొనుగోలు చేయవచ్చు. ఈ రెడ్‌మి ఫోన్‌ క్రిమ్సన్‌ ఆర్ట్‌, మిస్టిక్‌ వైట్‌, టైటాన్‌ బ్లాక్‌ కలర్ వేరియంట్స్‌ లో లభిస్తుంది.

కార్నింగ్‌ గొరిల్లా గ్లాస్‌ 5 ప్రొటెక్షన్‌ :
రెడ్‌మి నోట్‌ 14 SE 5G స్మార్ట్‌ఫోన్‌ 6.67 అంగుళాల ఫుల్‌ HD+ సూపర్‌ అమోలెడ్‌ డిస్‌ప్లేతో అందుబాటులోకి వచ్చింది. ఈ డిస్‌ప్లే 120Hz రీఫ్రెష్‌ రేట్‌, 2100 నిట్స్‌ పీక్‌ బ్రైట్‌నెస్‌ ను కలిగి ఉంది. కార్నింగ్‌ గొరిల్లా గ్లాస్‌ 5 ప్రొటెక్షన్‌ ను పొందుతుంది.

మీడియాటెక్‌ చిప్‌సెట్‌, ఆండ్రాయిడ్‌ 15 OS :
ఈ హ్యండ్‌సెట్ 6nm మీడియాటెక్ డైమెన్సిటీ 7025 చిప్‌సెట్‌ ను కలిగి ఉంది. ఈ చిప్‌సెట్ 6GB LPPDDR4x ర్యామ్, 128GB UFS 2.2 స్టోరేజీని సపోర్టు చేస్తుంది. ఆండ్రాయిడ్‌ 15 ఆధారిత Hyper OS పైన పనిచేస్తుంది. రెండు సంవత్సరాల ఆండ్రాయిడ్ OS అప్‌డేట్స్, 4 సంవత్సరాల వరకు సెక్యూరిటీ అప్‌డేట్స్‌ ను పొందుతుంది.

50MP సోనీ కెమెరా, 5110mAh బ్యాటరీ :
కెమెరా విభాగం పరంగా 50MP సోనీ LYT 600 ప్రైమరీ కెమెరా, 8MP అల్ట్రా వైడ్‌ కెమెరా, 2MP మ్యాక్రో కెమెరాలు మరియు LED ఫ్లాష్‌ లైట్‌ ను కలిగి ఉంది. మరియు 20MP సెల్ఫీ కెమెరాను కలిగి ఉంది. ఈ హ్యాండ్‌సెట్‌ 45W ఫాస్ట్ ఛార్జింగ్‌ సపోర్టుతో 5110mAh బ్యాటరీని కలిగి ఉంది.

IP64 రేటింగ్‌, డాల్బీ అట్మాస్‌ సపోర్టు :
ఈ రెడ్‌మి స్మార్ట్‌ఫోన్ IP64 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంది. కనెక్టివిటీ పరంగా 5G, 4G LTE, బ్లూటూత్‌ 5.3, WiFi 802.11 ac, GPS, USB-C ఛార్జింగ్‌ పోర్టును కలిగి ఉంది. డాల్బీ అట్మాస్, Hi Res ఆడియోతో స్టీరియో స్పీకర్‌ లను కలిగి ఉంది. భద్రత కోసం ఇన్‌ డిస్‌ప్లే ఫింగర్‌ ప్రింట్‌ సెన్సార్‌ ను అమర్చారు.