200MP కెమెరా, 6.83 అంగుళాల డిస్‌ప్లే 5G స్మార్ట్‌ఫోన్‌ సేల్‌ ప్రారంభం.. రూ.3000 డిస్కౌంట్‌

Redmi Note 15 Pro 5G Series Sale : భారత్ మార్కెట్‌ లో గత నెల చివర్లో రెడ్‌మి నోట్‌ 15 ప్రో సిరీస్‌ విడుదల అయింది. ఈ సిరీస్‌ ముందస్తు బుకింగ్‌ చేసేందుకు అవకాశం ఇచ్చింది. ఇవాళ్టి నుంచి సేల్‌ ప్రారంభం అయింది. ఈ సిరీస్‌లో భాగంగా రెడ్‌మి నోట్‌ 15 ప్రో, రెడ్‌మి నోట్‌ 15 ప్రో ప్లస్‌ మోడల్స్‌ అందుబాటులోకి వచ్చాయి. ఈ సిరీస్‌ ఫోన్‌లు 200MP కెమెరా, 6.83 అంగుళాల డిస్‌ప్లేను కలిగి ఉన్నాయి.

రూ.3000 డిస్కౌంట్‌ :
రెడ్‌మి 15 ప్రో 5G సిరీస్‌ ఫోన్‌లు ప్రస్తుతం అమెజాన్, రెడ్‌మి అధికారిక వెబ్‌సైట్‌ లో అందుబాటులో ఉన్నాయి. బేస్‌ వేరియంట్ 8GB ర్యామ్ + 128GB స్టోరేజీ ధర రూ.29999, 8GB ర్యామ్ + 256GB ‌స్టోరేజీ ధర రూ.31999 గా ఉంది.

అదే ప్రో ప్లస్ మోడల్ ధర 8GB ర్యామ్ + 256GB స్టోరేజీ ధర రూ.37999, 12GB ర్యామ్ + 256GB స్టోరేజీ ధర రూ.39999, 12GB ర్యామ్ + 512GB స్టోరేజీ ధర రూ.43999 గా ఉంది. ఎంపిక చేసిన బ్యాంకు కార్డులపై గరిష్ఠంగా రూ.3000 డిస్కౌంట్‌ ను పొందవచ్చు.

రెడ్‌మి నోట్‌ 15 ప్రో 5G స్మార్ట్‌ఫోన్ :
రెడ్‌మి నోట్‌ 15 ప్రో 5G స్మార్ట్‌ఫోన్ 6.83 అంగుళాల 1.5K అమోలెడ్ డిస్‌ప్లేను కలిగి ఉంది. ఈ డిస్‌ప్లే 120Hz రీఫ్రెష్‌ రేట్‌, 3200 నిట్స్‌ గరిష్ఠ బ్రైట్‌నెస్‌, గొరిల్లా గ్లాస్‌ విక్టస్‌ 2 ప్రొటెక్షన్‌ ను పొందుతుంది. IP66, IP68, IP69, IP69K రేటింగ్‌ తో డస్ట్‌, వాటర్‌ రెసిస్టెంట్‌గా ఉంది.

ఈ ఫోన్ మీడియాటెక్‌ డైమెన్సిటీ 7400 అల్ట్రా ప్రాసెసర్‌ ను కలిగి ఉంది. ఆండ్రాయిడ్‌ 15 ఆధారిత HyperOS 2 పైన పనిచేస్తోంది. ఈ హ్యాండ్‌సెట్‌ 200MP OIS కెమెరా, 8MP అల్ట్రావైడ్‌, 20MP సెల్ఫీ కెమెరాలున్నాయి. 45W వైర్‌ ఫాస్ట్‌ ఛార్జింగ్‌, 22.5W రివర్స్‌ ఛార్జింగ్‌ సపోర్టుతో 6580mAh బ్యాటరీతో పనిచేస్తుంది.

రెడ్‌మి నోట్‌ 15 ప్రో ప్లస్‌ 5G స్మార్ట్‌ఫోన్ :
రెడ్‌మి నోట్‌ 15 ప్రో ప్లస్‌ 5G స్మార్ట్‌ఫోన్ 6.83 అంగుళాల 1.5K CrystalRes అమోలెడ్‌ డిస్‌ప్లేను కలిగి ఉంది. 120Hz రీఫ్రెష్‌ రేట్‌, 3200 నిట్స్‌ పీక్‌ బ్రైట్‌నెస్‌, కార్నింగ్ గొరిల్లా గ్లాస్‌ విక్టస్‌ 2 ప్రొటెక్షన్‌ను పొందుతుంది. IP66, IP68, IP69, IP69K రేటింగ్‌ తో డస్ట్‌, వాటర్‌ రెసిస్టెంట్‌గా ఉంది.

ఈ ఫోన్ స్నాప్‌డ్రాగన్ 7s జెన్‌ 4 ప్రాసెసర్ ను కలిగి ఉంది. ఆండ్రాయిడ్‌ 15 ఆధారిత HyperOS 2 పైన పనిచేస్తోంది. 200MP OIS కెమెరా, 8MP అల్ట్రావైడ్‌ లెన్స్, 32MP సెల్ఫీ కెమెరాను కలిగి ఉంది. 100W వైర్‌ ఛార్జింగ్, 22.5 రివర్స్‌ వైర్‌ సపోర్టుతో 6500mAh బ్యాటరీని కలిగి ఉంది.