200MP కెమెరా, 6500mAh బ్యాటరీ, 6.83 అంగుళాల డిస్‌ప్లేతో 5G ఫోన్‌.. రేపే విడుదల..!

Redmi note 15 Pro 5G Series : రెడ్‌మి నోట్‌ 15 ప్రో సిరీస్‌ భారత్ మార్కెట్‌ లో రేపు (జనవరి 29 వ తేదీ) ఉదయం 11 గంటలకు విడుదల కానుంది. ఈ సిరీస్‌లో భాగంగా నోట్‌ 15 ప్రో 5G, నోట్‌ 15 ప్రో ప్లస్‌ 5G స్మార్ట్‌ఫోన్‌లు అందుబాటులోకి రానున్నాయి. అయితే ఈ సిరీస్ స్పెసిఫికేషన్‌లు, ఫీచర్ల వివరాలు ఇప్పటికే వెల్లడయ్యాయి. అమెజాన్‌ ద్వారా ఈ ఫోన్‌ అందుబాటులోకి రానుంది. అయితే అమెజాన్‌ ద్వారా ఈ హ్యాండ్‌సెట్ కలర్‌ వేరియంట్స్‌ సహా మరిన్ని వివరాలు వెల్లడయ్యాయి.

రెడ్‌మి నోట్‌ 15 ప్రో 5G స్మార్ట్‌ఫోన్ :
రెడ్‌మి నోట్‌ 15 ప్రో 5G స్మార్ట్‌ఫోన్ ఆప్టికల్‌ ఇమేజ్ స్టెబిలైజేషన్‌ (OIS) సపోర్టుతో 200MP ప్రైమరీ కెమెరాను కలిగి ఉంటుంది. HDR + AI అల్ట్రా క్లియర్‌ ఇంజిన్‌ను కలిగి ఉంటుంది. ఈ కెమెరాలు 4K వీడియో రికార్డింగ్‌ను సపోర్టు చేస్తాయి.

ఈ ఫోన్‌ 6.8 అంగుళాల డిస్‌ప్లేను కలిగి ఉంటుంది. కార్నింగ్ గొరిల్లా గ్లాస్‌ విక్టస్‌ 2 ప్రొటెక్షన్‌ ను పొందుతుంది. IP66 + IP68 + IP69 + IP69K రేటింగ్‌ తో డస్ట్, వాటర్ రెసిస్టెంట్‌ గా ఉంటుంది. ఈ ఫోన్‌ మీడియాటెక్‌ డైమెన్సిటీ 7400 అల్ట్రా చిప్‌సెట్‌ను కలిగి ఉంటుంది. ఈ ఫోన్‌ 45W వైర్‌ ఫాస్ట్‌ ఛార్జింగ్‌, 18W రివర్స్‌ ఛార్జింగ్‌ సపోర్టుతో 6580mAh బ్యాటరీతో పనిచేస్తుంది.

రెడ్‌మి నోట్‌ 15 ప్రో ప్లస్‌ 5G స్మార్ట్‌ఫోన్ :
నోట్ 15 ప్రో ప్లస్‌ మోడల్‌ 6.83 అంగుళాల 1.5K QHD అమోలెడ్ డిస్‌ప్లేను కలిగి ఉంటుంది. 3200 నిట్స్‌ గరిష్ఠ బ్రైట్‌నెస్‌ ను కలిగి ఉంటుంది. కార్నింగ్‌ గొరిల్లా గ్లాస్ విక్టస్‌ 2 ప్రొటెక్షన్‌ ను పొందుతుంది. IP66 + IP68 + IP69 + IP69K రేటింగ్‌ తో డస్ట్‌, వాటర్‌ రెసిస్టెంట్‌గా ఉంటుంది.

200MP కెమెరా :
ఈ వేరియంట్‌ కూడా 200MP కెమెరాను కలిగి ఉంటుంది. అయితే ప్రో ప్లస్‌ మోడల్‌ స్నాప్‌డ్రాగన్‌ 7s జెన్‌ 4 చిప్‌సెట్‌ పైన పనిచేస్తుంది. మరియు 100W హైపర్‌ ఛార్జ్‌ వైర్‌ ఫాస్ట్‌ ఛార్జింగ్‌, 22.5W వైర్‌ రివర్స్‌ ఛార్జింగ్‌ సపోర్టుతో 6500mAh సిలికాన్ కార్బన్‌ బ్యాటరీతో పనిచేస్తుంది.

ధర, కలర్‌ వేరియంట్స్‌ వివరాలు :
అమెజాన్‌ లిస్టింగ్‌ ఆధారంగా రెడ్‌మి నోట్‌ 15 ప్రో 5G స్మార్ట్‌ఫోన్ 8GB ర్యామ్ + 128GB స్టోరేజీ, 8GB ర్యామ్ + 256GB స్టోరేజీ వేరియంట్స్‌లో అందుబాటులోకి వస్తుంది. సిల్వర్‌ యాష్‌, మిరాజ్‌ బ్లూ, కార్బన్‌ బ్లాక్‌ కలర్‌ వేరియంట్స్‌లో లభిస్తుంది.

అదే నోట్‌ 15 ప్రో ప్లస్‌ 5G స్మార్ట్‌ఫోన్ 8GB ర్యామ్ + 256GB స్టోరేజీ, 12GB ర్యామ్ + 512GB స్టోరేజీ వేరియంట్స్‌లో అందుబాటులో ఉంది. ఈ హ్యాండ్‌సెట్‌ కార్బన్‌ బ్లాక్‌, మిరాజ్‌ బ్లూ, కాఫీ మోచా కలర్ వేరియంట్స్‌లో అందుబాటులో ఉంటుంది.