జియోఫోన్లు ఎన్ని అమ్ముడుపోయాయి,మార్కెట్లో వాటి రిజల్ట్ ఏంటీ ?

దాదాపు 4 కోట్ల ఫోన్లు..

క్రెడిట్‌ స్యూజ్‌ చేపట్టిన అధ్యయనం ప్రకారం జియోఫోన్‌ మార్కెట్‌లోకి వచ్చినప్పటి నుంచి దాదాపు 4 కోట్ల ఫోన్లు అమ్ముడుపోయినట్టు తెలిసింది. ఈ రిపోర్ట్ ప్రకారం 2018 జనవరి-మార్చి క్వార్టర్‌లో ఫీచర్‌ ఫోన్‌ మార్కెట్‌ షేరులో జియోఫోన్‌ 36 శాతం షేరును తన సొంతం చేసుకుందని తెలిసింది.

మార్కెట్‌బేస్‌ను విస్తరించుకోవడానికి..

జియో తన మార్కెట్‌బేస్‌ను విస్తరించుకోవడానికి ఈ ఫోన్ ఎంతో దోహదం చేసిందని క్రెడిట్‌ స్యూజ్‌ పేర్కొంది. ఈ క్వార్టర్‌లో 2.1 కోట్ల జియోఫోన్‌ విక్రయాలు జరిగాయని అంటే నెలకు 70 లక్షల జియోఫోన్‌లు అమ్ముడుపోయినట్టు సర్వే పేర్కొంది.

 

రూ.49తో ప్లాన్‌తో భారీ ఎత్తున్న జియోఫోన్‌ విక్రయాలు

రిపోర్టు ప్రకారం జనవరిలో కంపెనీ అత్యంత చౌకగా రూ.49తో సరికొత్త ప్లాన్‌ను తీసుకొచ్చింది. ఈ ప్లాన్‌తో భారీ ఎత్తున్న జియోఫోన్‌ విక్రయాలు కూడా నమోదుతున్నాయని రిపోర్టు తెలిపింది. మొత్తంగా జియో వృద్ధికి అత్యంత కీలకమైన పాత్రను జియోఫోన్‌ పోషిస్తున్నట్టు రిపోర్టు పేర్కొంది.

జియో ఫోన్‌ను కస్టమర్లు..

అయితే జియోఫోన్‌ ఇతర ఫోన్ల మార్కెట్‌ షేరును తినేస్తోందా? లేదా జియో ఫోన్‌ను కస్టమర్లు రెండో డివైజ్‌లాగా కొనుగోలు చేస్తున్నారా? అని తెలుసుకోవడం మాత్రం కష్టతరంగా మారినట్టు సర్వే పేర్కొంది. ఇంక్యూబెంట్ల సబ్‌స్క్రైబర్‌ బేస్‌ను ఇది తన వైపుకు లాగేసుకోవడం ప్రారంభించిందని నివేదించింది.

జియోఫోన్ ఫీచర్లు

2.4 అంగుళాల QVGA టీఎఫ్టీ డిస్‌ప్లే, 1.2GHz సీపీయూ, 512MB ర్యామ్, 4జీబి ఇంటర్నల్ స్టోరేజ్, వీజీఏ కెమెరా, 4G VoLTE సపోర్ట్, ఇంటర్నెట్ షేరింగ్ హాట్ స్పాట్ సదుపాయం,డ్యుయల్ సిమ్ కనెక్టువిటీ (4జీ సిమ్ + 2జీ సిమ్), 2000mAh బ్యాటరీ, మ్యూజిక్/వీడియో ప్లేయర్, ఎఫ్ఎమ్ రేడియో యాప్.

కేవలం నలుపు రంగులో మాత్రమే

ఇది కేవలం నలుపు రంగులో మాత్రమే లభిస్తుంది. నలుపంటే ఇష్టపడేవారికి జియో ఫోన్ చాలా బాగా నచ్చుతుంది.ఈ ఫోన్ లో సరికొత్తగా టీవికి అనుసంధానం చేసే ఫీచర్ ని ప్రవేశపెట్టారు. దీని ద్వారా మీరు టివిలో మీకు నచ్చినది చూసే అవకాశం ఉంది. ఏ టివికైనా సెట్ అయ్యే విధంగా ఈ ఫీచర్ ని రూపొందించారు.

ఎమర్జెన్సీ బటన్

ఇందులో ఓ ఎమర్జెన్సీ బటన్ ఉంది. మీరు జియో ఫోన్ నుంచి 5 బటన్ ట్యాప్ చేయడం ద్వారా 100, 108లాంటి వాటికి కాల్ వెళుతుంది.ఈ ఫోన్ లో దాదాపు 23 రకాల భాషలు ఉన్నాయి. మీకు నచ్చిన భాషని ఎంపిక చేసుకుని ఎంజాయ్ చేయవచ్చు.

ఫ్రీ లోడెడ్ యాప్స్

జియో ఫోన్ లో మైజియో, మ్యూజిక్, సినిమా, జియో టివి, జియో మని, జియో ఎక్స్‌ప్రెస్ న్యూస్ లాంటి ఫ్రీ లోడెడ్ యాప్స్ ఉన్నాయి. వీటిని మీరు సపరేట్ గా డౌన్లోడ్ చేసుకోనవసరం లేదు.

వాయిస్ ఎనేబుల్డ్

గూగుల్ అసిస్టెంట్, ఆపిల్ సిరి, మైక్రోసాఫ్ట్ కొర్టానా మాదిరిగానే జియో ఫోన్ కూడా వాయిస్ ఎనేబుల్డ్ గా తయారైంది. అంటే మీ చేతులు ఉపయోగించకుండానే SMS పంపే అవకాశం ఉంది. వాయిస్ ద్వారానే కాల్స్, సందేశాలు పంపుకోవచ్చు.

సింగిల్ సిమ్

ఈ ఫోన్ పూర్తిగా ఉచితంగానే అని కంపెనీ చెబుతోంద.ఫస్ట్ రూ. 1500 డిపాజిట్ కింద తీసుకున్నా మూడేళ్ల తరువాత అది తిరిగి రీఫండ్ చేస్తామని జియో చెబుతుంది. అతి తక్కువ ధరలో వీడియో కాలింగ్ సపోర్ట్ తో లభిస్తున్న ఫోన్ జియో ఫోన్ ఒక్కటేనని మాత్రం చెప్పవచ్చు. అయితే ఈ ఫోన్ సింగిల్ సిమ్ తో వస్తుంది కాబట్టి డ్యూయెల్ సిమ్ వాడే అభిమానులకు ఇది నచ్చకపోవచ్చు.