ఇంటెక్స్, ఒప్పో ఫోన్‌ల పై 60జీబి వరకు జియో డేటా ఉచితం

ప్రముఖ దేశవాళీ స్మార్ట్‌ఫోన్‌ల తయారీ కంపెనీ ఇంటెక్స్, రిలయన్స్ జియోతో చేతులు కలిపింది. ఈ నేపధ్యంలో తమ 4జీ స్మార్ట్ ఫోన్ యూజర్లకు డేటా బెనిఫిట్స్‌ను అనౌన్స్ చేసింది.

జియో కనెక్షన్‌ను కలిగి ఉన్న ఇంటెక్స్ 4జీ స్మార్ట్‌ఫోన్ యూజర్లకు 25జీబి 4జీ డేటా అదనంగా లభిస్తుందని ఇంటెక్స్ తెలిపింది. ఈ అదనపు డేటా 5 సార్లుగా యాడ్ అవుతుంది. రూ.309 అంతకన్నా ఎక్కువ రీఛార్జ్ చేసుకున్న ప్రతిసారి 5జీబి చొప్పున 4జీ డేటా యూజర్ అకౌంట్‌లో యాడ్ అవుతుందని ఇంటెక్స్ తెలిపింది.

ఇలా 5 రీఛార్జుల పై అదనపు డేటా అవుతుందని కంపెనీ తెలిపింది. ఇంటక్స్ తరహాలోనే ఒప్పో కూడా తమ యూజర్లకు జియో డేటా బెనిఫిట్స్‌ను కల్పిస్తోంది. ఈ బెనిఫిట్స్‌లో భాగంగా ఒప్పో ఎఫ్3, ఒప్పో ఎఫ్3 ప్లస్ స్మార్ట్‌ఫోన్‌లను కొనుగోలు యూజర్లకు 60జీబి ఉచిత జియో డేటా లభిస్తుంది.

ఈ అదనపు డేటా 6 సార్లుగా యాడ్ అవుతుంది. రూ.309 అంతకన్నా ఎక్కువ రీఛార్జ్ చేసుకున్న ప్రతిసారి 10జీబి చొప్పున 4జీ డేటా యూజర్ అకౌంట్‌లో యాడ్ అవుతుంది. ఇలా 6 రీఛార్జుల పై అదనపు డేటా అనేది యూజర్ అకౌంట్‌లో జమ అవుతుందని ఒప్పో తెలిపింది.