బడ్జెట్‌ ధరలో 6000mAh బ్యాటరీ, 50MP కెమెరా, 6 సంవత్సరాల అప్‌డేట్స్‌తో శాంసంగ్‌ 5G ఫోన్‌ విడుదల..!

Samsung Galaxy A07 5G smartphone : శాంసంగ్‌ గెలాక్సీ A07 5G స్మార్ట్‌ఫోన్ భారత్‌ మార్కెట్‌ లో లాంచ్ అయింది. శాంసంగ్ వెబ్‌సైట్‌ లో ప్రస్తుతం కొనుగోలు చేసేందుకు అందుబాటులో ఉంది. ఈ హ్యాండ్‌సెట్‌ మీడియాటెక్‌ చిప్‌సెట్‌, 6000mAh బ్యాటరీ, 50MP కెమెరాలను కలిగి ఉంది. ఈ ఫోన్ బడ్జెట్‌ రేంజ్‌ లో విడుదల అయింది. ఈ స్మార్ట్‌ఫోన్‌ పూర్తి స్పెసిఫికేషన్‌లు, ఫీచర్ల వివరాలు.

శాంసంగ్‌ గెలాక్సీ A07 5G స్మార్ట్‌ఫోన్‌ స్పెసిఫికేషన్‌లు, ఫీచర్లు :
ఈ స్మార్ట్‌ఫోన్‌ 120Hz రీఫ్రెష్‌ రేట్‌ తో 6.7 అంగుళాల HD+ IPS LCD డిస్‌ప్లేను కలిగి ఉంది. 800 నిట్స్‌ పీక్ బ్రైట్‌నెస్‌, 16 మిలియన్‌ కలర్ ను సపోర్టు చేస్తుంది. సెక్యూరిటీ కోసం ఫింగర్‌ ప్రింట్‌ సెన్సర్‌ ఉంది.

6 సంవత్సరాల వరకు అప్‌డేట్స్‌ :
ఈ స్మార్ట్‌ఫోన్‌ మీడియాటెక్‌ డైమెన్సిటీ 6300 చిప్‌సెట్‌ ను కలిగి ఉంది. ఈ చిప్‌ 6GB ర్యామ్‌, 128GB స్టోరేజీ ను సపోర్టు చేస్తుంది. ఆండ్రాయిడ్‌ 16 ఆధారిత One UI 8 పైన పనిచేస్తుంది. ఈ ఫోన్‌ 6 ఆండ్రాయిడ్‌ OS అప్‌డేట్స్‌, 6 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

50MP కెమెరా :
కెమెరా విభాగం పరంగా గెలాక్సీ A07 5G ఫోన్‌ పిల్‌ ఆకారంలో కెమెరా మాడ్యూల్‌ను కలిగి ఉంది. ఈ ఫోన్‌ వెనుక వైపు రెండు కెమెరాలు ఉన్నాయి. ఇందులో f/1.8 అపేచర్‌, 10x డిజిటల్‌ జూమ్, ఆటోఫోకస్‌ సామర్థ్యంతో 50MP ప్రైమరీ కెమెరాను కలిగి ఉంది. దీంతోపాటు 2MP డెప్త్ సెన్సర్‌ ఉంది. సెల్ఫీ, వీడియో కాల్స్‌ కోసం 8MP కెమెరా ఉంది. ఈ కెమెరాలు 30fps వద్ద 1080p రిజల్యూషన్‌తో వీడియోలను రికార్డు చేయవచ్చు.

గెలాక్సీ A07 5G స్మార్ట్‌ఫోన్ 25W వైర్‌ ఫాస్ట్‌ ఛార్జింగ్‌ సపోర్టుతో 6000mAh బ్యాటరీని కలిగి ఉంది. కనెక్టివిటీ పరంకా ఈ స్మార్ట్‌ఫోన్ 5G, 4G LTE, బ్లూటూత్‌, వైఫై, GPS, USB-C ఛార్జింగ్‌ పోర్టును కలిగి ఉంది. దీంతోపాటు యాక్సెలిరోమీటర్‌, గైరోస్కోప్‌, జియో మాగ్నటిక్ సెన్సర్‌, లైట్‌ సెన్సర్‌, ప్రాక్సిమిటీ సెన్సర్‌ లు ఉన్నాయి.

శాంసంగ్‌ గెలాక్సీ A07 5G స్మార్ట్‌ఫోన్‌ ధర, సేల్‌ వివరాలు :
శాంసంగ్‌ గెలాక్సీ A07 5G స్మార్ట్‌ఫోన్‌ 4GB ర్యామ్ + 128GB స్టోరేజీ వేరియంట్ ధర రూ.15999 గా ఉంది. అదే 6GB ర్యామ్ + 128GB స్టోరేజీ వేరియంట్ ధర రూ.17999 గా ఉంది. ప్రారంభ ఆఫర్‌ లో భాగంగా HDFC, SBI, యాక్సెస్‌ బ్యాంకు కార్డులపై రూ.1000 డిస్కౌంట్‌ ను పొందవచ్చు.

ప్రస్తుతం ఈ స్మార్ట్‌ఫోన్‌ శాంసంగ్‌ ఇండియా ఆన్‌లైన్‌ స్టోర్‌ లో అందుబాటులో ఉంది. ఈ హ్యాండ్‌సెట్‌ బ్లాక్‌, లైట్‌ గ్రీన్‌, లైట్‌ వైలెట్‌ కలర్‌ వేరియంట్స్‌లో అందుబాటులో ఉంది. IP54 రేటింగ్‌తో డస్ట్‌, వాటర్ రెసిస్టెంట్‌గా ఉంది.