ధర రూ.16,390 కే 8GB ర్యామ్, 50MP కెమెరా, 5000mAh బ్యాటరీ శాంసంగ్‌ 5G స్మార్ట్‌ఫోన్..!

ప్రస్తుతం ఫ్లిప్‌కార్ట్‌లో స్మార్ట్‌ఫోన్స్ ఫెస్టివ్‌ డేస్‌ సేల్‌ (Flipkart Samsung Festive Days Sale) జరుగుతోంది. ఈ సేల్‌ ఈనెల 7 వ తేదీ వరకు అందుబాటులో ఉంటుంది. ఈ ప్రత్యేక సేల్‌లో భాగంగా అనేక బ్రాండ్‌ల స్మార్ట్‌ఫోన్‌లను డిస్కౌంట్‌ ధరకు అందుబాటులో ఉన్నాయి. ఈ సేల్‌లో భాగంగా ప్రస్తుతం శాంసంగ్‌ గెలాక్సీ A15 5G స్మార్ట్‌ఫోన్‌ను (Samsung Galaxy A15 5G Smartphone) తగ్గింపు ధరకు కొనుగోలు చేయవచ్చు. ఈ హ్యాండ్‌సెట్ గత సంవత్సరం డిసెంబర్‌లో భారత్ మార్కెట్‌లో అందుబాటులో వచ్చింది. ఈ సంవత్సరం ఫిబ్రవరిలో 6GB ర్యామ్ వేరియంట్‌ను లాంచ్‌ చేసింది. ఈ స్మార్ట్‌ఫోన్‌ ట్రిపుల్‌ కెమెరా సహా 5000mAh బ్యాటరీని కలిగి ఉంది.

మూడు స్టోరేజీ, కలర్‌ వేరియంట్‌లు :
శాంసంగ్‌ గెలాక్సీ A15 5G స్మార్ట్‌ఫోన్‌ ప్రస్తుతం మూడు స్టోరేజీ వేరియంట్‌లో అందుబాటులో ఉంది. 6GB ర్యామ్ + 128GB స్టోరేజీ, 8GB ర్యామ్‌ + 128GB స్టోరేజీ మరియు 8GB ర్యామ్ + 256GB స్టోరేజీ వేరియంట్‌లో అందుబాటులో ఉంది. బ్లూ, బ్లూ బ్లాక్‌, లైట్‌ బ్లూ రంగుల్లో లభిస్తుంది.

ప్రస్తుతం 8GB ర్యామ్ + 128GB స్టోరేజీ వేరియంట్‌ను భారీ డిస్కౌంట్‌ ధరకు కొనుగోలు చేయవచ్చు. విడుదల సమయంలో ఈ వేరియంట్ ధర రూ.19,499 గా ఉండగా.. ప్రస్తుతం ఫ్లిప్‌కార్ట్‌ సేల్‌లో భాగంగా రూ.16,390 ధరకే కొనుగోలు చేయవచ్చు. సుమారు రూ.3000 పైగా తగ్గింపును పొందవచ్చు. ఫ్లిప్‌కార్ట్ యాక్సెస్‌ బ్యాంకు క్రెడిట్‌ కార్డు ద్వారా 5 శాతం డిస్కౌంట్‌ను పొందవచ్చు.

శాంసంగ్ గెలాక్సీ A15 5G స్మార్ట్‌ఫోన్‌ స్పెసిఫికేషన్‌లు :
ఈ శాంసంగ్‌ స్మార్ట్‌ఫోన్ 90Hz రీఫ్రెష్‌ రేట్‌తో 6.5 అంగుళాల FHD+ సూపర్‌ అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 1080*2408 పిక్సల్స్‌ రిజల్యూషన్‌, 800 నిట్స్‌ గరిష్ఠ బ్రైట్‌నెస్‌ను కలిగి ఉంది.

శాంసంగ్‌ గెలాక్సీ A15 5G స్మార్ట్‌ఫోన్‌ ఆక్టా కోర్‌ మీడియాటెక్‌ డైమెన్సిటీ 6100+ ప్రాసెసర్‌తో పనిచేస్తుంది. ఈ హ్యాండ్‌సెట్‌ కనిష్టంగా 6GB ర్యామ్, 256GB స్టోరేజీని కలిగి ఉంది. మరియు ఈ హ్యాండ్‌సెట్ ఆండ్రాయిడ్‌ 14 ఆధారిత One UI 5 పైన పనిచేస్తుంది. 4 OS అప్‌డేట్‌లు, 5 సంవత్సరాలపాటు సెక్యూరిటీ అప్‌డేట్‌లు అందిస్తామని శాంసంగ్ హామీ ఇచ్చింది.

కెమెరా విభాగం పరంగా ఈ స్మార్ట్‌ఫోన్‌ వెనుక వైపు ట్రిపుల్‌ కెమెరాలను కలిగి ఉంది. 50MP ప్రైమరీ కెమెరా, 5MP అల్ట్రా వైడ్‌, 2MP మ్యాక్రో కెమెరాను కలిగి ఉంది. మరియు ఈ శాంసంగ్‌ గెలాక్సీ A15 5G స్మార్ట్‌ఫోన్‌ సెల్ఫీ, వీడియో కాల్స్‌ కోసం 13MP కెమెరాతో అందుబాటులో ఉంది.

ఈ శాంసంగ్‌ హ్యాండ్‌సెట్ 25W ఫాస్ట్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది. ఒక్కసారి పూర్తిగా ఛార్జింగ్‌ చేసి ఏకంగా 21 గంటలపాటు వీడియో ప్లే బ్యాక్‌ టైంను పొందవచ్చని శాంసంగ్ తెలిపింది. భద్రత కోసం ఈ హ్యాండ్‌సెట్‌ ఫింగర్ ప్రింట్ సెన్సార్‌ను కలిగి ఉంది.

కనెక్టివిటీ పరంగా ఈ స్మార్ట్‌ఫోన్‌ 5G, Wi-Fi 802, బ్లూటూత్‌ 5.3, GPS, USB-C ఛార్జింగ్ పోర్టును కలిగి ఉంది. దీంతోపాటు యాక్సిలిరోమీటర్‌ సెన్సార్‌, జియోమాగ్నటిక్ సెన్సార్‌, లైట్‌ సెన్సార్‌, వర్చువర్ ప్రాక్సిమిటీ సెన్సార్‌ వంటి సెన్సార్‌తో అందుబాటులో ఉంది.