సమ్మర్‌లో హిట్ కొట్టేందుకు

ఈ వేసవిని తన వసం చేసుకునేందుకు శామ్‌సంగ్ సన్నాహాలు చేస్తుంది. గెలక్సీ బీమ్ పేరుతో ఓ అత్యాధునిక స్మార్ట్‌ఫోన్‌ను ఇండియన్ మార్కెట్లో లాంచ్ చేసేందుకు ఏర్పాట్లు పూర్తి చేసింది. ఏప్రిల్ నాటికి ఈ ఫోన్ అందుబాటులోకి రానుంది.

ఫోన్ ముఖ్య ఫీచర్లు:

ఆండ్రాయిడ్ 2.3 జింజర్ బ్రెడ్ ఆపరేటింగ్ సిస్టం, 1జిగాహెడ్జ్ డ్యూయల్ కోర్ ప్రాసెసర్, 4 అంగుళాల టచ్ స్ర్కీన్, 5 మెగా పిక్సల్ రేర్ కెమెరా, 1.3 మెగా పిక్సల్ ఫ్రంట్ కెమెరా, ఇంటర్నల్ స్టోరేజ్ 8జీబి, ఎక్సటర్నల్ స్టోరేజ్ 32జీబి, ఆడియో ప్లేయర్, వీడియో ప్లేయర్, గేమ్స్, ఎఫ్ఎమ్ రేడియో, 3జీ కనెక్టువిటీ, వై-ఫై, ఎడ్జ్, బ్లూటూత్, యూఎస్బీ, 2జీ నెట్‌వర్క్ సపోర్ట్ (జీఎస్ఎమ్ 850 / 900 / 1800 / 1900).

ఫోన్‌లో లోడ్ చేసిన ఆండ్రాయిడ్ 2.3 జింజర్ బ్రెడ్ ఆపరేటింగ్ సిస్టం స్ర్కీన్ పై వివిధ అప్లికేషన్‌లను సునాయాసంగా రన్ చేసుకునేందుకు సహకరిస్తుంది. ఈ వోఎస్ ద్వారా ఆండ్రాయిడ్ మార్కెట్లోకి లాగినై వివిధ అప్లికేషన్‌లను సమర్థవంతంగా డౌన్‌‍లోడ్ చేసుకోవచ్చు.

హ్యాండ్‌సెట్‌లో నిక్షిప్తం చేసిన ప్రొజెక్టర్ పెద్ద పెద్ద తెరలపై వీడియోలతో పాటు ఫోటోలను ప్రదర్శించేందుకు ఉపకరిస్తుంది. లేటెస్ట్ అల్ట్రాబ్రైట్ టెక్నాలజీని

ఈ ప్రొజెక్టర్‌లో నిక్షిప్తం చేశారు. ఫోన్ ముందు, వెనుక భాగాల్లో ఏర్పాటు చేసిన కెమెరా వ్యవస్థ నాణ్యమైన ఫోటోగ్రఫీ ప్రమాణాలను కలిగి ఉంటుంది. ఏప్రిల్ నాటికి అందుబాటులోకి రానున్న గెలక్సీ బీమ్ స్మార్ట్‌ఫోన్ ధర రూ.25,000.