రూ.10,000 ధరలో 50MP కెమెరా, 6.7 అంగుళాల HD+ డిస్‌ప్లే, వాయిస్‌ ఫోకస్‌తో శాంసంగ్‌ 5G స్మార్ట్‌ఫోన్‌ విడుదల..!

శాంసంగ్‌ తాజాగా ఎంట్రీ లెవల్ ధరలో 5G స్మార్ట్‌ఫోన్‌ ను లాంచ్‌ చేసింది. డిజైన్‌ పరంగా ఈ హ్యాండ్‌సెట్‌ ఆకట్టుకుంటుంది. దీంతోపాటు కెమెరా మాడ్యూల్‌ ఆకర్షణీయంగా ఉంది. ఈ ఫోన్‌ 50MP ప్రైమరీ కెమెరా సహా 6.7 అంగుళాల భారీ డిస్‌ప్లేను కలిగి ఉంది. రూ.10,000 ధరలో 5G స్మార్ట్‌ఫోన్‌ కోసం ఎదురుచూసే వారికి ఈ హ్యాండ్‌సెట్ మంచి ఆప్షన్‌గా ఉంటుంది. ఆండ్రాయిడ్‌ 15 ఆధారిత OS పైన పనిచేస్తుంది. 2024 సెప్టెంబర్‌ నెలలో గెలాక్సీ F05 స్మార్ట్‌ఫోన్‌ను విడుదల చేసిన శాంసంగ్‌.. కేవలం 5 నెలల వ్యవధిలోనే గెలాక్సీ F06 5G స్మార్ట్‌ఫోన్‌ను లాంచ్ చేసింది. ఈ హ్యాండ్‌సెట్ పూర్తి స్పెసిఫికేషన్‌లు, ఫీచర్‌ల వివరాలు.

శాంసంగ్‌ గెలాక్సీ F06 5G స్మార్ట్‌ఫోన్‌ స్పెసిఫికేషన్‌లు, ఫీచర్‌ల వివరాలు :
శాంసంగ్‌ గెలాక్సీ F06 5G స్మార్ట్‌ఫోన్‌ (Samsung Galaxy F06 5G Smartphone) 6.7 అంగుళాల HD+ రిజల్యూషన్‌తో అందుబాటులో ఉంది. ఈ డిస్‌ప్లే 90Hz రీఫ్రెష్‌ రేట్‌, 800 నిట్స్‌ గరిష్ఠ బ్రైట్‌నెస్‌ను కలిగి ఉంది. ఈ ఫోన్‌ ఫ్లక్స్‌ లెదర్ ఫినిష్‌ పాలీకార్బోనేట్‌తో కూడిన గ్లోసీ బ్యాక్‌ ప్యానల్‌ను కలిగి ఉంది.

చిప్‌సెట్‌, OS వివరాలు :
ఈ గెలాక్సీ స్మార్ట్‌ఫోన్ మీడియాటెక్‌ డైమెన్సిటీ 6300 SoC చిప్‌సెట్‌తో పనిచేస్తోంది. ఈ చిప్‌సెట్‌ 6GB ర్యామ్, 128GB స్టోరేజీతో జతచేసి ఉంది. ఈ హ్యాండ్‌సెట్‌ ఆండ్రాయిడ్ 15 ఆధారిత (అవుట్‌ ఆఫ్‌ ది బాక్స్‌) One UI 7.0 పైన పనిచేస్తుంది.

స్టోరేజీ వేరియంట్‌లు :
ఈ ఫోన్ 4 ఆండ్రాయిడ్‌ OS అప్‌డేట్‌లు, 4 సంవత్సరాలపాటు సెక్యూరిటీ అప్‌డేట్‌లను పొందవచ్చు. మరియు ఈ హ్యాండ్‌సెట్ రెండు స్టోరేజీ వేరియంట్స్‌లో భారత్‌ మార్కెట్‌లోకి అందుబాటులోకి వచ్చింది. 4GB ర్యామ్ + 128GB స్టోరేజీ, 6GB ర్యామ్ + 128GB స్టోరేజీ వేరియంట్స్‌లో లభిస్తుంది.

డ్యూయల్‌ కెమెరాలు :
కెమెరా విభాగం పరంగా ఈ స్మార్ట్‌ఫోన్‌ వెనుక వైపు డ్యూయల్‌ కెమెరాలను కలిగి ఉంది. f/1.8 అపేచర్‌తో 50MP ప్రైమరీ కెమెరా, 2MP డెప్త్‌ సెన్సార్‌ను కలిగి ఉంది. సెల్ఫీ, వీడియో కాల్స్‌ కోసం 8MP కెమెరాను అమర్చారు. దీంతోపాటు 25W ఫాస్ట్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది.

కాల్‌ క్లారిటీ కోసం కొత్త ఫీచర్‌ :
ఈ స్మార్ట్‌ఫోన్‌ శాంసంగ్‌ Knox Vault, కాల్‌ క్వాలిటీ కోసం వాయిస్‌ పోకస్‌ మరియు క్విక్‌ షేర్‌ వంటి ఫీచర్‌లు ఉన్నాయి. దీంతోపాటు భద్రత కోసం సైడ్‌ మౌంటెడ్‌ ఫింగర్ ప్రింట్‌ సెన్సార్‌ను అమర్చారు. ఈ స్మార్ట్‌ఫోన్‌ 12 5G బ్యాండ్స్‌ను సపోర్టు చేస్తుందని శాంసంగ్‌ తెలిపింది.

గెలాక్సీ F06 5G స్మార్ట్‌ఫోన్‌ ధర, సేల్‌ వివరాలు :
శాంసంగ్‌ గెలాక్సీ F06 5G స్మార్ట్‌ఫోన్‌ 4GB ర్యామ్ + 128GB స్టోరేజీ వేరియంట్ ధర రూ.10,999 గా ఉంది. అదే 6GB ర్యామ్ + 128GB స్టోరేజీ వేరియంట్ ధర రూ.11,499 గా ఉంది. ప్రారంభ ఆఫర్‌లో భాగంగా రూ.500 తగ్గింపును పొందే అవకాశం ఉంది.

ఈ స్మార్ట్‌ఫోన్‌ (Galaxy F06 5G Sale Date) సేల్‌ ఈ నెల 20 వ తేదీ నుంచి ప్రారంభం కానుంది. శాంసంగ్‌ అధికారిక వెబ్‌సైట్‌, ఫ్లిప్‌కార్ట్‌ లో కొనుగోలు చేయవచ్చు. ఈ హ్యాండ్‌సెట్‌ బహమా బ్లూ, లిట్‌ వైలెట్‌ వంటి రెండు రంగుల్లో లభిస్తుంది. ఈ ఫోన్‌ డ్యూయల్‌ సిమ్‌ కార్డులను సపోర్టు చేస్తుంది.