50MP సెల్ఫీ కెమెరా, 256GB స్టోరేజీతో శాంసంగ్‌ 5G స్మార్ట్‌ఫోన్‌.. ధర వివరాలు లీక్‌.. రెండు రోజుల్లో విడుదల...!

శాంసంగ్ నుంచి భారత్‌ మార్కెట్‌లోకి మే 27న శాంసంగ్‌ గెలాక్సీ F55 5G స్మార్ట్‌ఫోన్‌ విడుదల కానుంది. ఈ హ్యాండ్‌సెట్‌ ఆకట్టుకొనే డిజైన్‌తో సహా వేగాన్‌ లెదర్‌ ఫినిష్‌ను కలిగి ఉంది. ఇప్పటి వరకు ఈ హ్యాండ్‌సెట్‌కు సంబంధించిన అనేక స్పెసిఫికేషన్‌లు, ఫీచర్ల వివరాలు లీక్‌ అయ్యాయి. అయితే తాజాగా ఈ స్మార్ట్‌ఫోన్‌ ధర లీక్‌ అయింది.

శాంసంగ్‌ గెలాక్సీ F55 5G స్మార్ట్‌ఫోన్‌ (Samsung Galaxy F55 5G Smartphone) 6.7 అంగుళాల పుల్‌ HD+ సూపర్‌ అమోలెడ్‌+ డిస్‌ప్లేను కలిగి ఉంటుందని తెలుస్తోంది. 2400*1080 పిక్సల్‌ రిజల్యూషన్‌, 120Hz రీఫ్రెష్‌ రేట్‌, 1000 నిట్స్‌ గరిష్ఠ బ్రైట్‌నెస్‌తో లాంచ్‌ కానుందని సమాచారం. ఈ హ్యాండ్‌సెట్‌ వేగాన్ లెదర్‌ ఫినిష్‌ డిజైన్‌ను కలిగి ఉంటుంది.

ఈ శాంసంగ్‌ ఫోన్‌ ఆండ్రాయిడ్ 14 ఆధారిత One UI పైన పనిచేస్తుందని తెలుస్తోంది. నాలుగు ఆండ్రాయిడ్ అప్‌డేట్‌లు, 5 సంవత్సరాలపాటు సెక్యూరిటీ అప్‌డేట్‌లు పొందవచ్చని తెలుస్తోంది. స్నాప్‌ డ్రాగన్‌ 7 జెన్‌ 1 చిప్‌సెట్‌ పైన పనిచేస్తుంది. గరిష్ఠంగా 12GB ర్యామ్‌ మరియు 256GB అంతర్గత స్టోరేజీని కలిగి ఉంటుంది.

ఈ హ్యాండ్‌సెట్‌ వెనుకవైపు ట్రిపుల్ కెమెరాలను కలిగి ఉంటుంది. OIS (ఆప్టికల్‌ ఇమేజ్‌ స్టెబిలైజేషన్‌) సపోర్టుతో 50MP ప్రైమరీ కెమెరా, 8MP అల్ట్రావైడ్‌ యాంగిల్‌ కెమెరా, 2MP మ్యాక్రో కెమెరాలను కలిగి ఉంటుంది. దీంతోపాటు 50MP సెల్ఫీ కెమెరాలను కలిగి ఉంటుందని తెలుస్తోంది.

ఈ హ్యాండ్‌సెట్ 45W ఛార్జింగ్‌ సపోర్టుతో 5000mAh బ్యాటరీ సామర్థ్యాన్ని కలిగి ఉండే అవకాశం ఉంది. దీంతోపాటు ఇన్‌ డిస్‌ప్లే ఫింగర్‌ ప్రింట్‌ సెన్సార్‌, డాల్బీ అ‌ట్మా్స్‌ సపోర్టు, బ్లూటూత్‌ 5.3, వైఫై, GPS, NFC వంటి ఫీచర్లతో విడుదల కానుంది. అయితే ఈ స్పెసిఫికేషన్లు, ఫీచర్లపై కొన్నింటిపై అధికారిక ప్రకటన రావాల్సి ఉంది.

ఈ హ్యాండ్‌సెట్ ధరపై ఇప్పటికే టీజర్‌ ద్వారా హింట్‌ ఇచ్చింది. రూ.30 వేల కంటే తక్కువ ధరకే బేస్‌ వేరియంట్‌ అందుబాటులోకి వస్తుందని తెలిపింది. అయితే తాజాగా టిప్‌స్టర్‌ అభిషేక్‌ యాదవ్‌ ఈ హ్యాండ్‌సెట్‌ ధరను అంచనా వేశారు. దీని ప్రకారం ఈ శాంసంగ్‌ గెలాక్సీ F55 5G స్మార్ట్‌ఫోన్‌ 8GB ర్యామ్‌ +128GB స్టోరేజీ ధర రూ.26,999 గా ఉండనుంది.

మరియు 8GB ర్యామ్‌ +256GB స్టోరేజీ ధర రూ.29,999 గా ఉండే అవకాశం ఉంది. అదే 12GB ర్యామ్ +256GB స్టోరేజీ ధర రూ.32999 గా ఉండే అవకాశం ఉంది. దీంతోపాటు ఎంపిక చేసిన బ్యాంకు కార్డుల ద్వారా రూ.2000 తగ్గింపునిచ్చే అవకాశం ఉందని తెలిసింది. దీనిపై శాంసంగ్‌ ఎటువంటి ప్రకటన చేయలేదు.

దీంతోపాటు ఈ హ్యాండ్‌సెట్‌ Apricot Crush మరియు Raisin Black రంగుల్లో లభిస్తుంది. మరియు శాంసంగ్‌ అధికారిక వెబ్‌సైట్‌ సహా ఫ్లిప్‌కార్ట్ ద్వారా కొనుగోలు చేయవచ్చు. భారత్ మార్కెట్‌లో మే 27న విడుదల చేయనున్నట్లు తెలిపింది. స్పెసిఫికేషన్‌లు, ఫీచర్‌లపై సంస్థ ఎటువంటి ప్రకటన చేయలేదు.