₹20,000 లోపు బెస్ట్ 5G ఫోన్ ఏది? శామ్‌సంగ్ vs వివో.. అసలు నిజం ఇదే!

ఫ్లిప్‌కార్ట్ సేల్‌లో ₹20,000 కంటే తక్కువ బడ్జెట్‌లో రెండు మంచి 5G ఫోన్లు స్మార్ట్‌ఫోన్ ప్రియుల దృష్టిని ఆకర్షిస్తున్నాయి. అవే.. శామ్‌సంగ్ గెలాక్సీ F70e 5G, వివో T5 లైట్ 44W 5G. ప్రస్తుతం ఫ్లిప్‌కార్ట్‌లో గెలాక్సీ F70e ధర రూ.14,499 వద్ద ప్రారంభమవుతుండగా, వివో T5 లైట్ (4GB/128GB) మోడల్ బ్యాంక్ ఆఫర్లకు ముందు రూ.19,999కి లభిస్తోంది. మరి వీటిలో బ్యాటరీ బ్యాకప్, కెమెరా క్వాలిటీ, గేమింగ్ పర్ఫార్మెన్స్, దీర్ఘకాలిక వినియోగం పరంగా ఏది బెటర్? పూర్తి వివరాలు చూద్దాం.

ఫ్లిప్‌కార్ట్‌లోని ప్రధాన సేల్స్‌లో బ్యాంక్ కార్డ్స్‌పై సాధారణంగా 10 శాతం వరకు ఇన్‌స్టంట్ డిస్కౌంట్లు లభిస్తుంటాయి (కనీస పరిమితులు ఉంటాయి). నో-కాస్ట్ ఈఎమ్‌ఐ ఆఫర్లలో ప్లాట్‌ఫామ్ ఫీజులు అదనంగా ఉండే అవకాశం ఉంది. మీరు ఉపయోగించే కార్డ్, ఎంచుకునే కాలపరిమితిని బట్టి అసలు తగ్గింపు మారుతుంది కాబట్టి, చెక్-అవుట్ చేసేముందు ఫైనల్ ప్రైస్ సరిచూసుకోవడం మంచిది. ఈ పోలిక కోసం మేము ప్రస్తుత బేస్ ప్రైస్, సాధారణ కార్డ్ ఆఫర్లను ప్రామాణికంగా తీసుకున్నాం.

శామ్‌సంగ్ గెలాక్సీ F70e 5G వర్సెస్ వివో T5 లైట్ 44W 5G: బ్యాటరీ, ఛార్జింగ్

బ్యాటరీ విషయంలో రెండూ పోటీపోటీగా ఉన్నాయి. శామ్‌సంగ్ ఫోన్‌లో 25W ఛార్జింగ్ సపోర్ట్‌తో 6000mAh బ్యాటరీ ఇచ్చారు. ఇది 20 నుంచి 100 శాతం ఛార్జ్ అవ్వడానికి దాదాపు 74 నిమిషాలు పడుతుంది. సున్నా నుంచి 100 శాతానికి సుమారు 90 నిమిషాల సమయం పడుతుందని రివ్యూలు చెబుతున్నాయి. ఇక వివోలో ఏకంగా 6500mAh భారీ బ్యాటరీ ఉంది. ఇది 38 నిమిషాల్లో 50 శాతం, 82 నిమిషాల్లో 20-100 శాతం ఛార్జ్ అవుతుంది. రోజువారీ వినియోగంలో రెండూ పెద్దగా వేడెక్కవు.

శామ్‌సంగ్ గెలాక్సీ F70e 5G వర్సెస్ వివో T5 లైట్ 44W 5G: డిస్‌ప్లే, పర్ఫార్మెన్స్

డిస్‌ప్లే విషయానికొస్తే వివో కొంత పైచేయి సాధిస్తుంది. ఇందులో 1200 నిట్స్ బ్రైట్‌నెస్‌తో కూడిన 120Hz LCD డిస్‌ప్లే ఉంది. శామ్‌సంగ్‌లో 800 నిట్స్ బ్రైట్‌నెస్, 120Hz రిఫ్రెష్ రేట్‌తో HD+ ప్యానెల్ ఇచ్చారు. పర్ఫార్మెన్స్ పరంగా రెండింటిలోనూ మీడియాటెక్ డైమెన్సిటీ 6300 ప్రొసెసర్ వాడారు. ఇది రోజువారీ పనులను సులువుగా పూర్తి చేస్తుంది. లోయర్ సెటింగ్స్‌లో BGMI గేమ్‌ను 60fps వద్ద రన్ చేయగలదు. భారీ గేమింగ్ ప్రాసెసర్ కాకపోయినా, 30 నిమిషాల పాటు గేమింగ్ ఆడినా ఫోన్ అతిగా వేడెక్కకుండా స్థిరమైన పర్ఫార్మెన్స్ ఇస్తుంది.

శామ్‌సంగ్ గెలాక్సీ F70e 5G వర్సెస్ వివో T5 లైట్ 44W 5G: కెమెరా, వీడియో

గెలాక్సీ F70eలో 50MP మెయిన్ కెమెరాతో పాటు డెప్త్ కెమెరా ఉంది. ఇది 1080p30 కెపాసిటీతో వీడియో రికార్డింగ్ సపోర్ట్ చేస్తుంది. బడ్జెట్ విభాగంలో పోర్ట్రెయిట్ ఫోటోలు, డైనమిక్ రేంజ్ విషయంలో ఇది మంచి మార్కులు కొట్టేసింది. ఇక వివో T5 లైట్‌లో 50MP సోనీ సెన్సార్ ఇచ్చినప్పటికీ, దీని పర్ఫార్మెన్స్ సగటు స్థాయిలోనే ఉంటుందని రివ్యూవర్లు చెబుతున్నారు. ఈ రెండు ఫోన్లలోనూ ఆప్టికల్ ఇమేజ్ స్టెబిలైజేషన్ (OIS) సపోర్ట్ లేదు.

శామ్‌సంగ్ గెలాక్సీ F70e 5G వర్సెస్ వివో T5 లైట్ 44W 5G: నెట్‌వర్క్, సాఫ్ట్‌వేర్

నెట్‌వర్క్ విషయానికి వస్తే జియో, ఎయిర్‌టెల్ 5G నెట్‌వర్క్‌లకు సరిపోయేలా భారత్‌లోని ముఖ్యమైన n77/n78 మిడ్-బ్యాండ్స్‌తో పాటు పూర్తిస్థాయి 5G సపోర్ట్‌ను రెండూ అందిస్తున్నాయి. సాఫ్ట్‌వేర్ విషయంలో శామ్‌సంగ్ ఏకంగా 6 తరాల ఆండ్రాయిడ్, సెక్యూరిటీ అప్‌డేట్‌ల హామీ ఇస్తుండటం విశేషం. వివో T5 లైట్‌కు 2 ఆండ్రాయిడ్ వర్షన్లు, 4 సంవత్సరాల సెక్యూరిటీ ప్యాచెస్ మాత్రమే లభిస్తాయి. బిల్డ్ క్వాలిటీలో వివో IP65 రేటింగ్‌తో వస్తుండగా, శామ్‌సంగ్ One UI 8.5 యాడ్ నోటిఫికేషన్లను నిరోధించే ఫీచర్‌ను అందిస్తోంది.

మీ అవసరాలను బట్టి ఏది ఎంచుకోవాలో చూద్దాం. బడ్జెట్ పరిమితి ఉండి, మంచి పోర్ట్రెయిట్ కెమెరా, దీర్ఘకాలిక సాఫ్ట్‌వేర్ అప్‌డేట్లు కోరుకునే విద్యార్థులు, ఉద్యోగులకు గెలాక్సీ F70e బెస్ట్ ఆప్షన్. అదే ఎక్కువ ప్రయాణాలు చేసేవారు, అవుట్‌డోర్ బ్రైట్‌నెస్, పెద్ద బ్యాటరీ, IP65 వాటర్ రేటింగ్ ముఖ్యమనుకునేవారు కొంత బడ్జెట్ పెంచి వివో T5 లైట్‌ను పరిశీలించవచ్చు. ఒకవేళ 90fps గేమింగ్ అనుభవం కావాలనుకుంటే మాత్రం కాస్త ఎక్కువ బడ్జెట్ ఉన్న ఇతర ఫోన్లను చూడక తప్పదు.