రూ.12999 ధరకు శాంసంగ్‌ 5G స్మార్ట్‌ఫోన్‌.. ఇవాళ్టి నుంచే సేల్‌.. అనేక సూపర్‌ ఫీచర్లు..!

Samsung Galaxy F70e Smartphone Sale : ప్రముఖ స్మార్ట్‌ఫోన్‌ల తయారీ సంస్థ శాంసంగ్‌ గత వారం భారత్‌ మార్కెట్‌ లో గెలాక్సీ F70e స్మార్ట్‌ఫోన్‌ ను విడుదల చేసింది. గెలాక్సీ F70 సిరీస్‌ లో భాగంగా ఈ హ్యాండ్‌సెట్ లాంచ్‌ అయింది. ఈ ఫోన్‌ బడ్జెట్ ధరలో అందుబాటులోకి వచ్చింది. 50MP కెమెరా, 6000mAh బ్యాటరీ, 6 సంవత్సరాల అప్‌డేట్స్‌ ను పొందుతుంది. ఈ ఫోన్‌ సేల్‌ ఇవాళ్టి నుంచి ప్రారంభం కానుంది. ఈ హ్యాండ్‌సెట్‌ పూర్తి స్పెసిఫికేషన్‌లు, ఫీచర్ల వివరాలు.

రూ.12999 ప్రారంభ ధరకు :
శాంసంగ్‌ గెలాక్సీ F70e 5G స్మార్ట్‌ఫోన్‌ సేల్‌ ఇవాళ మధ్యాహ్నం 12 గంటలకు ప్రారంభం కానుంది. శాంసంగ్‌ ఆన్‌లైన్‌ స్టోర్‌, ఫ్లిప్‌కార్ట్‌ ద్వారా కొనుగోలు చేయవచ్చు. ఈ ఫోన్ 4GB ర్యామ్ + 128GB స్టోరేజీ ధర రూ.12999, 6GB ర్యామ్ + 128GB స్టోరేజీ ధర రూ.14999 గా ఉంది.

HD+ డిస్‌ప్లే, లెదర్‌ ఫినిష్‌ :
శాంసంగ్‌ గెలాక్సీ F70e 5G ఫోన్‌ 120Hz రీఫ్రెష్‌ రేట్‌ తో 6.7 అంగుళాల HD+ LCD డిస్‌ప్లేతో అందుబాటులోకి వచ్చింది. ఈ డిస్‌ప్లే 800 నిట్స్ పీక్‌ బ్రైట్‌నెస్‌, 260 ppi పిక్సల్స్‌ డెన్సిటిని కలిగి ఉంది. ఈ ఫోన్ స్పాట్‌లైట్‌ బ్లూ, లైమ్‌ లైట్‌ గ్రీన్‌ కలర్‌ వేరియంట్స్‌ లో అందుబాటులో ఉంది. బ్యాక్‌ ప్యానల్‌ ప్రీమియం లెదర్‌ ఫినిష్‌ ను కలిగి ఉంది.

ఆండ్రాయిడ్ 16 OS :
ఈ హ్యాండ్‌సెట్ మీడియాటెక్‌ డైమెన్సిటీ 6300 ప్రాసెసర్‌ ను కలిగి ఉంది. ఈ ప్రాసెసర్‌ 6GB LPDDR4x ర్యామ్, 128GB స్టోరేజీతో జతచేసి ఉంది. దీంతోపాటు ARM Mali G57 GPU కూడా ఉంది. ఆండ్రాయిడ్‌ 16 ఆధారిత One UI 8 OS పైన పనిచేస్తోంది.

50MP కెమెరా, 6000mAh బ్యాటరీ :
కెమెరా విభాగం పరంగా 50MP ప్రైమరీ, 2MP సెకండరీ కెమెరాలు ఉన్నాయి. దీంతోపాటు 8MP సెల్ఫీ కెమెరాను కలిగి ఉంది. ఈ హ్యాండ్‌సెట్ 25W వైర్‌ ఛార్జింగ్‌ సపోర్టుతో 6000mAh బ్యాటరీతో పనిచేస్తోంది. IP54 రేటింగ్‌ తో డస్ట్‌, స్ప్లాష్‌ రెసిస్టెంట్‌ గా ఉంది.

ఏకంగా 6 సంవత్సరాల వరకు అప్‌డేట్స్ :
ఈ స్మార్ట్‌ఫోన్ 6 సంవత్సరాల ఆండ్రాయిడ్ OS అప్‌డేట్స్, 6 సంవత్సరాల వరకు సెక్యూరిటీ అప్‌డేట్స్‌ ను పొందుతుంది. ఈ హ్యాండ్‌సెట్ Knox Vault, Quick Share వంటి ఫీచర్లు కూడా ఉన్నాయి. ఈ ఫోన్‌ 5G, 4G, బ్లూటూత్‌, వైఫై, USB-C ఛార్జింగ్ పోర్టును కలిగి ఉంది.

* ఫిబ్రవరి 25 వ తేదీ గెలాక్సీ అన్‌ప్యాక్డ్ ఈవెంట్‌ 2026 జరగనుంది. ఇందులో శాంసంగ్ గెలాక్సీ S26 సిరీస్‌తోపాటు బడ్స్‌ కూడా విడుదల కానున్నాయి. ఇప్పటికే ఇందుకు సంబంధించిన అనేక వివరాలు వెల్లడయ్యాయి. త్వరలో మరిన్ని వివరాలు వెల్లడయ్యే అవకాశం ఉంది.