సామ్‌సంగ్ నుంచి ఇలాంటి ఫోన్

By Sivanjaneyulu Bommu

Published: Tuesday, June 28, 2016, 15:53 [IST]

సామ్‌సంగ్ గతేడాది లాంచ్ చేసిన గెలాక్సీ ఫోల్డర్ ఫ్లిప్ స్మార్ట్‌ఫోన్‌కు సక్సెసర్ వర్షన్ రాబోతోంది. త్వరలో ప్రపంచానికి పరిచయం కాబోతోన్న ఈ ఫోన్ పేరు గెలాక్సీ ఫోల్డర్ 2. తాజాగా జీఎఫ్ఎక్స్ బెంచ్‌మార్క్ వెబ్‌సైట్‌లో ప్రత్యక్షమైన ఈ ఫోన్‌కు సంబందించిన వివరాలు వెబ్ మీడియాలో హల్‌చల్ చేస్తున్నాయి.

Read More : కళ్లు చెదిరే ఫోన్‌లు వచ్చేస్తున్నాయ్!

సామ్‌సంగ్ అప్‌కమింగ్ ఫ్లిప్ మోడల్ ఫోన్ గెలాక్సీ ఫోల్డర్ 2, 3.8 అంగుళాల WVGA స్ర్కీన్‌తో వస్తోంది. రిసల్యూషన్ సామర్థ్యం 480 x 800పిక్సల్స్. ప్రాసెసర్ విషయానికి వచ్చేసరికి జీఎఫ్ఎక్స్ బెంచ్‌మార్క్ వెబ్‌సైట్‌లో పొందుపరిచిన లిస్టింగ్స్ ప్రకారం గెలాక్సీ ఫోల్డర్ 2, క్వాడ్ కోర్ 1.4గిగాహెర్ట్జ్ చిప్‌సెట్‌తో రాబోతోంది. ఈ చిప్‌సెట్‌తో జోడీగా వచ్చే అడ్రినో 308 జీపీయూ గ్రాఫిక్స్ విభాగాన్ని చూసుకుంటుంది.

Read More : ఇంట్లో వై-ఫై స్పీడు తగ్గుతోందా..?

5 మెగా పిక్సల్ ఫ్రంట్ పేసింగ్ కెమెరాను ఫోన్ ముందు భాగంలో చూడొచ్చు. సదరు వెబ్‌సైట్‌లో పొందుపరిచిన లిస్టింగ్స్ ప్రకారం గెలాక్సీ ఫోల్డర్ 2 ఫోన్ 2జీబి ర్యామ, 16జీబి ఇంటర్నల్ మెమరీతో వస్తోంది. ఆండ్రాయిడ్ లేటెస్ట్ వర్షన్ ఆపరేటంగ్ సిస్టం పై ఈ ఫోన్ రన్ అయ్యే ఛాన్స్ ఉంది.

Read More : పోర్న్ చూస్తున్నప్పుడు ఫేస్‌బుక్ ఓపెన్ చేస్తున్నారా..?

అంతర్జాతీయ మార్కెట్లో గెలాక్సీ ఫోల్డర్ 2 స్మార్ట్‌ఫోన్ విడుదలకు సంబంధించి ఏ విధమైన వివరాలను కంపెనీ ఇప్పటి వరకు అధికారికంగా వెల్లడించలేదు. రూమర్ మిల్స్ చెబుతోన్న దాని ప్రకారం ఈ ఫోన్ విలువ 250 డాలర్ల వరకు ఉండొచ్చని అంచనా.