తక్కువ ధరతో Samsung Galaxy J2 ( 2018 )వచ్చేస్తోంది !

దక్షిణ కొరియా దిగ్గజం శాంసంగ్ తన లేటెస్ట్ ఫ్లాగ్‌షిప్ ఫోన్ గెలాక్సీ జే2ను అతి త్వరలో మార్కెట్లోకి తీసుకురాబోతుందనే వార్తలు సోషల్ మీడియాలో హల్‌చల్ చేస్తున్నాయి.

By Hazarath

Published: Wednesday, December 27, 2017, 15:50 [IST]

దక్షిణ కొరియా దిగ్గజం శాంసంగ్ తన లేటెస్ట్ ఫ్లాగ్‌షిప్ ఫోన్ గెలాక్సీ జే2ను అతి త్వరలో మార్కెట్లోకి తీసుకురాబోతుందనే వార్తలు సోషల్ మీడియాలో హల్‌చల్ చేస్తున్నాయి. ఈ మేరకు రష్యాలోని BeCompact.ru అనే రీటెయిలర్ వద్ద ఈ ఫోన్ లిస్ట్ అయింది.

ఆ రీటెయిలర్ వద్ద ఈ స్మార్ట్‌ఫోన్‌కి సంబంధించి స్పెసిఫికేషన్స్ అలాగే ధరలు లీకయ్యాయి. లీకయిన వివరాల ప్రకారం నలుపు గోల్డ్ రంగుల్లో ఈ ఫోన్ రానుందని దీని ధర కూడా RUB 7,990గా ఉండే అవకాశం ఉందని తెలుస్తోంది. ఇది మన ఇండియన్ కరెన్సీలో దాదాపు రూ. 8860గా ఉండే అవకాశం ఉంది.

లీకయిన స్పెషిఫికేషన్స్ ఇవే

మోడల్‌ నెంబర్‌ ఎస్‌ఎం-జే250ఎఫ్‌తో లిస్టు
5 అంగుళాల క్యూహెచ్‌డీ సూపర్‌ అమోలెడ్‌ డిస్‌ప్లే
క్వాల్‌కామ్‌ స్నాప్‌డ్రాగన్‌ 425 ఎస్‌ఓసీ
క్వాడ్‌-కోర్‌ 1.4గిగాహెడ్జ్‌ సీపీయూ
1.5జీబీ ర్యామ్‌, 16జీబీ స్టోరేజ్
8 మెగాపిక్సెల్‌ రియర్‌ కెమెరా,
5 మెగాపిక్సెల్‌ ఫ్రంట్‌ కెమెరా
2600 ఎంఏహెచ్‌ బ్యాటరీ
4G VoLTE, Wi-Fi 802.11 b/g/n,
Bluetooth 4.1, GPS/ A-GPS
Micro-USB

ఎమర్జింగ్‌ మార్కెట్లలో..

అయితే ఈ కంపెనీ ఇంకా ఈ కొత్త స్మార్ట్‌ఫోన్‌ విక్రయాలను ప్రారంభించలేదు. కాగా ఎమర్జింగ్‌ మార్కెట్లలో తొలుత ఈ కొత్త స్మార్ట్‌ఫోన్‌ అందుబాటులోకి వస్తుందని రష్యన్‌ టెక్‌ వర్గాలు చెబుతున్నాయి.

కొత్త గెలాక్సీ జే2లో 16 జిబి స్టోరేజ్..

కాగా అంతకుముందు గెలాక్సీ జే2(2017) కేవలం 8జీబీ స్టోరేజ్‌ మాత్రమే కలిగి ఉంది. ఈ కొత్త గెలాక్సీ జే2లో 16 జిబి స్టోరేజ్ ఇచ్చినట్లుగా తెలుస్తోంది.

న్జ్యూమర్‌ ఎలక్ట్రానిక్స్‌ షో 2018లో..

వచ్చే నెలలో నిర్వహించనున్న కన్జ్యూమర్‌ ఎలక్ట్రానిక్స్‌ షో 2018లో తన గెలాక్సీ ఏ సిరీస్‌ల 2018 ఎడిషన్‌ను ప్రదర్శనకు ఉంచాలని శాంసంగ్‌ ప్లాన్‌ చేస్తోంది.

గెలాక్సీ జే2(2017)ను

కాగా గెలాక్సీ జే2(2017)ను ఈ ఏడాది అక్టోబర్‌లోనే శాంసంగ్‌ లాంచ్‌ చేసింది. ఈ స్మార్ట్‌ఫోన్‌... 4.7 అంగుళాల క్యూహెచ్‌డీ సూపర్‌ అమోలెడ్‌ డిస్‌ప్లే, 1.3గిగాహెడ్జ్‌ క్వాడ్‌-కోర్‌ ఎక్సీనోస్‌ ప్రాసెసర్‌, 1జీబీ ర్యామ్‌ను కలిగి ఉంది.