సామ్‌సంగ్ మ్యూజిక్ ఫోన్స్ త్వరలో.. (ఆడియో క్వాలిటీ కెవ్వు..కేక)

ప్రపంచపు అతిపెద్ద స్మార్ట్‌ఫోన్ తయారీ సంస్థగా గుర్తింపుతెచ్చుకున్నసౌత్ కొరియన్ టెక్ దిగ్గజం సామ్‌సంగ్ వరుస ఆవిష్కరణలతో దూసుకుపోతోంది. తాజాగా గెలాక్సీ నోట్ 2ను విడుదలచేసి మంచి హుషారు మీదున్న సామ్‌సంగ్ త్వరలో మ్యూజిక్ ప్రధానకర్షణగా ఓ సరికొత్త బడ్జెట్ ఫ్రెండ్లీ ఆండ్రాయిడ్ స్మార్ట్‌ఫోన్‌‌లను ఆవిష్కరించనుందని సామీ‌హబ్(SammyHub) రిపోర్టులు వెల్లడించాయి. రిపోర్టులో పేర్కొన్న సమాచారం మేరకు ఈ మ్యూజిక్ ఆధారిత స్మార్ట్‌ఫోన్ పేరు ‘గెలాక్సీ మ్యూజిక్’. అత్యుత్తమ ఆడియో క్వాలిటీని ఉత్పత్తి చేసే ఈ సొగసరి హ్యాండ్‌సెట్ మ్యూజిక్ అభిమానులకు హాట్ ఫేవరెట్‌గా నిలవనుందని మార్కెట్ వర్గాల అంచనా. సింగిల్ సిమ్, డ్యూయల్ సిమ్ వర్షన్‌లలో ఈ స్మార్ట్‌ఫోన్ విడుదల కాబోతుంది. వీటి పేర్లు గెలాక్సీ మ్యూజిక్ (జీటీ-ఎస్6010), గెలాక్సీ మ్యూజిక్ డ్యుయోస్ (జీటీ-ఎస్6012).

ఫీచర్లు అంచనా:

3 అంగుళాల టచ్‌స్ర్కీన్(QVGA రిసల్యూషన్ 320 x 240పిక్సల్స్),

ఆండ్రాయిడ్ 4.0 ఐస్‌క్రీమ్ శాండ్‌విచ్ ఆపరేటింగ్ సిస్టం (ఆండ్రాయిడ్ జెల్లీబీన్ 4.1కు అప్‌గ్రేడబుల్),

850మెగాహెడ్జ్ కార్టెక్స్ ఏ9 ప్రాసెసర్,

4జీబి ఇంటర్నల్ స్టోరేజ్,

512ఎంబీ ర్యామ్,

మైక్రోఎస్డీ కార్డ్‌స్లాట్ ద్వారా మెమరీని 32జీబికి పొడిగించుకునే సౌలభ్యత,

3 మెగా పిక్సల్ రేర్ కెమెరా,

వీజీఏ ఫ్రంట్ కెమెరా,

వై-ఫై 802.11 b/g/n,

జీపీఎస్,

బ్లూటూత్ వీ3.0,

మైక్రో యూఎస్బీ 2.0,

ప్రీలోడెడ్ అప్లికేషన్స్ (చాట్ ఆన్, జీటాక్, గూగుల్ +, గూగుల్ మ్యాప్స్, సామ్ సంగ్ అప్లికేషన్స్, మ్యూజిక్ హబ్, గేమ్ హబ్ లైట్),

ధర వివరాలు తెలియాల్సి ఉంది.

సామ్‌సంగ్ ఈ ఫోన్‌లను అక్టోబర్ 12న జర్మనీలో నిర్వహించే ప్రత్యేక కార్యక్రమంలో ఆవిష్కరించనుంది.

Read In English