ధర రూ.74,999 కు విడుదలైన శాంసంగ్ ఫోన్‌పై రూ.32 వేలకు పైగా తగ్గింపు.. పూర్తి వివరాలు..!

శాంసంగ్‌ ప్రీమియం స్మార్ట్‌ఫోన్‌ ను కొనుగోలు చేయాలని భావిస్తుంటే ప్రముఖ ఇ-కామర్స్‌ ప్లాట్‌ఫాం ఫ్లిప్‌కార్ట్‌ లో బెస్ట్‌ ఆఫర్‌ అందుబాటులో ఉంది. శాంసంగ్‌ గెలాక్సీ S23 హ్యాండ్‌సెట్‌ను (Samsung Galaxy S23 5G Smartphone) ప్రస్తుతం అత్యంత తక్కువ ధరకు కొనుగోలు చేయవచ్చు. దీంతోపాటు ‌బ్యాంకు కార్డుల ద్వారా మరింత డిస్కౌంట్‌ను పొందవచ్చు. ఈ శాంసంగ్‌ గెలాక్సీ స్మార్ట్‌ఫోన్‌ 50MP ప్రైమరీ కెమెరా, IP68 రేటింగ్‌ను కలిగి ఉంది. ఈ ఫోన్ పూర్తి స్పెసిఫికేషన్‌లు, ఫీచర్‌ల వివరాలు.

శాంసంగ్ గెలాక్సీ S23 స్మార్ట్‌ఫోన్‌ 8GB ర్యామ్ + 128GB స్టోరేజీ, 8GB ర్యామ్ + 256GB స్టోరేజీ వేరియంట్‌లలో భారత్‌ మార్కెట్‌లో అందుబాటులో ఉంది. విడుదల సమయంలో 128GB స్టోరేజీ వేరియంట్ ధర రూ.74,999 గా ఉంది. ప్రస్తుతం ఫ్లిప్‌కార్ట్‌లో (Flipkart) రూ.42,999 కే సొంతం చేసుకోవచ్చు.

నాలుగు కలర్ వేరియంట్‌లు :
అదే 256GB స్టోరేజీ వేరియంట్‌ను రూ.47,999 కే సొంతం చేసుకోవచ్చు. ఈ సేల్‌లో భాగంగా ఫ్లిప్‌కార్ట్‌ యాక్సెస్‌ బ్యాంకు కార్డు ద్వారా 5 శాతం క్యాష్‌బ్యాక్‌ను పొందవచ్చు. క్రీమ్‌, గ్రీన్‌, లావెండర్‌, ఫాంటమ్‌ బ్లాక్‌ రంగుల్లో కొనుగోలు చేయవచ్చు.

శాంసంగ్‌ గెలాక్సీ S23 స్మార్ట్‌ఫోన్‌ ఫీచర్‌లు, స్పెసిఫికేషన్‌ల వివరాలు :
గెలాక్సీ S23 స్మార్ట్‌ఫోన్‌ 6.1 అంగుళాల FHD+ (2340*1080 పిక్సల్స్‌) డైనమిక్‌ అమోలెడ్‌ 2x డిస్‌ప్లేతో అందుబాటులో ఉంది. 120Hz గరిష్ఠ రీఫ్రెష్‌ రేట్‌ను కలిగి ఉంది. విజన్‌ బూస్టర్ ఫీచర్‌ను సపోర్టు చేస్తుంది. IP68 రేటింగ్‌తో డస్ట్‌, వాటర్‌ రెసిస్టెన్స్‌గా ఉంది.

చిప్‌సెట్‌, OS వివరాలు : శాసంగ్‌ గెలాక్సీ S23 హ్యాండ్‌సెట్‌ ఆండ్రాయిడ్‌ 13 ఆధారిత OneUI 5.1 OS ను కలిగి ఉంటుంది. మరియు క్వాల్‌కాం స్నాప్‌డ్రాగన్‌ 8 జెన్‌ 2 చిప్‌సెట్‌తో పనిచేస్తుంది. 8GB ర్యామ్ + 128GB స్టోరేజీ, 8GB ర్యామ్ + 256GB స్టోరేజీ వేరియంట్‌లో లభిస్తుంది.

ఆర్టిఫిషియల్ ఇంటెలిజెన్స్ ఫీచర్‌లు : ఈ ఫోన్‌ అనేక ఆర్టిఫిషియల్ ఇంటెలిజెన్స్ ఫీచర్‌లను కలిగి ఉంటుంది. సర్కిల్‌ టు సెర్చ్‌, లైవ్‌ ట్రాన్స్‌లేట్‌, ఫోటో అసిస్ట్‌ వంటి అనేక AI ఫీచర్‌ను సపోర్టు చేస్తుంది. ఈ ఫోన్‌ 25W ఛార్జింగ్‌ సపోర్టుతో 3900mAh బ్యాటరీని కలిగి ఉంటుంది. ఈ హ్యాండ్‌సెట్‌ 10W వైర్‌లెస్‌ ఛార్జింగ్‌ను కూడా సపోర్టు చేస్తుంది.

50MP ప్రైమరీ కెమెరా : కెమెరా విభాగం పరంగా ఈ శాంసంగ్‌ ఫ్లాగ్‌షిప్‌ స్మార్ట్‌ఫోన్‌ వెనుక వైపు ట్రిపుల్‌ కెమెరాలను అమర్చారు. 50MP ప్రైమరీ కెమెరా, 12MP అల్ట్రావైడ్‌ లెన్స్‌, 10MP టెలిఫోటో లెన్స్‌లను కలిగి ఉంది. ఈ ఫోన్‌ సెల్ఫీ, వీడియో కాల్స్‌ కోసం 12MP సెల్ఫీ కెమెరాను అమర్చారు.

కనెక్టివిటీ పరంగా గెలాక్సీ S23 స్మార్ట్‌ఫోన్‌ 5G, 4G LTE, WiFi 802.11, బ్లూటూత్‌ 5.3, USB-C వంటి ఫీచర్‌లను కలిగి ఉంది. దీంతోపాటు బారోమీటర్‌, యాక్సెలిరోమీటర్‌, గైరో సెన్సార్‌, జియోమాగ్నటిక్‌ సెన్సార్‌, లైట్‌ సెన్సార్‌, ప్రాక్సిమిటీ సెన్సార్‌లు ఉన్నాయి.