200MP కెమెరాతో శాంసంగ్‌ గెలాక్సీ S25 ఎడ్జ్‌ స్మార్ట్‌ఫోన్‌.. ఎప్పుడు విడుదల కానుందంటే?

Samsung Galaxy S25 Edge Smartphone : శాంసంగ్‌ నుంచి ఎప్పటి నుంచో ఎదురుచూస్తున్న స్మార్ట్‌ఫోన్‌ గురించి కీలక ప్రకటన వెలువడింది. ఇప్పటికే గత కొన్ని నెలలుగా ఈ హ్యాండ్‌సెట్‌ కోసం అనేక వివరాలు లీక్‌ అవుతున్నాయి. తాజాగాగ శాంసంగ్‌ ఈ స్మార్ట్‌ఫోన్‌ విడుదల తేదీని ప్రకటన చేసింది. చాలా దేశాల్లో ఈ హ్యాండ్‌సెట్‌ను అందుబాటులోకి తీసుకురానున్నట్లు తెలిపింది. ఈ సంవత్సరం శాంసంగ్‌ నుంచి S25 సిరీస్‌ లాంచ్‌ అయింది. త్వరలో విడుదల కానున్న కొత్త ఫోన్‌ స్లిమ్‌ డిజైన్‌తో కలిగి ఉంటుంది.

శాంసంగ్ ఫోన్‌ ఎప్పుడు లాంచ్‌ కానుంది? :
శాంసంగ్‌ గెలాక్సీ S25 ఎడ్జ్‌ విడుదల తేదీని సంస్థ తాజాగా వెల్లడించింది. భారత్‌లో మే 13 వ తేదీన 5.30 AM గంటలకు ఈ ఫోన్ లాంచ్‌ కానుంది. కాలిఫోర్నియాలో మే 12 సాయంత్రం 5PM, న్యూయార్క్‌లో మే 12 వ తేదీ 8PM గంటలకు ఈ ఈవెంట్‌ టెలికాస్ట్‌ కానుంది. శాంసంగ్ సోషల్‌ మీడియా ద్వారా ఈ ప్రకటన చేసింది. శాంసంగ్ అధికారిక యూట్యూబ్‌ ఛానల్ ద్వారా ఈవెంట్‌ లైవ్‌ చూడవచ్చు.

అల్ట్రా స్లిమ్‌ డిజైన్‌ :
ఇప్పటికే ఈ హ్యాండ్‌సెట్‌కు సంబంధించిన అనేక వివరాలు లీక్‌ అయ్యాయి. ఈ ఫోన్‌ అత్యంత సన్నని డిజైన్‌తో లాంచ్ కానుంది. కేవలం 5.84mm థిక్‌నెస్‌తో అల్ట్రా స్లిమ్‌ డిజైన్‌ను కలిగి ఉంటుంది. శాంసంగ్ ప్రీమియం ఫోన్‌లలో అత్యంత సన్నని ఫోన్‌ ఇదేనని తెలుస్తోంది.

శాంసంగ్‌ గెలాక్సీ S25 ఎడ్జ్‌ స్పెసిఫికేషన్‌లు, ఫీచర్‌లు! :
ఈ గెలాక్సీ S25 ఎడ్జ్‌ స్మార్ట్‌ఫోన్ 120Hz రీఫ్రెష్‌ రేట్‌తో 6.65 అంగుళాల అమోలెడ్‌ డిస్‌ప్లేను కలిగి ఉంటుందని తెలుస్తోంది. మరియు ఈ డిస్‌ప్లే కార్నింగ్‌ గొరిల్లా గ్లాస్‌ విక్టస్‌ 2 ప్రొటెక్షన్‌ ను పొందుతుంది. ఈ ఫోన్‌ కేవలం 162 గ్రాముల బరువును కలిగి ఉంటుంది.

శక్తివంతమైన ప్రాసెసర్‌ :
ప్రస్తుతం అందుబాటులో ఉన్న వివరాల ఆధారంగా గెలాక్సీ S25 ఎడ్జ్ హ్యాండ్‌సెట్ క్వాల్‌కాం స్నాప్‌డ్రాగన్‌ 8 Elite చిప్‌సెట్‌తో పనిచేస్తుందని తెలుస్తోంది. ఈ చిప్‌సెట్‌ గరిష్ఠంగా 12GB ర్యామ్‌, 512GB స్టోరేజీని సపోర్టు చేస్తుంది. మరియు ఆండ్రాయిడ్‌ 15 ఆధారిత శాంసంగ్‌ One UI 7 ను కలిగి ఉంటుంది.

200MP ప్రైమరీ కెమెరా :
కెమెరా విభాగం పరంగా ఈ శాంసంగ్ అల్ట్రా స్లిమ్‌ ప్రీమియం స్మార్ట్‌ఫోన్‌ వెనుక వైపు డ్యూయల్‌ కెమెరాలను కలిగి ఉంటుంది. ఇందులో 85 డిగ్రీల ఫీల్డ్‌వ్యూ, f/1.7 అపేచర్‌తో 200MP ప్రైమరీ కెమెరాను కలిగి ఉంటుంది. దీంతోపాటు 120 డిగ్రీల ఫీల్డ్‌వ్యూ, f/2.2 అపేచర్‌తో 12MP అల్ట్రావైడ్‌ లెన్స్‌ను కలిగి ఉండే అవకాశం ఉంది.

బ్యాటరీ, ఛార్జింగ్‌ వివరాలు :
దీంతోపాటు 80 డిగ్రీల ఫీల్డ్‌వ్యూ, f/2.2 అపేచర్‌తో 12MP సెల్ఫీ కెమెరాను కలిగి ఉంటుందని తెలుస్తోంది. ఈ శాంసంగ్ హ్యాండ్‌సెట్‌ 25W వైర్ ఛార్జింగ్‌ సపోర్టుతో 3900mAh బ్యాటరీతో పనిచేస్తుందని తెలుస్తోంది. దీంతోపాటు ఈ ఫోన్‌ అనేక ఆర్టిఫిషియల్‌ ఇంటెలిజెన్స్‌ ఫీచర్‌లను కలిగి ఉంటుంది.