శాంసంగ్‌ గెలాక్సీ S25 FE స్మార్ట్‌ఫోన్ విడుదల.. ఆండ్రాయిడ్‌ 16 OS, అదిరిపోయే డిజైన్‌, సూపర్‌ ఫీచర్లు సహా..!

Samsung Galaxy S25 FE Smartphone : శాంసంగ్‌ సంస్థ ఇవాళ గెలాక్సీ అన్‌ప్యాక్డ్‌ ఈవెంట్‌ (Galaxy Unpacked Event 2025) నిర్వహించింది. ఇందులో శాంసంగ్ గెలాక్సీ S25 FE స్మార్ట్‌ఫోన్‌తోపాటు గెలాక్సీ ట్యాబ్ S11 సిరీస్‌ను లాంచ్‌ చేసింది. గెలాక్సీ S25 సిరీస్‌ ఈ సంవత్సరం తొలి భాగంలో విడుదల అయింది. మూడు స్టోరేజీ వేరియంట్స్‌లో అందుబాటులో ఉంది. ఈ స్మార్ట్‌ఫోన్ టెలిఫోటో లెన్స్‌, 45W ఛార్జింగ్ సపోర్టును కలిగి ఉంది. గెలాక్సీ S25 FE స్మార్ట్‌ఫోన్‌ స్పెసిఫికేషన్లు, ఫీచర్ల వివరాలు.

శాంసంగ్‌ గెలాక్సీ S25 FE స్మార్ట్‌ఫోన్ స్పెసిఫికేషన్లు, ఫీచర్లు :
గెలాక్సీ S25 FE స్మార్ట్‌ఫోన్ 120Hz రీఫ్రెష్‌ రేట్‌తో 6.7 అంగుళాల ఫుల్‌ HD+ డైనమిక్ అమోలెడ్‌ 2x డిస్‌ప్లేను కలిగి ఉంది. ఈ డిస్‌ప్లే 1900 నిట్స్ పీక్‌ బ్రైట్‌నెస్‌, విజన్‌ బూస్టర్‌ ఫీచర్‌ను సపోర్టు చేస్తుంది. ఈ హ్యాండ్‌సెట్ 190 గ్రాముల బరువును కలిగి ఉంది. ఆర్మర్ అల్యూమినియం ఫ్రేమ్‌ను కలిగి ఉంది.

7 సంవత్సరాల వరకు అప్‌డేట్స్ :
గెలాక్సీ S25 FE స్మార్ట్‌ఫోన్‌ 4nm Exynos 2400 చిప్‌సెట్‌తో పనిచేస్తుంది. ఆండ్రాయిడ్ 16 ఆధారిత One UI 8 పైన పనిచేస్తుంది. ఈ ఫోన్‌ 8GB/128GB, 8GB/256GB, 8GB/512GB వేరియంట్స్‌లో లభిస్తుంది. ఈ ఫోన్ 7 ఆండ్రాయిడ్‌ అప్‌డేట్స్‌, 7 సంవత్సరాల వరకు సెక్యూరిటీ అప్‌డేట్స్‌ను పొందుతుంది.

కెమెరా విభాగం పరంగా ఈ హ్యాండ్‌సెట్‌ ట్రిపుల్‌ కెమెరాలను కలిగి ఉంది. ఆప్టికల్‌ ఇమేజ్‌ స్టెబిలైజేషన్‌ (OIS), f/1.8 అపేచర్‌తో 50MP ప్రైమరీ కెమెరా, f/2.2 అపేచర్‌తో 12MP అల్ట్రావైడ్‌ యాంగిల్‌ కెమెరా, 3x ఆప్టికల్‌ జూమ్‌, f/2.2 అపేచర్‌ తో 8MP టెలిఫోటో కెమెరాను అమర్చారు. సెల్ఫీ, వీడియో కాల్స్ కోసం f/2.2 అపేచర్‌తో 12MP కెమెరాను అమర్చి ఉంది.

4900mAh బ్యాటరీ :
గెలాక్సీ S25 FE స్మార్ట్‌ఫోన్ 45W వైర్‌ ఛార్జింగ్ సపోర్టుతో 4900mAh బ్యాటరీతో పనిచేస్తుంది. ఈ ఫోన్ అనేక ఆర్టిఫిషియల్ ఇంటెలిజెన్స్‌ ఆధారిత ఫీచర్‌లను కలిగి ఉంది. జెమిని లైవ్, సర్కిల్ టూ సెర్చ్‌ సహా మరిన్ని ఫీచర్లున్నాయి.

కనెక్టివిటీ పరంగా ఈ ఫోన్ 5G, 4G LTE, బ్లూటూత్‌ 5.4, వైఫై 6E, USB-C ఛార్జింగ్ పోర్టును కలిగి ఉంది. IP68 రేటింగ్‌తో డస్ట్ మరియు వాటర్ రెసిస్టెంట్‌గా ఉంది. 1.5 మీటర్ల స్వచ్చమైన నీటిలో 30 నిమిషాలపాటు ఉంచినా డ్యామేజీ కాదని శాంసంగ్ చెబుతోంది. ఈ ఫోన్ Knox Vault ను కూడా కలిగి ఉంది.

శాంసంగ్ గెలాక్సీ S25 FE స్మార్ట్‌ఫోన్ ప్రారంభ ధర $650 (భారత కరెన్సీ ప్రకారం రూ.57,300) గా ఉంది. అయితే భారత్‌లో ఈ ఫోన్‌ ధర సహా సేల్ వివరాలు వెల్లడి కావాల్సి ఉంది. త్వరలోనే విడుదల అయ్యే అవకాశం ఉంది. ఐస్‌ బ్లూ, జెట్‌ బ్లాక్‌, నేవీ, వైట్‌ కలర్‌ వేరియంట్స్‌లో లభిస్తుంది.