సామ్‌సంగ్ గెలాక్సీ S26 FE ధర, సేల్ డేట్ ఫిక్స్.. ₹79,999 పెట్టి కొనడం సరైన నిర్ణయమేనా?

సామ్‌సంగ్ ప్రియులు ఎంతగానో ఎదురుచూస్తున్న 'గెలాక్సీ S26 FE' ధర, ఇండియా సేల్ డేట్‌కు సంబంధించిన వివరాలు రివీల్ అయ్యాయి. ఈ ప్రీమియం స్మార్ట్‌ఫోన్ విక్రయాలు మనదేశంలో సెప్టెంబర్ 18 నుంచి ప్రారంభం కానున్నట్లు సామ్‌సంగ్ మైక్రోసైట్ ధృవీకరించింది. ప్రస్తుతం రిటైలర్ వద్ద లభిస్తున్న సమాచారం ప్రకారం.. దీని 8GB RAM, 256GB స్టోరేజ్ వేరియంట్ ధర ₹79,999గా ఉంది. దాంతో ఇది నేరుగా ప్రీమియం మిడ్-రేంజ్ ఫ్లాగ్‌షిప్ విభాగంలోకి అడుగుపెట్టింది. అయితే ఈ ధరకు ఇది ఎంతవరకు వర్త్? మొదటి రోజే కొనుగోలు చేయడం సరైన నిర్ణయమేనా? అనే ప్రశ్నలు ఇప్పుడు యూజర్లలో మొదలయ్యాయి.

కంపెనీ ప్రెస్ నోట్ ప్రకారం.. ఈ ఫోన్ లాంచ్ సమయంలో మూడు ఆకర్షణీయమైన రంగుల్లో అందుబాటులోకి రానుంది. ఇందులో 6.7-అంగుళాల 120Hz AMOLED డిస్‌ప్లే, ఎగ్జినోస్ 2500 చిప్‌సెట్, 3x టెలిఫోటో లెన్స్‌తో కూడిన 50MP మెయిన్ కెమెరా, 45W ఫాస్ట్ ఛార్జింగ్‌కు సపోర్ట్ చేసే 4,900mAh బ్యాటరీ వంటి పవర్‌ఫుల్ ఫీచర్లు ఉన్నాయి. వీటితో పాటు ఏకంగా 7 తరాల ఆండ్రాయిడ్ OS అప్‌గ్రేడ్‌లు, 7 ఏళ్ల సెక్యూరిటీ అప్‌డేట్‌లను అందిస్తామని సామ్‌సంగ్ హామీ ఇచ్చింది. "గెలాక్సీ S సిరీస్ ప్రత్యేకమైన ఫ్లాగ్‌షిప్ అనుభవాన్ని అందించేందుకే గెలాక్సీ S26 FEని ప్రత్యేకంగా డిజైన్ చేశాం" అని జే కిమ్ పేర్కొన్నారు.

గెలాక్సీ S26 FE ఇండియా ప్రైస్, ఆఫర్లు: అసలు డీల్ లెక్కలు ఇవే!

8GB+256GB మోడల్ అధికారిక ధర ₹79,999 కాగా, సెప్టెంబర్ 18 నుంచి సేల్స్ ప్రారంభమవుతాయి. ఒకవేళ సామ్‌సంగ్ తన మునుపటి S26 సిరీస్ బ్యాంక్ ఆఫర్లనే ఇక్కడ కూడా వర్తింపజేస్తే.. HDFC ఇన్‌స్టాంట్ డిస్కౌంట్ ద్వారా ₹5,000 నుంచి ₹9,000 వరకు తగ్గే అవకాశం ఉంది. దీనికి 12 నుంచి 24 నెలల నో-కాస్ట్ EMI తోడైతే ఫోన్ ఎఫెక్టివ్ ప్రైస్ చాలా వరకు తగ్గుతుంది. పాత ఫోన్ ఎక్స్ఛేంజ్ లేదా అష్యూర్డ్ బైబ్యాక్ సదుపాయంతో రీసేల్ రిస్క్ లేకుండా చూసుకోవచ్చు. అయితే సామ్‌సంగ్ అధికారికంగా FE లాంచ్ ఆఫర్లను ప్రకటించే వరకు ఇవి కేవలం ముందస్తు అంచనాలు మాత్రమేనని గమనించాలి.

గెలాక్సీ S26 FE vs S25 FE, పిక్సెల్ 9a, వన్‌ప్లస్, ఐకూ: ₹75 వేల లోపు ఏది బెస్ట్?

ప్రస్తుతం మార్కెట్‌లో గెలాక్సీ S25 FE ధర ₹47,899 నుంచి ₹47,999 రేంజ్‌లో ఉంది, ఇది ఇప్పటికీ చాలా మంచి వ్యాల్యూ ఫర్ మనీ ఆప్షన్. ఇక గూగుల్ పిక్సెల్ 9a ఫోన్ ₹49,999కి టెన్సర్ G4 ప్రాసెసర్‌తో లభిస్తోంది, ఈ బడ్జెట్‌లో ఇది అత్యంత నమ్మకమైన కెమెరా ఫోన్. మరోవైపు వన్‌ప్లస్ 13R ఫోన్ రూ. 40 వేల మధ్య నుంచి రూ. 50 వేల ఆరంభ ధరల్లో దొరుకుతుండగా, ఐకూ 12 (iQOO 12) రూ. 40 వేల మధ్య ధరలోనే లభిస్తూ స్నాప్‌డ్రాగన్ 8 జెన్ 3 గేమింగ్ పవర్‌ను అందిస్తోంది.

అయితే సెప్టెంబర్ 18నే ఈ ఫోన్‌ను ఎవరు కొనుగోలు చేయాలి? సామ్‌సంగ్ One UI అనుభవం, 3x టెలిఫోటో కెమెరా, 7 ఏళ్ల అప్‌డేట్లు కోరుకునే బ్రాండ్ లవర్స్ దీని వైపు చూడవచ్చు. దేశవ్యాప్త సర్వీస్ నెట్‌వర్క్, బైబ్యాక్ సపోర్ట్ వీరికి అదనపు ప్రయోజనం. జూమ్ కెమెరాకు ప్రాధాన్యమిచ్చే కంటెంట్ క్రియేటర్లకు కూడా ఇది మంచి ఎంపిక. మరి పండుగ సేల్స్ వరకు ఎవరు ఆగాలి? విద్యార్థులు, గేమర్లు, పక్కా బడ్జెట్ కాన్షియస్ యూజర్లు ఐకూ 12 లేదా డిస్కౌంట్‌లో వచ్చే S25 FE కోసం ఆగడం మంచిది. ₹50,000 లోపు కేవలం కెమెరా మాత్రమే ప్రాధాన్యత ఉన్నవారు పిక్సెల్ వైపు మొగ్గు చూపవచ్చు. అంతేకాకుండా, బేస్ మోడల్ గెలాక్సీ S26 ధర కూడా తరచుగా ఈ ప్రైస్ బ్రాకెట్ దరిదాపుల్లోనే ఉంటుందనే విషయాన్ని గుర్తుంచుకోండి.