సామ్‌సంగ్ S26 FE vs నథింగ్ ఫోన్ 3: తక్కువ ధరలో బెస్ట్ ఫీచర్లు ఎవరివి? అసలు నిజం ఇదే!

పండుగ ఆఫర్లతో రెండు ఫోన్లు మార్కెట్లో సందడి చేస్తున్నాయి. అయితే అక్టోబర్ 25 నాటికి ఇండియాలో ఏ ఫోన్ కొంటే ఎక్కువ విలువ దక్కుతుందనేదే అసలు ప్రశ్న. సామ్‌సంగ్ గెలాక్సీ S26 FE (8GB/256GB) వేరియంట్ ₹79,999 ప్రారంభ ధరతో లాంచ్ కాగా, అమెజాన్ గ్రేట్ ఇండియన్ ఫెస్టివల్‌లో ఎలాంటి బ్యాంక్, ఎక్స్ఛేంజ్ ఆఫర్లు లేకుండానే ఫ్లాట్ డిస్కౌంట్‌తో ₹72,999 వద్ద దొరుకుతోంది. మరోవైపు, నథింగ్ ఫోన్ 3 (12GB/256GB) ఎంఆర్‌పి ₹79,999 కి దగ్గరగా ఉన్నప్పటికీ, ఫ్లిప్‌కార్ట్‌లోని వివిధ డిస్కౌంట్లతో ఎఫెక్టివ్‌గా ₹50,000 కంటే తక్కువ ధరకే లభిస్తోంది.

పేపర్‌పై ఉన్న స్పెసిఫికేషన్ల కంటే కూడా.. ఈ ధర వ్యత్యాసమే ఇక్కడ అసలు గేమ్ ఛేంజర్. S26 FE ఫోన్ వన్ యుఐ 9, సరికొత్త గెలాక్సీ AIతో వస్తోంది. అంతేకాకుండా ఏకంగా 7 ఏళ్ల పాటు ఆండ్రాయిడ్ అప్‌డేట్‌లు, సెక్యూరిటీ ప్యాచ్‌లను ఆఫర్ చేస్తూ లాంగ్ రన్‌లో బెస్ట్ వ్యాల్యూ ఇస్తోంది. ఇక నథింగ్ ఫోన్ తేలికపాటి UI, లేటెస్ట్ ఆండ్రాయిడ్ 17 అప్‌డేట్‌తో పాటు 5 ఆండ్రాయిడ్ వెర్షన్లు, 7 ఏళ్ల సెక్యూరిటీ ప్యాచ్‌లతో గట్టి పోటీ ఇస్తోంది. క్లీన్ సాఫ్ట్‌వేర్ అనుభవాన్ని ఇష్టపడే వారికి ఇది తక్కువ ఖర్చులో బెస్ట్ ఆప్షన్‌గా మారుతోంది.

Samsung Galaxy S26 FE vs Nothing Phone 3: కెమెరా, AI ఫీచర్లు

సామ్‌సంగ్‌లోని ట్రిపుల్ కెమెరా సెటప్‌లో 50MP మెయిన్, 12MP అల్ట్రావైడ్, OIS సపోర్ట్ ఉన్న 8MP 3x టెలిఫోటో లెన్స్ ఉన్నాయి. ఫోటో అసిస్ట్, ఇతర గెలాక్సీ AI ఎడిటింగ్ ఫీచర్లతో సోషల్ మీడియాకు సరిపోయేలా అద్భుతమైన ఫోటోలు అందిస్తుంది. ఇక నథింగ్ ఫోన్ ఏకంగా మూడు 50MP సెన్సార్లతో దూసుకొచ్చింది. ఇందులో OIS ఉన్న 3x పెరిస్కోప్ కెమెరా డేలైట్‌లో 6x వరకు వివరాలు తగ్గకుండా, రాత్రివేళల్లో నేచురల్ కలర్స్‌తో క్లియర్ ఫోటోలను తీస్తుంది.

Samsung Galaxy S26 FE vs Nothing Phone 3: బ్యాటరీ, గేమింగ్, నెట్‌వర్క్ వివరాలు

బ్యాటరీ, హీటింగ్ నిర్వహణలో రెండు ఫోన్లకూ తేడా స్పష్టంగా ఉంది. S26 FE ఫోన్ 45W వైర్డ్, 15W వైర్‌లెస్ ఛార్జింగ్‌కు సపోర్ట్ చేసే 4,900mAh బ్యాటరీతో వస్తుంది. బ్యాటరీ టైమ్‌అప్ బాగున్నప్పటికీ, లాంగ్ గేమింగ్ సెషన్లలో ఫోన్ కొద్దిగా వేడెక్కుతోందని రివ్యూలు చెబుతున్నాయి. అదే నథింగ్ ఇండియా మోడల్‌లో 65W వైర్డ్ ఛార్జింగ్‌తో కూడిన 5,500mAh పెద్ద బ్యాటరీని అందించారు. BGMI, కాల్ ఆఫ్ డ్యూటీ వంటి గేమ్‌లలో ఇది మంచి ఫ్రేమ్ రేట్స్‌ను ఇస్తుంది, అయితే ఇందులోనూ అక్కడక్కడా హీటింగ్ కనిపిస్తోంది. ప్రస్తుతం జియోలో VoNR సపోర్ట్ అందుబాటులో ఉండగా, ఎయిర్‌టెల్/విఐ ఇంకా VoLTE నెట్‌వర్క్‌లోనే నడుస్తున్నాయి.

Samsung Galaxy S26 FE vs Nothing Phone 3: పర్‌ఫార్మెన్స్, డిస్‌ప్లే, కనెక్టివిటీ

S26 FE లోని ఎక్సినోస్ 2500 ప్రొసెసర్ సుదీర్ఘమైన స్టెబిలిటీకి, గెలాక్సీ AI ఫీచర్లకు ప్రాధాన్యత ఇస్తుంది. ఇక నథింగ్ ఫోన్‌లో వాడిన స్నాప్‌డ్రాగన్ 8s Gen 4 ఫాస్ట్ పర్‌ఫార్మెన్స్ ఇచ్చినా, ఫ్లాగ్‌షిప్ ప్రాసెసర్లతో పోలిస్తే కొంత వెనుకబడి ఉంది. రెండింటిలోనూ మంచి బ్రైట్‌నెస్‌తో కూడిన 120Hz OLED డిస్‌ప్లేలు ఉన్నాయి. S26 FE ఫోన్ Wi-Fi 6E కే పరిమితమవ్వగా, నథింగ్ ఫోన్ అడ్వాన్స్‌డ్ Wi-Fi 7 తో పాటు వైడ్ 5G బ్యాండ్లను ఆఫర్ చేస్తోంది. అన్ని నెట్‌వర్క్‌లు పనిచేస్తున్నప్పటికీ, ప్రస్తుతం VoNR విశ్వసనీయత జియోలోనే మెరుగ్గా ఉంది.

ఎవరు ఏ ఫోన్ కొనాలి? మంచి కెమెరా, దీర్ఘకాలిక వినియోగం కోరుకునేవారు సామ్‌సంగ్ గెలాక్సీ S26 FE వైపు చూడవచ్చు. ఇందులో నమ్మకమైన టెలిఫోటో కెమెరా, పవర్‌ఫుల్ AI ఎడిటింగ్, 7 ఏళ్ల అప్‌డేట్లు లభిస్తాయి. ఇక గేమింగ్ లవర్స్, కంటెంట్ క్రియేటర్లకు బెస్ట్ డీల్స్‌లో నథింగ్ ఫోన్ 3 పర్ఫెక్ట్ ఛాయిస్. పెద్ద బ్యాటరీ, Wi-Fi 7, టాప్ క్లాస్ 3x పెరిస్కోప్ కెమెరా దీని సొంతం (ధర మార్పులు, హీటింగ్‌ను గమనించాల్సి ఉంటుంది). ఇక ఎలాంటి బ్లోట్‌వేర్ లేని క్లీన్ UI, వేగవంతమైన ఆండ్రాయిడ్ 17 అనుభవాన్ని కోరుకునే వారికి నథింగ్ ఫోన్ 3 బెస్ట్ ఆప్షన్.