ఫ్లాగ్‌షిప్ ఫోన్లు ఇప్పుడు 85% ధరకే! శామ్‌సంగ్ గెలాక్సీ S26 ఆల్ట్రాపై అదిరిపోయే ఆఫర్ ఇదే

శామ్‌సంగ్ కంపెనీ భారత్‌లో తన 'సర్టిఫైడ్ రీ-న్యూడ్' (Certified Re-Newed) ప్రోగ్రామ్‌ కింద గెలాక్సీ S26 ఆల్ట్రా, గెలాక్సీ S26 మోడళ్లను అందుబాటులోకి తీసుకొచ్చింది. పూర్తి ఏడాది కంపెనీ వారంటీతో వచ్చే ఈ ఫోన్లు లాంచ్ ధరలో గరిష్టంగా 85 శాతానికే లభిస్తున్నాయి. వీటిని Samsung.com తో పాటు శామ్‌సంగ్ షాప్ యాప్ ద్వారా కొనుగోలు చేయవచ్చు. సెప్టెంబర్ 10న కంపెనీ ఈ ప్రకటన చేయగా, సెప్టెంబర్ 11 నుంచే ఇవి సేల్‌కు వచ్చేశాయి. తక్కువ ధరలోనే ఫ్లాగ్‌షిప్ ఫీచర్లు కోరుకునే వారికి ఇది మంచి అవకాశం.

ఈ 'సర్టిఫైడ్ రీ-న్యూడ్' ఫోన్లను శామ్‌సంగ్ స్వయంగా తనిఖీ చేసి, రీఫర్బిష్ చేసి, కఠినంగా టెస్ట్ చేస్తుంది. ఏవైనా స్పేర్ పార్ట్స్ మార్చాల్సి వస్తే 100 శాతం ఒరిజినల్ పార్ట్స్‌నే వాడతారు. ప్రతీ డివైజ్‌తో పాటు శామ్‌సంగ్ సర్టిఫైడ్ బ్యాటరీ, లేటెస్ట్ సాఫ్ట్‌వేర్, డేటా రీసెట్, కేబుల్, మాన్యువల్, సిమ్ ఎజెక్టర్ పిన్ వస్తాయి. కొత్త ఫోన్ తరహాలోనే ఈ హ్యాండ్‌సెట్, బ్యాటరీలపై ఏడాది వారంటీ, యాక్సెసరీస్‌కు ఆరు నెలల వారంటీ లభిస్తుంది. సాధారణ మార్కెట్ రీఫర్బిష్డ్ ఫోన్లతో పోలిస్తే కంపెనీ ఇచ్చే ఈ వారంటీ భరోసాయే ప్రధాన ప్లస్ పాయింట్.

సర్టిఫైడ్ రీ-న్యూడ్ గెలాక్సీ S26 ఆల్ట్రా, S26 ఫీచర్లు

గెలాక్సీ S26 ఆల్ట్రా మోడల్‌లో పవర్‌ఫుల్ 200 మెగాపిక్సెల్ ప్రైమరీ కెమెరా, అడ్వాన్స్‌డ్ టెలిఫోటో సిస్టమ్‌లతో పాటు స్మూత్ విజన్ కోసం 120Hz డైనమిక్ అమోలెడ్ 2X డిస్‌ప్లే ఉంది. గేమింగ్, మల్టీటాస్కింగ్ సులువుగా అయ్యేలా కస్టమైజ్ చేసిన 'స్నాప్‌డ్రాగన్ 8 జెన్ 5 ఫర్ గెలాక్సీ' ప్రాసెసర్‌తో ఇది పనిచేస్తుంది. అలాగే వేగవంతమైన 60W సూపర్ ఫాస్ట్ ఛార్జింగ్ 3.0 సపోర్ట్ కూడా ఉంది. ఇక స్టాండర్డ్ గెలాక్సీ S26 మోడల్‌లోనూ స్మూత్ స్క్రోలింగ్, గేమింగ్ అనుభూతి కోసం అడాప్టివ్ 120Hz డిస్‌ప్లే అందించారు. ఆన్ పేపర్ స్పెక్స్ కంటే కూడా రియల్ టైమ్‌లో ఈ ఫోన్ల పెర్ఫార్మెన్స్ అద్భుతంగా ఉంటుంది.

సర్టిఫైడ్ రీ-న్యూడ్ మోడళ్లు, కలర్స్, స్టోరేజ్, ధర వివరాలు

S26 ఆల్ట్రా సర్టిఫైడ్ రీ-న్యూడ్ పేజీలో 12GB, 16GB ర్యామ్ వేరియంట్లతో పాటు 256GB, 512GB, 1TB స్టోరేజ్ ఆప్షన్లు అందుబాటులో ఉన్నాయి. కోబాల్ట్ వయోలెట్, స్కై బ్లూ, బ్లాక్, వైట్ రంగులతో పాటు Samsung.com ఎక్స్‌క్లూజివ్ కలర్స్ అయిన సిల్వర్ షాడో, పింక్ గోల్డ్ ఆప్షన్లలో ఇవి లభిస్తాయి. భారత్‌లోని శామ్‌సంగ్ అధికారిక ఛానెళ్ల ద్వారా ఈ S26 ఆల్ట్రా, S26 రీ-న్యూడ్ ఫోన్లు లాంచ్ MRPపై గరిష్టంగా 85 శాతం ధరకే లభిస్తాయని, మార్కెట్‌ను బట్టి స్టాక్ లభ్యత మారుతుందని కంపెనీ తెలిపింది.

రీ-న్యూడ్ గెలాక్సీ S26 కొనాలా? లేక FE సేల్ వరకు ఆగాలా?

తక్కువ బడ్జెట్‌లోనే ఫ్లాగ్‌షిప్ కెమెరాలు, 120Hz డిస్‌ప్లే, ఫాస్ట్ ఛార్జింగ్ కావాలనుకునే వారికి ఈ రీ-న్యూడ్ S26 మోడళ్లు సరైన ఛాయిస్. కేవలం 144Hz లేదా 200MP నంబర్ల వెనుక పడకుండా.. స్టెబుల్ ఫ్రేమ్ రేట్స్, మెరుగైన కూలింగ్, లో-లైట్ ఫోటోగ్రఫీ కోరుకునే స్టూడెంట్స్, గేమర్స్, క్రియేటర్లకు ఇవి బాగా ఉపయోగపడతాయి. మరోవైపు, బెస్ట్ ఆఫర్ల కోసం చూస్తున్నవారు సెప్టెంబర్ 18న జరగనున్న గెలాక్సీ S26 FE సేల్‌ను కూడా గుర్తుంచుకోవచ్చు. ఏది ఏమైనా కొనుగోలు చేసే ముందు స్టోరేజ్, కండిషన్ వివరాలు, బాక్స్‌లో వచ్చే యాక్సెసరీస్‌ను చెక్ చేసుకోవడం మంచిది.