గెలాక్సీ S26 అల్ట్రా కొనాలా? లేక ఒప్పో ఫైండ్ X10 కోసం ఆగాలా? మీ కోసం సరైన నిర్ణయం ఇదే!

ఫ్లిప్‌కార్ట్ బిగ్ బిలియన్ డేస్, అమెజాన్ గ్రేట్ ఇండియన్ ఫెస్టివల్ సేల్స్ జోరుగా సాగుతున్నాయి. దీంతో ఆఫర్లు, ధరల్లో భారీ వ్యత్యాసాలు కనిపిస్తున్నాయి. అక్టోబర్ 14 నాటికి, ఫ్లిప్‌కార్ట్‌లో గెలాక్సీ S26 అల్ట్రా (12GB/256GB) వేరియంట్ ప్రారంభ ధర ₹1,30,999గా ఉంది. అయితే ఆఫర్లు పోను కార్ట్‌లో డిస్కౌంట్‌తో ఇది ₹1,26,999కే లభిస్తోంది. మీ పాత ఫోన్‌పై ఇచ్చే ఎక్స్ఛేంజ్ ఆఫర్‌ ద్వారా రూ. 65,150 వరకు అదనపు తగ్గింపు పొందవచ్చు. అమెజాన్ కూడా ఈ పండుగ సేల్‌లో ఇంచుమించు ఇలాంటి ధరలకే అందిస్తున్నప్పటికీ, బ్యాంక్ కార్డ్‌లు, సమయాన్ని బట్టి ఆఫర్లు మారుతుంటాయి.

అందుకే బ్యాంక్ ఆఫర్లు, ఫ్లాష్ సేల్ సమయాలను చూసుకుని కొనుగోలు చేయడం బెటర్. ఫ్లిప్‌కార్ట్‌లో యాక్సిస్ బ్యాంక్ 10 శాతం డిస్కౌంట్ ఆఫర్‌ ద్వారా ఎంపిక చేసిన ప్రొడక్ట్స్‌పై గరిష్టంగా ₹17,250 వరకు తగ్గింపు వస్తుంది. ఫ్లిప్‌కార్ట్ 'ప్రైస్ క్రాష్' గంటల్లో వస్తువుల ధరలు మళ్లీ సేల్ మొదటి రోజు నాటి ఆఫర్ ధరకు తగ్గిపోతాయి. సాధారణంగా సాయంత్రం 6 నుంచి 7 గంటల మధ్య ధరలు భారీగా తగ్గుతున్నాయని డీల్ ట్రాకర్లు చెబుతున్నారు. ఇక అమెజాన్‌లో ప్రతిరోజూ రాత్రి 9 గంటలకు జరిగే 'లైవ్ రివీల్స్' ద్వారా స్మార్ట్‌ఫోన్లపై కొత్త డీల్స్ ప్రకటిస్తున్నారు.

ఒప్పో ఫైండ్ X10 ప్రో మాక్స్ వర్సెస్ శామ్‌సంగ్ గెలాక్సీ S26 అల్ట్రా: కెమెరా, వీడియో ఫీచర్లు

కెమెరా విషయానికి వస్తే ఒప్పో చాలా ఆకర్షణీయమైన ఫీచర్లను అందిస్తోంది. ఇందులో పెరిస్కోప్ స్టెబిలైజేషన్, 1440p HDR వీడియో, నైట్ మోడ్‌లో స్కిన్ టోన్స్‌ను చక్కగా చూపే త్రిపుల్ 200-మెగాపిక్సెల్ కెమెరా సెటప్‌ ఉంది. దీనికి పోటీగా శామ్‌సంగ్ తన పాపులర్ 200-మెగాపిక్సెల్ మెయిన్ సెన్సార్‌ను తీసుకొచ్చింది. ఇది చేతితో తీసే వీడియోలను మరింత స్థిరంగా (స్టెడీగా), విభిన్న కాంతిలో మెరుగైన కలర్స్ ఇచ్చేలా చేస్తుంది. రకరకాల ఫోకల్ లెంగ్త్స్ వాడే క్రియేటర్లకు ఒప్పో యూనిఫాం లుక్ నచ్చవచ్చు, కానీ విలాగర్లకు మాత్రం శామ్‌సంగ్ ఇచ్చే వీడియో స్టెబిలిటీ నచ్చుతుంది.

ఒప్పో ఫైండ్ X10 ప్రో మాక్స్ వర్సెస్ శామ్‌సంగ్ గెలాక్సీ S26 అల్ట్రా: పెర్ఫార్మెన్స్, ఏఐ, డిస్‌ప్లే, నెట్‌వర్క్

గెలాక్సీ S26 అల్ట్రాలో స్నాప్‌డ్రాగన్ 8 ఎలీట్ జెన్ 5 ప్రాసెసర్, ఆన్-డివైజ్ గెలాక్సీ AI ఫీచర్లు ఉన్నాయి. అంతేకాకుండా దీనికి 7 తరాల OS అప్‌గ్రేడ్‌లను శామ్‌సంగ్ అందిస్తోంది. ఇది స్టూడెంట్స్, వర్కింగ్ ప్రొఫెషనల్స్‌కు ఎంతగానో ఉపయోగపడుతుంది. మరోవైపు ఒప్పో మోడల్ డిమెన్సిటీ 9600 ప్రో ప్రాసెసర్, లేటెస్ట్ కలర్ OS 17తో పాటు 144Hz LTPO-క్లాస్ డిస్‌ప్లేతో వస్తోంది. ఇక నెట్‌వర్క్ విషయానికి వస్తే.. ఇండియాలో బాగా పనిచేసే n28, n78 5G బ్యాండ్‌లకు ఈ రెండు ఫోన్లు సపోర్ట్ చేస్తాయి.

ఒప్పో ఫైండ్ X10 ప్రో మాక్స్ వర్సెస్ శామ్‌సంగ్ గెలాక్సీ S26 అల్ట్రా: బ్యాటరీ, ఛార్జింగ్, సర్వీస్, యాక్సెసరీస్

శామ్‌సంగ్‌లోని 5,000mAh బ్యాటరీ వేడెక్కకుండా స్థిరమైన పెర్ఫార్మెన్స్ ఇస్తుంది. కేవలం 30 నిమిషాల్లోనే సుమారు 75 శాతం ఛార్జింగ్ అవుతుంది కాబట్టి రోజువారీ ప్రయాణాలు చేసేవారికి చాలా ఉపయోగపడుతుంది. అదే ఒప్పో విషయానికి వస్తే.. భారీ 8,000mAh బ్యాటరీతో పాటు 80W వైర్డ్ ఫాస్ట్ ఛార్జింగ్‌ను ఇస్తున్నారు. రోజంతా ఎక్కువగా ఫోన్ వాడేవారికి, వేగంగా ఛార్జ్ చేసుకోవాలనుకునేవారికి ఇది బెస్ట్. శామ్‌సంగ్ కేర్+ ప్లాన్స్ ధరలు పారదర్శకంగా ఉన్నప్పటికీ, బాక్స్‌లో ఛార్జర్ రాదు కాబట్టి దానికి తగినట్లుగా విడిగా అడాప్టర్ కొనాల్సి ఉంటుంది.

ఏది బెటర్?: S26 అల్ట్రా ఇప్పుడు కొనాలా? లేదా అక్టోబర్ 22న వచ్చే ఫైండ్ X10 కోసం వేచి చూడాలా?

మీకు S పెన్ కచ్చితంగా కావాలి, వీడియోలు చాలా స్టెడీగా రావాలి, ఏడేళ్ల పాటు అప్‌డేట్స్ ఉండాలి అనుకుంటే.. ప్రైస్ క్రాష్ సేల్ లేదా రాత్రి 9 గంటల రివీల్‌ సమయంలో బ్యాంక్ ఆఫర్లతో ఈరోజే గెలాక్సీ S26 అల్ట్రా కొనుగోలు చేయవచ్చు. ఒకవేళ మీకు సూపర్ ఫాస్ట్ ఛార్జింగ్, జూమ్ కెమెరాలో అత్యుత్తమ క్వాలిటీ, అలాగే లాంచ్ ఆఫర్లు కావాలనుకుంటే మాత్రం అక్టోబర్ 22న రాబోయే ఒప్పో ఫైండ్ X10 కోసం వేచి చూడటం మంచిది.