బ్లాక్‌చైన్ టెక్నాలజీతో ఫిన్నే స్మార్ట్‌ఫోన్‌, మరో విధ్వంసకర ఆవిష్కరణ

స్విట్జర్లాండ్‌కు చెందిన సిరిన్ ల్యాబ్స్‌ విధ్వంసకర ఆవిషర్కరణకు తెరలేపింది. ప్రపంచంలోనే తొలి బ్లాక్‌చైన్‌ టెక్నాలజీ ఫిన్నే స్మార్ట్‌ఫోన్‌ను లాంచ్‌ చేసింది. ప్రపంచంలోనే అతి పెద్ద కాంట్రాక్ట్ ఎలక్ట్రానిక్స్ తయారీదారు ఫాక్స్‌కాన్‌ అనుబంధంతో ఈ బ్లాక్‌చైన్‌ స్మార్ట్‌ఫోన్‌ను రూపొందిస్తున్నట్టు గత నెలలోనే ప్రకటించిని విషయం అందరికీ తెలిసిందే. ఈ స్మార్ట్‌ఫోన్‌ ద్వారా బిట్‌కాయిన్‌ లాంటి డిజిటల్‌ కరెన్సీ లావాదేవీలను అతి తక్కువ ఫీజుతో చేసుకోవచ్చని వెల్లడించింది. దీని ధన సుమారు 67,300 రూపాయలుగా ఉండనుంది.

బిట్‌కాయిన్‌ లాంటి క్రిప్టో కరెన్సీ లావాదేవీలకు ఈ బ్లాక్‌చెయిన్‌ టెక్నాలజీ ఉపయోగపడుతుందని కంపెనీ ధీమా వ్యక్తం చేస్తోంది. అంతేకాదు ఈ ఫోన్‌లో కోల్ట్‌ స్టోరేజ్‌ క్రిప్టో వాలెట్‌ను కూడా పొందుపర్చింది. తద్వారా ఆటోమేటిగ్గా డిజిటల్స్‌ టోకెన్స్‌గా మన మనీని కన్వర్ట్‌ చేసుకోవచ్చు. దీంతోపాటు డిజిటల్‌ అసెట్స్‌ను ఆఫ్‌లైన్‌లో కూడా స్టోర్‌ చేసుకునే సౌలభ్యం కూడా ఉందని సిరిన్‌ తెలిపింది.