బ్యాటరీ ఛార్జింగ్ వెంటనే దిగిపోతుందా..? 6 ముఖ్యమైన కారణాలు

స్ర్కీన్ బ్రైట్నెస్...

స్మార్ట్‌ఫోన్ బ్యాటరీ డ్రెయిన్ అవటానికి ప్రధానమైన కారణం స్ర్కీన్ బ్రైట్నెస్. మీ ఫోన్ స్ర్కీన్ బ్రైట్నెస్ హైలో ఉన్నట్లయితే ఫోన్ బ్యాటరీ బ్యాకప్ మీకు తెలియకుండానే దిగిపోతుంది. కాబట్టి, స్ర్కీన్ బ్రైట్నెస్ ను ఎప్పటికప్పుడ తగ్గించుకోవటం ద్వారా బ్యాటరీ శక్తిని ఆదా చేసుకోవచ్చు.

వై-ఫై నెట్‌వర్క్ వినియోగం..

మొబైల్ డేటా బిల్‌ను తగ్గించటంలో వై-ఫై వినియోగం కీలక పాత్ర పోషించినప్పటికి వై-ఫై నెట్‌వర్క్‌ను పదేపదే మీ ఫోన్‌లో ఎనేబుల్ చేయటం వల్ల బ్యాటరీ బ్యాకప్ త్వరత్వరగా ఖర్చయిపోతుంటుంది.

బ్యాక్‌గ్రౌండ్‌‌లో రన్ అయ్యే యాప్స్

మనకు తెలియకుండా ఫోన్ బ్యాక్‌గ్రౌండ్‌‌లో రన్ అయ్యే యాప్స్ కూడా బ్యాటరీ శక్తిని ఆవిరిచేసేస్తుంటాయి. సెట్టింగ్స్ మెనూలోకి వెళ్లి వీటిని చెక్ చేసుకోవటం ద్వారా బ్యాటరీ శక్తిని ఆదా చేసుకోవచ్చు.

పవర్ మేనేజ్‌మెంట్ యాప్స్ వల్ల ప్రయోజనం ఉండదు..

చాలా మంది తమ ఫోన్‌లలో బ్యాటరీ పవర్ మేనేజ్‌మెంట్ యాప్‌లను ఇన్‌స్టాల్ చేసేస్తుంటారు. ఇవి బ్యాటరీ బ్యాకప్‌ను పొదుపు చేయటం మాట అలా ఉంచితే బ్యాటరీ శక్తిని మాత్రం ఆవిరి చేసేస్తుంటాయి.

ఆటోమెటిక్ బ్యాకప్ ఆప్షన్..

ఆటోమెటిక్ బ్యాకప్ ఆప్షన్ ఎనేబుల్ చేసి ఉన్న యాప్స్ బ్యాటరీ శక్తిని ఎక్కువుగా ఖర్చు చేసేస్తుంటాయి. ఇందుకు కారణంగ ఇవి నిత్యం ఇంటర్నెట్‌తో కనెక్ట్ అయి ఉండటమే.

కొత్త అప్‌డేట్స్ పొందకపోతే..

ఫోన్ తయారీదారులు బ్యాటరీ బ్యాకప్ సమస్యలను నిర్మూలించేందుకు నిత్యం ఓఎస్ అప్‌డేట్‌‌లను లాంచ్ చేస్తూనే ఉన్నారు. ఈ ఓఎస్ అప్‌డేట్స్ మీరు తీసుకోన్నట్లయితే బ్యాటరీ డ్రెయినింగ్ సమస్య అంతకంతకు పెరిగిపోతుంటుంది.