ఈ ఏడాది కొత్త ఫీచర్లతో తళుక్కుమన్న క్రేజీ స్మార్ట్‌ఫోన్‌లు ఇవే!

నోకియా 8 - బోతీ ఫీచర్

హెచ్‌ఎండి గ్లోబల్ నంచి లాంచ్ అయిన మొట్టమొదటి Carl Zeiss optics స్మార్ట్‌ఫోన్‌గా నోకియా 8 గుర్తింపు తెచ్చుకుంది. ఇదే సమయంలో ఈ డివైస్‌కు Bothie ఫీచర్ మరో ప్రధానమైన హైలైట్‌గా నిలుస్తుంది. బోతీ అంటే డ్యుయల్ సైట్ అని అర్థం. ఈ డ్యుయల్ సైట్ ఫీచర్ ద్వారా ఫోటోలతో పాటు వీడియోలను ఒకేసారి ముందు వెనుకా కెమెరాల నుంచి క్యాప్చుర్ చేసుకునే వీలుంటుంది.

ఈ మధ్యనే మార్కెట్లో లాంచ్ అయిన ఇన్ ఫోకస్ విజన్ 3 స్మార్ట్‌ఫోన్‌లో కూడా డ్యుయల్ ఫై పేరుతో ఇదే తరహా ఫీచర్‌ను ఆఫర్ చేస్తున్నారు. భవిష్యత్‌లో విడుదల కాబోయే ఇతర నోకియా స్మార్ట్‌ఫోన్‌లలో కూడా ఈ బోతీ ఫీచర్ ప్రధాన హైలైట్‌గా నిలిచే అవకాశం ఉంది.

యాపిల్ ఐఫోన్ ఎక్స్ - యానిమోజీ

ఐఫోన్ సంస్థ 10వ వార్షికోత్సవాన్ని పురస్కరించుకుని యాపిల్ ఐఫోన్ ఎక్స్ పేరుతో ఓ స్పెషల్ ఎడిషన్ డివైస్‌ను అందుబాటులోకి తీసుకువచ్చిన విషయం తెలిసిందే. ఓఎల్ఈడి డిస్‌ప్లే, ట్రూ డెప్త్ సెన్సార్, ఫేస్ ఐడీ ఫేషియల్ రికగ్నిషన్ టెక్నాలజీ వంటి విప్లవాత్మక ఫీచర్లతో లాంచ్ అయిన ఈ డివైస్‌కు యానిమోజీ ఫీచర్ మరో ప్రధాన హైలైట్‌గా నిలిచింది.

ట్రూడెప్త్ కెమెరాతో వర్క్ అయ్యే ఈ ఎమోజీ ఫీచర్ యూజర్‌కు సంబంధించిన ఫేషియల్ ఎక్స్‌ప్రెషన్స్‌తో పాటు వాయిస్‌ను ఖచ్చితమైన టైమింగ్‌తో రీడ్ చేయగలుగుతుంది. ఈ ఫీచర్ ద్వారా మీకు నచ్చిన యానిమేటెడ్ క్యారక్టర్‌ను సెలక్ట్ చేసుకుని మీ వాయిస్‌తో మెసేజ్‌లను పంపుకునే వీలుంటుంది.

ఎల్‌జీ కే7ఐ - మస్కిటో రిపెల్లింగ్ టెక్నాలజీ

అల్ట్రా సోనిక్ మస్కిటో రిపెల్లింగ్ టెక్నాలజీతో లాంచ్ అయిన మొట్టమొదటి స్మార్ట్‌ఫోన్‌గా LG K7i గుర్తింపు తెచ్చుకుంది. ఈ స్మార్ట్‌ఫోన్ నుంచి విడుదలయ్యే ప్రత్యేకమైన శబ్ధ తరంగాలు దోమలను మీకు దూరంగా ఉంచుతాయి. స్మార్ట్‌ఫోన్‌లో ఈ టెక్నాలజీని పరీక్షించి చూసినపుడు దాదాపుగా 72.32 శాతం దోమలు ఫోన్ చుట్టుపక్కల ఉన్న వారికి దగ్గరికి రాలేదని ఎల్‌జీ తెలిపింది.

మోటో ఎక్స్4 - ప్రాజెక్ట్ ఫై

ఐఎఫ్ఏ 2017 టెక్నాలజీ ట్రేడ్‌షోలో భాగంగా మోటరోలా లాంచ్ చేసిన మోటో ఎక్స్4 స్మార్ట్‌ఫోన్ ద్వారా విప్లవాత్మక ప్రాజెక్ట ఫై ఫీచర్‌ను గూగుల్ పరిచయం చేసింది. ఈ ప్రాజెక్ ఫై అనేది ఓ వైర్‌లెస్ వర్చువల్ మొబైల్ నెట్‌వర్క్. ఈ నెట్‌వర్క్ కాల్ డ్రాప్స్ అనేవే లేకుండా చేస్తుంది. స్లో ఇంటర్నెట్ కనెక్షన్ సమస్యలు కూడా ఉండవు. ఈ నెట్‌వర్క్ పరిధిలో ఏమైనా ఉచిత సెక్యూర్ వై-ఫై హాట్ స్పాట్స్ అందుబాటులో ఉన్నట్లయితే వెంటనే ఈ ఫీచర్ కనెక్ట్ అయిపోతోంది. దీంతో మీ మొబైల్ డేటా కూడా ఆదా అవుతుంది.

రేజర్ ఫోన్ - 120Hz రీఫ్రెష్ రేట్

గేమింగ్ హార్డ్‌వేర్ బ్రాండ్ నుంచి లాంచ్ అయిన రేజర్ ఫోన్ గేమింగ్ ప్రియులకు చక్కటి ఆప్షన్‌గా చెప్పుకోవచ్చు. 5.72 అంగుళాల IGZO ఎల్‌సీడీ డిస్‌ప్లేతో వస్తోన్న ఈ స్మార్ట్‌ఫోన్ ఏకంగా 120Hz హై రీఫ్రెష్ రేటును కలిగి ఉండటం విశేషం. ఈ స్మార్ట్‌ఫోన్ స్ర్కీన్ సెకనుకు 120 సార్లు రీఫ్రెష్ అవ్వటం వల్ల పిక్షర్ క్వాలిటీ మరింత క్వాలిటీతో ఉంటుంది. హై-ఎండ్ గేమింగ్‌కు ఈ డివైస్‌ను బెస్ట్ ఆప్షన్‌గా నిలుస్తుంది.