3జీబి ర్యామ్, 32జీబి స్టోరేజ్.. ఫోన్ ధర మాత్రం రూ.7,000లోపే

స్వైప్ టెక్నాలజీస్ నుంచి సరికొత్త ఫోన్ మార్కెట్లోకి రాబోతోంది. ఇలైట్ సెన్స్ పేరుతో రాబోతున్న ఈ ఫోన్ మార్కెట్లో సంచలనమయ్యే అవకాశాలు కనిపిస్తున్నాయి. 3జీబి ర్యామ్, 32జీబి స్టోరేజ్ వంటి శక్తివంతమైన ఫీచర్లతో వస్తోన్న ఈ ఫోన్‌ను రూ.7000కంటే తక్కువ ధరకే విక్రయించునున్నట్లు సమాచారం. ఫ్లిప్‌కార్ట్‌లో మాత్రమే లభ్యమయ్యే ఈ ఎక్స్‌క్లూజివ్ ఫోన్‌ను మార్చి మొదటి వారంలో లాంచ్ చేయనున్నారు.

Swipe Elite Sense ప్రధాన స్పెసిఫికేషన్స్.. 5 అంగుళాల హైడెఫినిషన్ డిస్‌ప్లే, ఆండ్రాయిడ్ మార్ష్‌మల్లో ఆపరేటింగ్ సిస్టం, క్వాల్కమ్ స్నాప్‌డ్రాగన్ 425 ప్రాసెసర్, 3జీబి ర్యామ్, 32జీబి ఇంటర్నల్ స్టోరేజ్, 13 మెగా పిక్సల్ రేర్ ఫేసింగ్ కెమెరా, 5 మెగా పిక్సల్ ఫ్రంట్ ఫేసింగ్ కెమెరా.

స్వైప్ టెక్నాలజీ కొద్ది రోజుల క్రితమైన స్వైప్ ఎలైట్ 3 పేరుతో సరికొత్త ఫోన్‌ని రిలీజ్ చేసింది. 4జీ వోల్ట్ సపోర్ట్ తో వస్తున్న ఈ ఫోన్ ధరను కంపెనీ రూ. 5,499గా నిర్ణయించింది. బుధవారం నుంచి ఫ్లిప్‌కార్ట్‌లో ఈ ఫోన్ అమ్మకాలు జరుగుతున్నాయి. ఫోన్ స్పెసిఫికేషన్స్ వచ్చేసరికి...

ఆండ్రాయిడ్ 6.0 మార్ష్‌మల్లో విత్ Indus OS మీద ఫోన్ ఆపరేట్ అవుతుంది. డ్యూయెల్ సిమ్‌తో వచ్చిన ఈ ఫోన్ 5 ఇంచ్ హెచ్‌డి ఐపీఎస్ డిస్‌ప్లే 720x1280 రిజల్యూషన్‌ను కలిగి ఉంది. 1.3GHz క్వాడ్ కోర్ స్ప్రెడ్ ట్రమ్ SC9832 processor మీద రన్ అవుతుంది. 2 జిబి ర్యామ్ అలాగే 16 జిబి ఇంటర్నల్ మెమొరీ మైక్రోఎస్డీ ద్వారా 32 జిబి వరకు విస్తరించుకునే సామర్ధ్యం ఉంది. కెమెరా విషయానికొస్తే 8 ఎంపీ రేర్ కెమెరా విత్ ఎల్ఈడీ ఫ్లాష్ లైట్‌తో పాటు 5 ఎంపీ సెల్పీ షూటర్ కూడా ఉంది. బ్యాటరీ విషయానికొస్తే 2500mAh. బరువు 172.5 గ్రాములు. వైఫై, 3.5ఎమ్ఎమ్ ఆడియో జాక్,జీపీఎస్, బ్లూటూత్, ఎఫ్ఎమ్ రేడియో అదనపు ఫీచర్లు.