లేటెస్ట్ టెక్నాలజీతో టెక్నో కామన్ 40 సిరీస్ ఫోన్లు లాంచ్.. వన్-ట్యాప్ బటన్ ఫీచర్ అదిరింది!

Tecno Camon 40 Series: టెక్నో కంపెనీ మొబైల్ వరల్డ్ కాంగ్రెస్ (MWC) 2025లో సరికొత్త కామన్ 40 సిరీస్‌ (Camon 40 series) ఫోన్లను లాంచ్ చేసింది. బార్సిలోనాలో జరిగిన ఈ ఈవెంట్‌లో కామన్ 40, కామన్ 40 ప్రో, కామన్ 40 ప్రో 5G, ఇంకా కామన్ 40 ప్రీమియర్ 5G మోడల్స్‌ను రిలీజ్ చేసింది. ఈ ఫోన్లలో స్పెషల్ ఏంటంటే, ఒక్క ట్యాప్‌తో ఫొటోలు తీసే బటన్ ఇచ్చారు.

అంతేకాదు, 50MP సెల్ఫీ కెమెరాలు కూడా ఉన్నాయి. టెక్నో AI ఫీచర్‌తో ఫోటోలు చాలా క్లారిటీగా, క్రియేటివ్‌గా తీసుకోవచ్చు. ప్రొడక్టివిటీని కూడా చాలా పెంచుకోవచ్చు. త్వరలోనే ఈ ఫోన్లు గ్లోబల్ మార్కెట్లోకి వస్తాయని కంపెనీ తెలిపింది. టెక్నో కామన్ 40 సిరీస్‌లో మీడియాటెక్ డైమెన్సిటీ ప్రాసెసర్లు వాడారు.

కామన్ 40 ప్రీమియర్ 5G మోడల్‌లో లేటెస్ట్ మీడియాటెక్ డైమెన్సిటీ 8350 అల్టిమేట్ AI SoC చిప్‌సెట్ ఉంది. ఈ చిప్‌సెట్‌తో వస్తున్న మొట్టమొదటి ఫోన్ ఇదే. అన్ని మోడల్స్‌లోనూ 12GB RAM, 256GB స్టోరేజ్ ఇచ్చారు. దీంతో ఫోన్ స్మూత్‌గా పనిచేస్తుంది, అస్సలు హ్యాంగ్ అవ్వదు.

* మంచి బిల్డ్ క్వాలిటీ, డిస్‌ప్లే..

కామన్ 40 ప్రీమియర్ 5G, కామన్ 40 ప్రో, కామన్ 40 ప్రో 5G మోడల్స్‌లో కార్నింగ్ గొరిల్లా గ్లాస్ 7i ప్రొటెక్షన్ ఉంది. ఇవి IP68, IP69 రేటింగ్‌తో వస్తున్నాయి, అంటే దుమ్ము, నీళ్లలో పడ్డా ఏమీ కాదు. TÜV రైన్‌ల్యాండ్ సర్టిఫికేషన్ కూడా ఉంది.

దీంతో 72 నెలల వరకు ఫోన్ స్పీడ్‌గా పనిచేస్తుందని కంపెనీ గ్యారంటీ ఇస్తోంది. స్టాండర్డ్ కామన్ 40 మోడల్‌కు IP66 రేటింగ్ ఉంది, ఇది కూడా దుమ్ము, నీళ్ల బిందువుల నుంచి మంచి ప్రొటెక్షన్ ఇస్తుంది. అన్ని మోడల్స్‌లోనూ AMOLED డిస్‌ప్లేలు ఇచ్చారు. కలర్స్, కాంట్రాస్ట్ బాగున్నాయి.

డాల్బీ అట్మాస్ స్టీరియో స్పీకర్లు ఉండటంతో ఆడియో క్వాలిటీ కూడా చాలా బాగుంటుంది. కామన్ 40 ప్రీమియర్ 5G లో 5,100mAh బ్యాటరీ ఉంది. 70W వైర్డ్ ఫాస్ట్ ఛార్జింగ్ సపోర్ట్ చేస్తుంది. ఛార్జింగ్ అయిపోతే క్షణాల్లో ఫుల్ చేసుకోవచ్చు. బిజీగా ఉండే వారికి ఈ ఫోన్ బాగా సరిపోతుంది.

* కెమెరాలు

ఈ సిరీస్‌లోని ప్రతి ఫోన్‌లోనూ 50MP సెల్ఫీ కెమెరా ఉంది, ఆటోఫోకస్‌తో అవి పని చేస్తాయి. సెల్ఫీలు, వీడియో కాల్స్ కోసం మంచి క్లారిటీ అందిస్తాయి. కామన్ 40 ప్రీమియర్ 5G మోడల్‌లో 50MP సోనీ LYT-701 సెన్సార్ వాడారు. ఇది నార్మల్ కెమెరాల కంటే 56.25% ఎక్కువ లైట్ గ్రహించగలదు,

అంటే నైట్ ఫొటోగ్రఫీ అదిరిపోతుంది. ఇంకా 50MP అల్ట్రావైడ్ కెమెరా, 50MP పెరిస్కోప్ టెలిఫొటో లెన్స్ కూడా ఉన్నాయి. జూమ్ చేసినా ఫొటోలు ఏ మాత్రం చెడిపోవు. స్పెషల్ ఇమేజింగ్ చిప్ ఉండటంతో 4K 60fps వీడియోలు కూడా రాత్రిపూట క్లియర్‌గా రికార్డ్ చేయొచ్చు.

* AI ఫీచర్లు, వన్-ట్యాప్ బటన్

వన్-ట్యాప్ బటన్, AI సపోర్ట్ ఉన్న ఫ్లాష్‌స్నాప్ మోడ్‌తో ఫొటోలు క్షణాల్లో క్లిక్ చేసుకోవచ్చు. ఏ మాత్రం ఆలస్యం ఉండదు. టెక్నో AI ఫీచర్లతో AI ఎరేజర్ 2.0, AIGC పోర్ట్రెయిట్ 2.0, AI పర్ఫెక్ట్ ఫేస్, AI షార్ప్‌నెస్ ప్లస్, AI ఇమేజ్ ఎక్స్‌టెండర్, యూనివర్సల్ టోన్ లాంటి టూల్స్ ఉన్నాయి.

వీటితో ఫొటోలు షార్ప్‌గా వస్తాయి, వద్దు అనుకున్న వస్తువుల్ని తీసేయొచ్చు, కలర్స్ అడ్జస్ట్ చేసుకోవచ్చు. ప్రొడక్టివిటీ కోసం AI రైటింగ్, AI ట్రాన్స్‌లేట్ ఫీచర్లు కూడా ఇచ్చారు. ఎల్లా AI అసిస్టెంట్ షెడ్యూల్ చేసుకోవడానికి, నావిగేషన్ కోసం, ఇమేజ్ రికగ్నిషన్ కోసం హెల్ప్ చేస్తుంది.

గూగుల్ సర్కిల్ టు సెర్చ్, AI కాల్ అసిస్టెంట్ (కాల్ ట్రాన్స్‌లేషన్, కాల్ సమ్మరీ ఫీచర్లతో) కూడా ఉన్నాయి. టెక్నో కామన్ 40 సిరీస్ ధర, ఎప్పుడు రిలీజ్ చేస్తారనే విషయాలు ఇంకా చెప్పలేదు. కానీ త్వరలోనే ఆ వివరాలను వెల్లడించే అవకాశం ఉంది.