120Hz డిస్‌ప్లే, భారీ బ్యాటరీతో Tecno Spark 50s 5G లాంచ్.. బడ్జెట్ ధరలో బెస్ట్ ఆప్షన్ ఇదేనా?

టెక్నో ప్రేమికులు ఎంతగానో ఎదురుచూస్తున్న 'Spark 50s 5G' స్మార్ట్‌ఫోన్ అక్టోబర్ 16న మధ్యాహ్నం 12 గంటలకు భారత్‌లో విడుదలవుతోంది. ముఖ్యంగా మంచి బ్యాటరీ లైఫ్, స్మూత్ డిస్‌ప్లే కోరుకునే బడ్జెట్ వినియోగదారులనే లక్ష్యంగా చేసుకుని కంపెనీ ఈ ఫోన్‌ను తీసుకువస్తోంది. ఇప్పటికే విడుదలైన టీజర్లు ఫోన్ డిజైన్, కలర్ వేరియంట్లతో పాటు పెద్ద బ్యాటరీ, 120Hz రీఫ్రెష్ రేట్ డిస్‌ప్లేను స్పష్టం చేశాయి. ఈ ఫీచర్ల కాంబినేషన్ ఎంట్రీ-లెవల్ 5G విభాగంలో గట్టి పోటీ ఇచ్చేలా ఉంది. అయితే ఛార్జింగ్ స్పీడ్, చిప్‌సెట్ వర్గం, ర్యామ్ ఆప్షన్లు, స్టోరేజ్ టైప్ వంటి వివరాలపై ఇంకా స్పష్టత రావాల్సి ఉంది.

పెద్ద బ్యాటరీ ఉండటం వల్ల సాధారణ వినియోగదారులకు రెండు రోజుల వరకు బ్యాకప్ దక్కుతుంది. రోజంతా ఫోన్ వాడే విద్యార్థులకు కూడా ఛార్జింగ్ తిప్పలు ఉండవు. అలాగే 120Hz స్క్రీన్ వల్ల గేమింగ్, రీల్స్ స్క్రోలింగ్ ఎక్స్‌పీరియన్స్ బాగుంటుంది. అయితే బ్రైట్‌నెస్, టచ్ రెస్పాన్స్ కూడా అంతే బాగుండాలి. ఇందులో 18W లేదా అంతకంటే వేగవంతమైన ఛార్జింగ్, కనీసం 6GB ర్యామ్, 128GB స్టోరేజ్ ఉంటే ఫోన్ పర్‌ఫార్మెన్స్ బాగుంటుంది. పాత eMMC కాకుండా UFS స్టోరేజ్ ఇస్తే గనుక, యాప్స్ వేగంగా ఓపెన్ అవ్వడమే కాకుండా మల్టీటాస్కింగ్ సులువుగా మారుతుంది.

Tecno Spark 50s 5G లాంచ్: ఆశించదగిన ధర, ఫీచర్ల వివరాలు

ఈ ఫోన్ విజయాన్ని నిర్ణయించడంలో ధరే కీలక పాత్ర పోషించనుంది. టెక్నో స్పార్క్ సిరీస్ పొజిషనింగ్ ప్రకారం ఇది రూ. 10,000 నుంచి రూ. 12,000 ధరల శ్రేణిలో వచ్చే అవకాశం ఉంది. ఈ ప్రైస్ పాయింట్‌లో 120Hz స్క్రీన్, బిగ్ బ్యాటరీ అందించడం వినియోగదారులకు ప్లస్ పాయింట్. విద్యార్థులు, గేమర్లు, కంటెంట్ క్రియేటర్లకు రోజంతా వాడటానికి ఇది బాగా ఉపయోగపడుతుంది. ఛార్జింగ్ స్పీడ్, చిప్‌సెట్ సామర్థ్యం, కనీసం 6GB ర్యామ్ ఉంటే రోజువారీ వాడకం మరింత స్మూత్‌గా సాగుతుంది. ఇప్పటివరకు ధృవీకరించిన ఫీచర్లు, వెల్లడికావాల్సిన వివరాలను కింద పట్టికలో చూడవచ్చు.

బడ్జెట్ 5G పోటీదారులు: కొనాలో, కాసేపు ఆగాలో తెలిపే క్విక్ గైడ్

ఈ బడ్జెట్ విభాగంలో ఇన్ఫినిక్స్, రెడ్‌మీ, రియల్‌మీల నుంచి ఇప్పటికే తీవ్రమైన పోటీ ఉంది. ఈ బ్రాండ్లు కూడా 5000 mAh బ్యాటరీ, 120Hz డిస్‌ప్లేతో కొన్ని మోడళ్లను అందిస్తున్నాయి. అయితే ఛార్జింగ్ స్పీడ్, బేస్ ర్యామ్, స్టోరేజ్ టైప్, హీటింగ్ కంట్రోల్ విషయంలో వ్యత్యాసాలు ఉంటాయి. ఒకవేళ టెక్నో గనుక వేగవంతమైన ఛార్జింగ్ లేదా UFS స్టోరేజ్‌ను లాంచ్ ధరలోనే అందిస్తే పోటీదారులకు గట్టి షాక్ ఇచ్చినట్లే! ఇతర బ్రాండ్ల ఫోన్ల బలాలు, పరిమితులను సూచించే వివరాలను కింద పట్టికలో ఇచ్చాం.

ఒకవేళ Spark 50s 5G స్మార్ట్‌ఫోన్ రూ. 11,000 కంటే తక్కువ ధరకు వచ్చి.. అందులో 6GB ర్యామ్, 128GB స్టోరేజ్, 18W లేదా అంతకంటే ఎక్కువ ఛార్జింగ్ సపోర్ట్ ఉంటే, ఇది కచ్చితంగా బెస్ట్ ఆప్షన్ అవుతుంది. విద్యార్థులకు, తొలిసారి 5Gకి మారే వారికి ఇది సరిగ్గా సరిపోతుంది. ఒకవేళ ధర అంతకంటే ఎక్కువ ఉంటే మాత్రం పండుగ ఆఫర్లు లేదా రివ్యూలు వచ్చే వరకు వేచి చూడడం మంచిది. టెక్నో ఈ ఫోన్‌ను రేపు (అక్టోబర్ 16న) మధ్యాహ్నం 12 గంటలకు లాంచ్ చేయనుంది. పూర్తి వివరాలు రాగానే మేము మీకు అందిస్తాం.