అదిరే ఫీచర్లతో ఎల్‌జి వి30 ప్లస్, ధర చాలా ఎక్కువ..

మొబైల్ దిగ్గజం ఎల్‌జి ఈ ఏడాది రెండు ఫ్లాగ్‌షిప్ ఫోన్లతో మార్కెట్ లోకి దూసుకువచ్చిన సంగతి తెలిసిందే. కాగా ఇప్పుడు మరో సరికొత్త స్మార్ట్‌ఫోన్ ఎల్‌జి వి30 ప్లస్‌తో మార్కెట్లోకి దూసుకువస్తోంది. ఎల్‌జి వి30లో ఉన్న ఫీచర్లే ఈ ఫోన్‌లోనూ ఉండనున్నాయి.

ర్యామ్ కొంచెం ఎక్కువగా ఉండే అవకాశం కూడా ఉంది. కాగా ఎల్‌జి వి30 ప్లస్‌లో స్టోరేజ్ ని పొడిగించారు. ఈ నెల 13వ తేదీన విడుదల కానున్న ఈ ఫోన్ ధరను రూ.58,900గా నిర్ణయించారు. 6 ఇంచ్ భారీ బెజెల్ డిస్‌ప్లే, వెనుక భాగంలో 16, 13 మెగాపిక్సల్ సామర్థ్యం ఉన్న రెండు పవర్‌ఫుల్ కెమెరాల,ఐపీ 68 వాటర్, డస్ట్ రెసిస్టెన్స్ లాంటి ఫీచర్లతో ఈ ఫోన్ మార్కెట్లోకి రానుంది.

ఎల్‌జీ వీ30 ప్లస్ ఫీచర్లు
6 ఇంచ్ క్వాడ్ హెచ్‌డీ ప్లస్ ఓలెడ్ డిస్‌ప్లే,
2880 x 1440 పిక్సల్స్ స్క్రీన్ రిజల్యూషన్,
గొరిల్లా గ్లాస్ 5 ప్రొటెక్షన్,
ఆక్టాకోర్ స్నాప్‌డ్రాగన్ 835 ప్రాసెసర్,
4 జీబీ ర్యామ్, 128 జీబీ స్టోరేజ్, 2టీబీ ఎక్స్‌పాండబుల్ స్టోరేజ్,
ఆండ్రాయిడ్ 7.1.2 నూగట్,
హైబ్రిడ్ డ్యుయల్ సిమ్,
16, 13 మెగాపిక్సల్ డ్యుయల్ రియర్ కెమెరాలు,
5 మెగాపిక్సల్ సెల్ఫీ కెమెరా,
ఫింగర్‌ప్రింట్ సెన్సార్, ఐపీ 68 వాటర్, డస్ట్ రెసిస్టెన్స్,
4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 5.0 ఎల్‌ఈ,
ఎన్‌ఎఫ్‌సీ, యూఎస్‌బీ టైప్ సి,
3300 ఎంఏహెచ్ బ్యాటరీ, క్విక్ చార్జ్ 3.0, వైర్‌లెస్ చార్జింగ్.