రూ.6,500కే iPhone X లాంటి ఫోన్

ఇటీవల మార్కెట్లో లాంచ్ అయిన iPhone Xకు క్లోన్ మోడల్‌గా చైనాకు చెందిన GooPhone అనే కంపెనీ GooPhone I8 పేరుతో ఓ ఫోన్‌ను మార్కెట్లోకి తీసుకువచ్చింది.

By Sivanjaneyulu Bommu

Published: Saturday, September 16, 2017, 16:59 [IST]

యాపిల్ ఐఫోన్‌ను ప్రతి ఒక్కరూ ఇష్టపడతారు. ఇందుకు కారణం ఆ కంపెనీ ఫోన్‌లకు ప్రపంచవ్యాప్తంగా ఉన్న బ్రాండ్ వాల్యూనే. అయితే ఇటీవల కాలంలో యాపిల్ ఫోన్‌లను క్లోనింగ్ బెడదు బెంబేలెత్తిస్తోంది. యాపిల్ కొత్త ఐఫోన్ మార్కెట్లో విడుదలైతే చాలు ఆ ఫోన్‌ను అనకరిస్తూ క్లోన్ ఫోన్‌లు పుట్టుకొచ్చేస్తున్నాయి.

చైనాకు చెందిన GooPhone

ఇటీవల మార్కెట్లో లాంచ్ అయిన iPhone Xకు క్లోన్ మోడల్‌గా చైనాకు చెందిన GooPhone అనే కంపెనీ GooPhone I8 పేరుతో ఓ ఫోన్‌ను మార్కెట్లోకి తీసుకువచ్చింది. పూర్తిగా ఐఫోన్ ఎక్స్ డిజైన్‌తో కనిపిస్తోన్న ఈ ఫోన్ ఆండ్రాయిడ్ ఆపరేటింగ్ సిస్టం పై రన్ అవుతోంది.

GooPhone I8 స్పెసిఫికేషన్స్..

5.5 అంగుళాల డిస్‌ప్లే, ఆండ్రాయిడ్ 5.0 ఆపరేటింగ్ సిస్టం, మీడియాటెక్ MTK6580 చిప్ సెట్, 1జీబి ర్యామ్, 16జీబి ఇంటర్నల్ స్టోరేజ్, 8 మెగా పిక్సల్ రేర్ ఫేసింగ్ కెమెరా, 2 మెగా పిక్సల్ ఫ్రంట్ ఫేసింగ్ కెమెరా వంటి ఫీచర్లతో వస్తోన్న ఈ బడ్జెట్ ఆండ్రాయిడ్ ఫోన్ ధర 100 డాలర్లు (ఇండియన్ కరెన్సీలో రూ.6,500).