నోకియా 9... మరో సంచలనం

ఐఫోన్ 8, గెలాక్సీ ఎస్8 ఫ్లాగ్‌షిప్ ఫోన్‌లకు పోటీ..

By Sivanjaneyulu Bommu

Updated: Monday, March 6, 2017, 17:16 [IST]

ఎండబ్ల్యూసీ 2017 వేదికగా నోకియా నుంచి పెద్ద ఫోన్‌లు లాంచ్ అవుతాయని అందరూ భావించారు. అయితే, అందరి అంచనాలను తలక్రిందులు చేస్తూ కేవలం నాన్ - ఫ్లాగ్‌షిప్ స్మార్ట్‌ఫోన్‌లను మాత్రమే లాంచ్ చేసిన నోకియా, యాపిల్ ఐఫోన్ 8, గెలాక్సీ ఎస్8 వంటి ఫ్లాగ్‌షిప్ ఫోన్‌లకు పోటీగా భావిస్తోన్న హైఎండ్ ఫోన్‌లకు లాక్ చేసి ఉంచినట్లు సమాచారం.

హై-ఎండ్ స్పెసిఫికేషన్‌లతో..

హై-ఎండ్ స్పెసిఫికేషన్‌లతో హెచ్‌ఎం‌డి గ్లోబల్ అభివృద్ధి చేసిన నోకియా 8, నోకియా పీ1 వంటి ఫ్లాగ్‌షిప్ స్మార్ట్‌ఫోన్ లపై ఇప్పటికే భారీ అంచనాలు ఏర్పడ్డాయి. తాజాగా, నోకియా 9 పేరుతో ఓ కాన్సెప్ట్ ఫోన్ ఇంటర్నెట్‌లో హల్‌చల్ చేస్తోంది. ఇప్పటికే యూట్యూబ్‌లో దుమ్మురేపుతోన్న ఈ కాన్సెప్ట్ మోడల్ వీడియో భారీ హైప్ క్రియేట్ చేస్తోంది.

మెటల్ బాడీతో క్రాఫ్టింగ్

కాన్సెప్ట్ రెండర్ నో కియా 9 కాన్సెప్ట్ ఫోన్‌ను మెటల్ బాడీతో క్రాఫ్ట్ చేసారు. స్నాప్‌డ్రాగన్ 835 ప్రాసెసర్, 6జీబి ర్యామ్ వంటి శక్తివంతమైన స్పెసిఫికేషన్‌లను ఈ ఫోన్‌లో పొందుపరిచారు.