సస్పెన్స్ రేపుతోన్న నోకియా 3310, ఏమిటా కొత్త ఫీచర్..?

హెచ్‌ఎండీ గ్లోబల్ నేతృత్వంలో

ఈ నెల 26న బార్సిలోనాలో నిర్వహిస్తోన్న మొబైల్ వరల్డ్ కాంగ్రెస్ ప్రీ-లాంచ్ ఈవెంట్‌లో భాగంగా హెచ్‌ఎండీ గ్లోబల్ నేతృత్వంలోని నోకియా పలు ఆండ్రాయిడ్ స్మార్ట్‌ఫోన్లతో పాటు ఐకానిక్ నోకియా 3310 ఫోన్‌ను కూడా ప్రపంచానికి పరిచయం చేయబోతోంది.

స్వల్ప మార్పుచేర్పులతో

అప్పటి మోడల్‌తో పోలిస్తే స్వల్ప మార్చుచేర్పులతో రాబోతోన్న ఈ ఫోన్ కు హైపర్ రిసెస్టింగ్ హౌసింగ్ ప్రధాన ఆకర్షణ కానుందట. ఈ ఫీచర్ ఫోన్ ను మరింత శక్తివంతంగా ర్చేస్తోందట. ఫీచర్ ఫోన్‌గానే మార్కెట్లోకి రాబోతోన్న నోకియా 3310కు సంబంధించి పలు ఆసక్తికర విషయాలు..

ఇది ఒక ఫీచర్ ఫోన్ మాత్రమే

నోకియా 3310 స్మార్ట్‌ఫోన్ కాదు, ఇది ఒక ఫీచర్ ఫోన్ మాత్రమే. గతంలో వచ్చిన మోడల్‌తో పోలిస్తే స్వల్ప మార్పుచేర్పులు ఈ ఫోన్‌లో ఉంటాయి. పాత వర్షన్ నోకియా 3310, 84 x 84పిక్సల్ రిస్యలూషన్ తో కూడిన మోనోక్రోమ్ స్ర్కీన్ ను కలిగి ఉండేది. తాజాగా తీసుకువస్తోన్న కొత్త వర్షన్ 3310 మోడల్ ఇంకాస్త పెద్ద కలర్ డిస్‌ప్లేను కలిగి ఉండనుంది.

రెడ్, గ్రీన్ ఇంకా ఎల్లో కలర్ వేరియంట్‌లలో

పాత వర్షన్ నోకియా 3310 గ్రే, బ్లాక్ ఇంకా యాఫ్ బ్లూ కలర్ వేరియంట్‌లలో మాత్రమే అందుబాటులో ఉండేది. ఇప్పుడు.. రెడ్, గ్రీన్ ఇంకా ఎల్లో కలర్ వేరియంట్‌లలో అందుబాటులోకి తీసుకురానున్నారు. ఫిబ్రవరి 26న బార్సిలోనాలో లాంచ్ కాబోతోన్న ఈ ఫోన్‌ను మే,2017 కంటే ముందే ఇండియన్ మార్కెట్లో రిలీజ్ చేస్తారట. ఇండియన్ మార్కెట్లో ఈ ఫోన్ ధర రూ.4,000లోపు ఉండొచ్చట.