ఆండ్రాయిడ్ నాగౌట్ ప్రత్యేకతగా టాప్ సామ్‌సంగ్ స్మార్ట్‌ఫోన్‌లు

లేటెస్ట్ ఫీచర్లతో సామ్‌సంగ్ స్మార్ట్‌ఫోన్‌లు...

By Ssn Sravanth Guthi

Published: Thursday, August 3, 2017, 18:43 [IST]

ప్రస్తుత మార్కెట్ ట్రెండ్‌ను పరిశీలించినట్లయితే షియోమీ, లెనోవో, మోటరోలా, వివో, ఒప్పో వంటి బ్రాండ్‌ల నుంచి సామ్‌సంగ్‌కు గట్టిపోటీనే ఎదురవుతోంది. ఈ నేపథ్యంలో మార్కెట్ పై సామ్‌సంగ్ మరింతగా దృష్టి సారిస్తోంది. అటు బడ్జెట్ పాటు యూజర్లతో పాటు టాప్-ఎండ్ యూజర్లను దృష్టిలో ఉంచుకుని రకరకాల అనేక స్మార్ట్‌ఫోన్‌లను సామ్‌సంగ్ ఇప్పటికే మార్కెట్లోకి తీసుకువచ్చింది. సామ్‌సంగ్ నుంచి లాంచ్ అవుతోన్న అన్ని లేటెస్ట్ స్మార్ట్‌ఫోన్‌లు దాదాపుగా ఆండ్రాయిడ్ నౌగట్ ఆపరేటింగ్ సిస్టం పై రన్ అవుతున్నాయి.

Top Samsung smartphones powered by Android Nougat to buy In India

ఆండ్రాయిడ్ Nougat ఆపరేటింగ్ సిస్టం ద్వారా మేజర్ సాఫ్ట్‌వేర్ అప్‌డేట్స్‌ను గూగుల్ పరిచయం చేసింది. ఆండ్రాయిడ్ నౌగట్ ఆపరేటింగ్ సిస్టంలో సెట్టింగ్స్ యాప్, పూర్తిగా రీడిజైన్ చేయబడిన యూజర్ ఇంటర్‌ఫేస్‌తో వస్తోంది. పలు మార్పు చేర్పులతో వస్తోన్న ఈ యాప్, ఫోన్ యూజర్ ఇంటర్‌ఫేస్‌ను మరింత వేగంగా ముందకు నడిపిస్తుంది. ఫొన్ సెట్టింగ్జ్ అడ్జస్ట్ చేసుకునేందుకు యూజర్ ప్రతిసారి సబ్ మెనూలోకి వెళ్లకుండా మెయిన్ మెనూ ద్వారానే కావల్సిన సెట్టింగ్స్ యాక్సెస్ చేసుకునే విధంగా సబ్ టైటిల్ వ్యవస్థ ఉంటుంది. ఆండ్రాయిడ్ నగౌట్ వర్షన్ ద్వారా మల్టీ-విండో మోడ్‌ను గూగుల్ అందుబాటులోకి తీసుకువచ్చింది.

ఈ సౌలభ్యతతో ఫోన్‌లోని యాప్స్‌ను split- screen మోడ్‌లో, ఫోటోలను picture-in-picture మోడ్‌లో ఓపెన్ చేసుకోవచ్చు. ఆండ్రాయిడ్ నగౌట్ వర్షన్‌లో నైట్ మోడ్ ఫీచర్‌ ఆకట్టుకుంటుంది. ఈ నైట్ మోడ్ ఆప్షన్ ద్వారా యూజర్ ఫోన్ ఇంటర్‌ఫేస్‌ను రాత్రి వేళల్లో డార్క్ కలర్‌కు మార్చుకోవచ్చు. తద్వారా మెరుగైన విజువల్ ఎక్స్‌పీరియన్స్‌ను ఆస్వాదించవచ్చు. ఆండ్రాయిడ్ నగౌట్ వర్షన్ Unicode 9ను సపోర్ట్ చేస్తుంది. అంటే సరికొత్త emojis మీకు అందుబాటులో ఉన్నట్లే. ఇలా ఎన్నెన్నో అత్యాధునిక స్మార్ట్ మొబైలింగ్ ఫీచర్లను ఆండ్రాయిడ్ నౌగట్ ఆఫర్ చేస్తోంది.

ఆండ్రాయిడ్ నౌగట్ ఆపరేటింగ్ సిస్టంకు తోడు లేటెస్ట్ స్పెసిఫికేషన్‌లతో మార్కెట్లో లభ్యమవుతోన్న బెస్ట్ క్వాలిటీ సామ్‌సంగ్ స్మార్ట్‌ఫోన్‌ల వివరాలను ఇప్పుడు చూద్దాం..