ప్రపంచంలో, అతిపెద్ద బ్యాటరీ 23800mAh తో స్మార్ట్ ఫోన్! ఇతర ఫీచర్లు

యునిహెర్ట్జ్ అనేది అంతగా తెలియని చైనీస్ స్మార్ట్‌ఫోన్ బ్రాండ్. ఇది ప్రత్యేకమైన స్మార్ట్‌ఫోన్‌లను పరిచయం చేసే ప్రత్యేకమైన సంస్థ. ఈ బ్రాండ్ ఇప్పుడు 23,800mAh బ్యాటరీతో 5G స్మార్ట్‌ఫోన్‌ను విడుదల చేసింది.

అవును, యునిహెర్ట్జ్ వినూత్న స్మార్ట్‌ఫోన్‌లను విక్రయించే సంస్థ. ఈ సంవత్సరం ప్రారంభంలో,
యునిహెర్ట్జ్ సంస్థ నథింగ్ ఫోన్ (1) మాదిరిగానే ఉండే Unihertz Luna అనే క్లోన్ స్మార్ట్‌ఫోన్‌ను విడుదల చేసింది. ఇప్పుడు మళ్ళీ, కంపెనీ పవర్ బ్యాంక్ లాంటి బ్యాటరీ సామర్థ్యంతో ప్రపంచంలో అతిపెద్ద బ్యాటరీ తో వచ్చే కఠినమైన స్మార్ట్‌ఫోన్‌ను విడుదల చేసింది.

సరే, ఇప్పుడు కంపెనీ భారీ బ్యాటరీ కెపాసిటీతో పరిచయం చేసిన కొత్త 5G ఫోన్ వివరాలను చూద్దాం, యునిహెర్ట్జ్ ట్యాంక్ 3 (Unihertz Tank 3) పేరుతో ఈ ఫోన్‌ని పరిచయం చేసింది. పేరుకు సూచించినట్లుగా, ఇది యునిహెర్ట్జ్ కంపెనీ ట్యాంక్ సిరీస్‌లో మూడవ తరం స్మార్ట్‌ఫోన్ మోడల్.

యునిహెర్ట్జ్ ట్యాంక్ 3 స్మార్ట్ ఫోన్
ఈ ఫోన్ దాని ముందు తరాల స్మార్ట్ ఫోన్ల మాదిరిగా కాకుండా, యునిహెర్ట్జ్ ట్యాంక్ 3 స్మార్ట్‌ఫోన్ పరికరం చాలా దృఢమైన శరీరాన్ని కలిగి ఉంది. ఇది 5G కనెక్టివిటీని అందిస్తుంది. ముఖ్యంగా, ఈ పరికరం భారీ బ్యాటరీని అందిస్తుంది. ఖచ్చితంగా చెప్పాలంటే, ఇది 23,800mAh యొక్క భారీ బ్యాటరీని ప్యాక్ చేస్తుంది. బ్యాటరీ 1,800 గంటల స్టాండ్‌బై సమయాన్ని అందిస్తుంది.

ఇది 118 గంటల వాయిస్ కాల్స్, 98 గంటల మ్యూజిక్ ప్లేబ్యాక్, 48 గంటల వీడియో ప్లేబ్యాక్ మరియు 38 గంటల గేమింగ్ టైమ్‌ను అందిస్తుందని కంపెనీ పేర్కొంది. ఇది 120W వైర్డ్ ఛార్జింగ్ మరియు రివర్స్ ఛార్జింగ్‌కు మద్దతునిస్తుంది. ఈ స్మార్ట్‌ఫోన్ కేవలం 90 నిమిషాల్లో 0-90% బ్యాటరీని ఛార్జ్ చేస్తుంది. ఇది సుమారు ఒకటిన్నర గంటల లో పూర్తి ఛార్జ్ చేస్తుంది.

యునిహెర్ట్జ్ ట్యాంక్ 3 స్టోరేజీ మరియు చిప్‌సెట్ వివరాలు
యునిహెర్ట్జ్ ట్యాంక్ 3 భారీ బ్యాటరీ మాత్రమే కాదు ఈ స్మార్ట్‌ఫోన్ ప్రీమియం ఫ్లాగ్‌షిప్ ఫోన్‌ల మాదిరిగానే ఫీచర్లను కలిగి ఉంది. ఇది మీడియా టెక్ డైమెన్సిటీ 8200 SoC ప్రాసెసర్ చిప్‌సెట్‌తో 16GB RAM మరియు 512GB స్టోరేజ్‌తో పనిచేస్తుంది. ఇది ఆండ్రాయిడ్ 13 OS పై పనిచేస్తుంది. మైక్రో SD కార్డ్‌ల ద్వారా గరిష్టంగా 2TB వరకు స్టోరేజీ కి మద్దతు ఇస్తుంది.

200MP కెమెరా మరియు డిస్ప్లే వివరాలు
ఇది 2460 x 1080 పిక్సెల్‌ల రిజల్యూషన్ మరియు 120Hz రిఫ్రెష్ రేట్‌తో 6.79' అంగుళాల డిస్‌ప్లేను కలిగి ఉంది. ఇది ట్రిపుల్ కెమెరా సెటప్‌ను కలిగి ఉంది, ఇందులో 200MP ప్రైమరీ సెన్సార్, 50MP అల్ట్రా-వైడ్ సెన్సార్ మరియు 64MP నైట్ విజన్ స్నాపర్, అలాగే ముందు 50MP సెల్ఫీ కెమెరా ఉన్నాయి.

యునిహెర్ట్జ్ ట్యాంక్ 3 స్మార్ట్ ఫోన్ యొక్క ధర వివరాలు:
ఇది 40m లేజర్ రేంజ్ ఫైండర్, ఇన్‌ఫ్రారెడ్ సెన్సార్, 1200 ల్యూమెన్స్ బ్రైట్‌నెస్ లెవల్‌తో LED ఫ్లాష్‌లైట్, డ్యూయల్ సిమ్, 6GHz 5G కనెక్టివిటీ, వైఫై 6, బ్లూటూత్ 5.3, GNSS మరియు NFC వంటి ఫీచర్‌లకు మద్దతు ఇస్తుంది. దీని బరువు 666 గ్రాములు. ఈ కొత్త Unihertz Tank 3 స్మార్ట్‌ఫోన్ ధర $499.99. భారతీయ ధరలో ఇది రూ. 41,500 మరియు AliExpress ద్వారా కొనుగోలు చేయడానికి అందుబాటులో ఉంది.