జేబులోనే పేలిపోయిన మొబైల్, అంతా క్షణాల్లోనే, షాకింగ్ వీడియో ఇదే !

వీడియో ఇదే..

గడచిన మార్చిలో ఒడిశాలోని ఓ టీనేజర్ తన బంధువుతో ఫోన్ మాట్లాడుతూ చార్జింగ్ పెట్టగా, అది పేలిపోయిన సంగతి తెలిసిందే. కాగా ఇప్పుడు ముంబై రెస్టారెంట్ లో జరిగిన ఘటన వీడియోను మీరూ చూడవచ్చు.

తూర్పుగోదావరి జిల్లా రావులపాలెం ఘటన

ఇదివరకే ఏపీలో తూర్పుగోదావరి జిల్లా రావులపాలెం గ్రామానికి చెందిన కిరణ్ సెల్‌ఫోన్ ప్యాంట్ జేబులో పెట్టుకుని మోటార్ సైకిల్పై తన దుకాణానికి వెళ్తుండగా.. అది ఒక్కసారిగా కాలిపోయి జేబులో నుంచి మంటలు వచ్చాయి.మంటలు గమనించిన స్థానికులు వెంటనే నీళ్లు చల్లి మంటలు ఆర్పి ఫోన్‌ను కింద పడేశారు. ఈ సంఘటనలో కిరణ్ తొడ భాగంలో గాయాలయ్యాయి. ఇరవై రోజుల క్రితమే కొనుగోలు చేసిన రెడ్‌మి నోట్-4 ఫోన్ ఇలా కాలిపోయిందని కిరణ్‌ తెలిపారు.

మొబైల్ ఫోన్లు పేలకుండా ఉండాలంటే ..? ( సింపుల్ టిక్స్ )

మొబైల్ పేలకుండా ఉండాలంటే ఏం చేయాలనే దానిపై కొన్ని సింపుల్ ట్రిక్స్ ఇస్తున్నాం..ఓ లుక్కేయండి.

96 శాతం కంటే ఎక్కువ అవ్వకుండా..
ఎప్పుడైనా ఛార్జింగ్ 96 శాతం కంటే ఎక్కువ అవ్వకుండా చూసుకోవాలి. 20 శాతం కంటే తక్కువ ఉండకుండా ఛార్జ్ చెయ్యాలి. అలాగే మొబైల్‌కి పౌచ్ ఉంటే తీసేసి ఛార్జింగ్ పెట్టాలి.

ఛార్జింగ్ పెట్టేటప్పుడు హీట్‌గా ఉంటే..

మొబైల్ ఛార్జింగ్ పెట్టేటప్పుడు హీట్‌గా ఉంటే 5 లేదా 10 నిమిషాల పాటు మొబైల్ స్విచ్ ఆఫ్ చేసి ఆ తరువాత ఛార్జింగ్ పెట్టాలి. మొబైల్ వాడేటప్పుడు కూడా బాగా హీట్ అయితే వెంటనే స్విచ్ ఆఫ్‌ చేసి చల్లబడ్డాక ఆన్ చేయాలి.

ఛార్జింగ్‌లో ఉన్నప్పుడు..

మొబైల్ ఛార్జింగ్‌లో ఉన్నప్పుడు వైఫై, హాట్ స్పాట్, సాంగ్స్, నెట్, కాల్స్, గేమ్స్ పొరపాటున కూడా వాడకూడదు. మొబైల్ ఛార్జింగ్ అయినా వెంటనే వీడియో కాల్, హెవీ గేమ్స్ ఆడకూడదు. ఛార్జింగ్ అయిన తరువాత మొబైల్ హీట్ అయితే 5 నిమిషాల వరకు మొబైల్‌ని పట్టుకోకూడదు.

అవసరం లేని అప్లికేషన్స్ ..

మీకు అవసరం లేని అప్లికేషన్స్ వెంటనే మొబైల్ ఫోన్స్ నుంచి తీసెయ్యాలి. కొన్ని గేమ్స్, అప్లికేషన్స్ వల్ల మొబైల్ విపరీతంగా హీట్‌ అవుతుంది. వాటిని వెంటనే అన్ ఇన్‌స్టాల్ చేసెయ్యాలి.

100 రూపాయల కన్నా తక్కువ వచ్చే ఛార్జర్లను..

మొబైల్‌కి వచ్చిన ఛార్జర్ పాడైతే మీ మొబైల్ కంపెనీ ఛార్జర్‌ని కొనుక్కుని వాడాలి. 100 రూపాయల కన్నా తక్కువ వచ్చే ఛార్జర్లను వాడకూడదు. మీ మొబైల్ బ్యాటరీ అయిపోతే వెంటనే కొత్త ఒరిజినల్ బ్యాటరి తీసుకొని మార్చాలి.

ప్యాంట్ జేబులో..

ప్యాంట్ జేబులో కూడా పెట్టుకోకూడదు. మొబైల్ ఛార్జింగ్‌లో లేనప్పుడు కూడా పేలిపోయ్యే ఛాన్స్ ఉంది. టైట్ జీన్స్‌లో మొబైల్‌ని బలవంతంగా ఇరికిస్తే పేలే ప్రమాదం ఉంది.

ఛార్జింగ్ పెట్టి..

కొంతమంది ఛార్జింగ్ పెట్టి ఇయర్ ఫోన్స్‌లో సాంగ్స్ వింటుంటారు. అలా చేయడం వల్ల చాలా రిస్క్. ఇలాంటి విషయాల్లో కూడా ఇప్పటికే కొంతమంది చనిపోయారు.