ఎంట్రీ కేకపుట్టిస్తుంది...!!

ప్రపంచపు తొలి 3జీ ఆధారిత డ్యూయల్ సిమ్ స్మార్ట్‌ఫోన్‌కు వారసునిగా వ్యూఫోన్ 3 మార్కెట్లో విడుదలైంది. వ్యూసోనిక్ కార్పొరేషన్ సంస్దచే రూపొందించబడిన ఈ హ్యాండ్‌సెట్‌ను తొలిగా ఈ ఏడాది జనవరిలో నిర్వహించిన కన్స్యూమర్ ఎలక్ట్రానిక్ షోలో ప్రకటించారు.

ఆండ్రాయిడ్ ఆధారితంగా పనిచేసే ఈ 3డి స్మార్ట్‌ఫోన్ డ్యూయల్ సిమ్ సౌలభ్యతను కలిగి వేగవంతమైన వెబ్‌బ్రౌజింగ్‌కు సహకరిస్తుంది.

వినియోగదారుల అవసరాలను తీర్చటంలో వ్యూఫోన్ 3 ఉత్తమంగా సహకరిస్తుంది. వ్యాపార లావాదేవీల నిమిత్తం అనేక ప్రాంతాల్లో సంచరించే వ్యాపారవేత్తలకు ఈ డ్యూయల్ నెట్‌వర్క్ కమ్యూనికేషన్ ఫోన్ పూర్తిగా ఉపయోగపడుతుంది. 3జీ నెట్‌వర్క్ సౌలభ్యతతో మొబైలింగ్ అదేవిధంగా కంప్యూటింగ్ అవసరాలను త్వరితగతిన తీర్చుకోవచ్చు.

వ్యూఫోన్ 3 ఫీచర్లు:

ఆండ్రాయిడ్ ఆపరేటింగ్ సిస్టం,

3.5 అంగుళాల మల్టీ టచ్‌స్ర్కీన్ డిస్‌ప్లే (రిసల్యూషన్320 x 480పిక్సల్స్),

800మెగాహెడ్జ్ ప్రాసెసర్,

మైక్రోఎస్డీ కార్డ్‌స్లాట్ ద్వారా మెమెరీ 32జీబి పొడిగించుకోవచ్చు,

వ్యూసీన్ 3డీ టెక్నాలజీ,

ఉత్తమమైన గ్రాఫిక్ వ్యవస్థ.

మొబైలింగ్‌కు అవసరమైన పూర్తి స్థాయి హార్డ్‌వేర్, సాఫ్ట్‌వేర్ స్పెసిఫికేషన్‌లను ఈ హ్యాండ్‌సెట్‌లో అమర్చారు. ఈ ఫోన్ కొనుగోలు ద్వారా యూజర్ పటిష్టమైన కమ్యూనికేషన్ వ్యవస్థను కొనసాగించవచ్చు. సుసంపన్నమైన ఫీచర్లతో డిజైన్ కాబడిన వ్యూఫోన్ 3, రిలయన్స్ డిజిటల్ అవుట్ లెట్లలో మాత్రమే లభ్యమవుతోంది. ధర రూ.9,990.