50MP + 8MP + 50MP కెమెరాలు, 5500mAh బ్యాటరీ, క్వాడ్‌ కర్వడ్‌ అమోలెడ్ డిస్‌ప్లేతో వివో T4 Ultra 5G ఫోన్ విడుదల!

Vivo T4 Ultra Smartphone : వివో T4 అల్ట్రా స్మార్ట్‌ఫోన్‌ భారత్‌ మార్కెట్‌లో విడుదల అయింది. ఈ ఫోన్ అనేక ఆర్టిఫిషియల్ ఇంటెలిజెన్స్ (AI) ఫీచర్‌లను కలిగి ఉంది. మరియు కెమెరా విభాగం పరంగా 50MP టెలిఫోటో లెన్స్‌ను కలిగి ఉంది. డిజైన్‌ పరంగానూ ఈ ఫోన్ ఆకట్టుకుంటుంది. రెండు కలర్‌ వేరియంట్స్‌లో లభిస్తుంది. 1.5K క్వాడ్‌ కర్వడ్‌ అమోలెడ్ డిస్‌ప్లేతో అందుబాటులోకి వచ్చింది. ఈ వివో ఫోన్‌ పూర్తి స్పెసిఫికేషన్‌లు, ఫీచర్‌ల వివరాలు.

వివో T4 అల్ట్రా స్మార్ట్‌ఫోన్ స్పెసిఫికేషన్లు, ఫీచర్‌లు :
వివో T4 అల్ట్రా స్మార్ట్‌ఫోన్ 4nm ఆక్టా కోర్‌ మీడియాటెక్ డైమెన్సిటీ 9300+ SoC చిప్‌సెట్‌తో పనిచేస్తుంది. ఈ చిప్‌సెట్ గరిష్ఠంగా 12GB LPDDR5X ర్యామ్‌, 512GB UFS 3.1 సపోర్టు చేస్తుంది. ఆండ్రాయిడ్‌ 15 ఆధారిత Funtouch 15 ను కలిగి ఉంది.

ఈ స్మార్ట్‌ఫోన్ 6.67 అంగుళాల 1.5K క్వాడ్‌ కర్వడ్‌ అమోలెడ్ డిస్‌ప్లేను కలిగి ఉంది. 120Hz రీఫ్రెష్‌ రేట్‌, 5000 నిట్స్‌ పీక్‌ బ్రైట్‌నెస్‌, 300Hz టచ్‌ శాంప్లింగ్‌ రేట్‌ను కలిగి ఉంది. ఈ డిస్‌ప్లే HDR10+ సపోర్టు చేస్తుంది. మరియు SGS Low Blue లైట్‌ సర్టిఫికేషన్‌ను కలిగి ఉంది. ఈ వివో T4 అల్ట్రా స్మార్ట్‌ఫోన్‌ IP64 రేటింగ్‌తో డస్ట్‌ మరియు స్ల్పాష్‌ రెసిస్టెంట్‌గా ఉంది.

100x డిజిటల్‌ జూమ్‌తో :
కెమెరా వివరాల ఆధారంగా ఈ ఫోన్‌ వెనుక వైపు ట్రిపుల్‌ కెమెరాలను కలిగి ఉంది. f/1.88 అపేచర్‌, OIS సపోర్టుతో 50MP సోనీ IMX921 ప్రైమరీ కెమెరా, 8MP అల్ట్రావైడ్‌ యాంగిల్‌ కెమెరా మరియు f/2.55 అపేచర్‌, 3x ఆప్టికల్‌ జూమ్‌, 10x టెలిఫోటో మ్యాక్రో జూమ్‌, 100x డిజిటల్‌ జూమ్‌తో 50MP సోనీ IMX882 పెరిస్కోప్‌ టెలిఫోటో కెమెరాను కలిగి ఉంది.

ఫాస్ట్‌ ఛార్జింగ్ సపోర్టుతో :
ఈ టెలిఫోటో కెమెరా OIS (ఆప్టికల్ ఇమేజ్‌ స్టెబిలైజేషన్‌), EIS (ఎలక్ట్రానిక్‌ ఇమేజ్‌ స్టెబిలైజేషన్‌) ను సపోర్టు చేస్తుంది. సెల్ఫీ, వీడియో కాల్స్‌ కోసం 32MP కెమెరాతో అందుబాటులోకి వచ్చింది. ఈ అల్ట్రా మోడల్‌ స్మార్ట్‌ఫోన్ 90W ఫాస్ట్‌ ఛార్జింగ్ సపోర్టుతో 5500mAh బ్యాటరీతో పనిచేస్తోంది.

ఈ ఫోన్‌ AI కాల్‌ ట్రాన్స్‌లేషన్‌, AI ట్రాన్స్‌స్క్రిప్ట్‌ అసిస్ట్‌, AI Erase, AI నోట్‌ అసిస్ట్‌, సర్కిల్ టూ సెర్చ్‌ వంటి ఆర్టిఫిషియల్ ఇంటెలిజెన్స్ ఫీచర్‌లున్నాయి. సెక్యూరిటీ కోసం ఈ ఫోన్‌ ఇన్‌డిస్‌ప్లే ఆప్టికల్‌ ఫింగర్‌ ప్రింట్‌ సెన్సార్‌ అమర్చారు. ఈ ఫోన్‌ 5G, 4G, వైఫై, బ్లూటూత్ 5.4, GPS, OTG, USB-C ఛార్జింగ్‌ పోర్టును కలిగి ఉంది.

వివో T4 అల్ట్రా స్మార్ట్‌ఫోన్ ధర, సేల్‌ వివరాలు :
వివో T4 అల్ట్రా స్మార్ట్‌ఫోన్ 8GB ర్యామ్ + 256GB స్టోరేజీ వేరియంట్ ధర రూ.37999 గా ఉంది. అదే 12GB ర్యామ్ + 256GB స్టోరేజీ వేరియంట్ ధర రూ.39999, 12GB ర్యామ్ + 512GB స్టోరేజీ వేరియంట్ ధర రూ.41999 గా ఉంది.

HDFC, SBI card, యాక్సెస్‌ బ్యాంకు కార్డుల ద్వారా గరిష్ఠంగా రూ.3000 డిస్కౌంట్‌ను పొందవచ్చు. ఈ ఫోన్‌ సేల్‌ (Vivo T4 Ultra Smartphone Sale) జూన్‌ 18 నుంచి ప్రారంభం కానుంది. వివో ఇండియా ఇ-స్టోర్‌, ఫ్లిప్‌కార్ట్‌ ద్వారా కొనుగోలు చేయవచ్చు. ఈ ఫోన్‌ ఫినిక్స్‌ గోల్డ్‌, మెటియర్‌ గ్రే కలర్‌ వేరియంట్స్‌లో అందుబాటులో ఉంది.