వివో నుంచి సన్నని డిజైన్‌, క్వాడ్‌ కర్వడ్‌ డిస్‌ప్లేతో 5G ఫోన్‌.. ధర రేంజ్‌, స్పెసిఫికేషన్‌ల వివరాలు లీక్‌..!

Vivo T4R 5G Smartphone: ప్రముఖ స్మార్ట్‌ఫోన్ల సంస్థ వివో నుంచి త్వరలో వివో T4R 5G ఫోన్‌ విడుదల కానుంది. ఇప్పటికే వివో T4 సిరీస్‌ నుంచి వివో T4 5G, T4x 5G, T4 లైట్‌ 5G స్మార్ట్‌ఫోన్‌లు అందుబాటులోకి వచ్చాయి. అయితే ఈ నెల 24 వ తేదీన విడుదల కానున్న ఐకూ Z10R స్మార్ట్‌ఫోన్‌కు ఈ T4R 5G స్మార్ట్‌ఫోన్‌ రీబ్రాండెడ్‌ వెర్షన్‌గా ఉంటుందని తెలుస్తోంది.

ధర వివరాలు లీక్‌ :
భారత్‌ మార్కెట్‌లో ఐకూ Z10R స్మార్ట్‌ఫోన్‌ విడుదల అయిన కొన్ని రోజుల తర్వాతనే ఈ వివో T4R 5G మోడల్ లాంచ్‌ కానుందని తెలుస్తోంది. ఈ వివో ఫోన్ రూ.15 వేల నుంచి రూ.20 వేల ధర రేంజ్‌లో అందుబాటులోకి వచ్చే అవకాశం ఉందని భావిస్తున్నారు.

వివో ఫోన్ స్పెసిఫికేషన్‌ల వివరాలు 91మొబైల్స్ హిందీ ద్వారా లీక్‌ అయ్యాయి. ఈ వివరాల ఆధారంగా వివో T4R 5G స్మార్ట్‌ఫోన్‌ 7.39mm థిక్‌నెస్‌ను కలిగి ఉంటుంది. మరియు 120Hz ఫుల్‌ HD+ క్వాడ్‌ కర్వడ్ అమోలెడ్‌ డిస్‌ప్లేతో అందుబాటులోకి వస్తుందని తెలుస్తోంది.

మీడియోటెక్ చిప్‌సెట్ :
ఈ వివో T4R 5G స్మార్ట్‌ఫోన్ మీడియాటెక్‌ డైమెన్సిటీ 7400 SoC చిప్‌సెట్‌తో పనిచేస్తుందని తెలుస్తోంది. ఈ చిప్‌సెట్‌ గరిష్ఠంగా 8GB ర్యామ్, 256GB స్టోరేజీతో జతచేసి ఉంటుందని తెలుస్తోంది. ఆండ్రాయిడ్‌ 15 ఆధారిత Funtouch OS 15 పైన పనిచేస్తుందని సమాచారం.

50MP కెమెరా! :
కెమెరా విభాగం పరంగా వెనుక వైపు డ్యూయల్‌ కెమెరాలను కలిగి ఉంటుంది. ఇందులో OIS (ఆప్టికల్‌ ఇమేజ్‌ స్టెబిలైజేషన్) సపోర్టుతో 50MP ప్రైమరీ కెమెరాను కలిగి ఉంటుందని సమాచారం. సెల్ఫీ, వీడియో కాల్స్‌ కోసం 32MP కెమెరాను కలిగి ఉంటుందని తెలుస్తోంది.

ఈ ఫోన్ 90W వైర్‌ ఫాస్ట్‌ ఛార్జింగ్ సపోర్టుతో 5700mAh బ్యాటరీతో లాంచ్‌ కానుందని తెలుస్తోంది. ఈ ఫోన్ IP68 + IP69 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంటుందని తెలుస్తోంది. దీంతోపాటు మెరుగైన ఆడియో కోసం డ్యూయల్‌ స్టీరియో స్పీకర్‌లను కలిగి ఉంటుందని తెలుస్తోంది. త్వరలో ఈ ఫోన్‌ గురించి మరిన్ని వివరాలు వెల్లడయ్యే అవకాశం ఉంది.

వివో T4 లైట్ 5G :
ఇటీవల వివో T4 సిరీస్‌ నుంచి వివో T4 లైట్ 5G అందుబాటులోకి వచ్చింది. ఈ ఫోన్ 4GB ర్యామ్ + 128GB స్టోరేజీ ధర రూ.9999, 6GB ర్యామ్ + 128GB స్టోరేజీ ధర రూ.10999, 8GB ర్యామ్ + 256GB స్టోరేజీ ధర రూ.12999 గా ఉంది.

వివో T4 లైట్‌ 5G ఫోన్ MIL STD 810H మిలిటరీ గ్రేడ్‌ షాక్ రెసిస్టెన్స్‌, SGS 5 స్టార్‌ యాంటీ ఫాల్‌ ప్రొటెక్షన్‌ సర్టిఫికేషన్‌లను కలిగి ఉంది. 6.74 అంగుళాల HD+ LCD డిస్‌ప్లేను కలిగి ఉంది. మీడియాటెక్‌ డైమెన్సిటీ 6300 SoC ప్రాసెసర్‌ తో పనిచేస్తోంది.

ఈ ఫోన్ ఆండ్రాయిడ్‌ 15 ఆధారిత FuntouchOS 15 పైన పనిచేస్తుంది. 50MP ప్రైమరీ కెమెరా, 2MP సెకండరీ కెమెరా, LED ఫ్లాష్‌, మరియు 5MP సెల్ఫీ కెమెరాను అమర్చి ఉంది. 15W ఛార్జింగ్‌ సపోర్టుతో 6000mAh బ్యాటరీతో అందుబాటులో ఉంది.