క్వాడ్‌ కర్వడ్‌ అమోలెడ్‌ డిస్‌ప్లే కలిగిన తొలి సన్నని ఫోన్ ఇదే..! ఇవాళ్టి నుంచే సేల్‌.. రూ.2000 డిస్కౌంట్‌!

Vivo T4R 5G smartphone Sale : వివో నుంచి గత వారం చివర్లో T4R 5G స్మార్ట్‌ఫోన్‌ విడుదల అయింది. ఈ ఫోన్‌ అనేక ప్రత్యేక ఫీచర్‌ లను కలిగి ఉంది. ఈ హ్యాండ్‌సెట్‌ క్వాడ్‌ కర్వడ్‌ అమోలెడ్‌ డిస్‌ప్లేను కలిగి ఉంది. మరియు 7.39mm థిక్‌నెస్‌ ను కలిగి ఉంది. ఈ ఫోన్ 3 సంవత్సరాల వరకు అప్‌డేట్స్‌ను పొందుతుందని వివో తెలిపింది. ఈ హ్యాండ్‌సెట్‌ సేల్‌ ఇవాళ్టి నుంచి ప్రారంభం కానుంది.

వివో T4R 5G స్మార్ట్‌ఫోన్‌ సేల్‌ ఇవాళ్టి మధ్యాహ్నం 12 గంటల నుంచి ప్రారంభం కానుంది. వివో ఇండియా ఇ-స్టోర్‌, ఫ్లిప్‌కార్ట్‌ సహా ఇతర భాగస్వామ్య రిటైల్‌ స్టోర్‌ ల ద్వారా కొనుగోలు చేయవచ్చు. ఈ హ్యాండ్‌సెట్‌ ఆర్కిటిక్ వైట్‌, ట్విలైట్‌ బ్లూ వంటి రెండు కలర్‌ వేరియంట్స్‌ లో లభిస్తుంది.

ఈ ఫోన్‌ 8GB ర్యామ్ + 128GB స్టోరేజీ ధర రూ.19499, 8GB ర్యామ్ + 256GB స్టోరేజీ ధర రూ.21499, 12GB ర్యామ్ + 256GB స్టోరేజీ ధర రూ.23499 గా ఉంది. ఎంపిక చేసిన బ్యాంకుల కార్డులపై రూ.2000 డిస్కౌంట్‌ను పొందవచ్చు. రూ.2000 ఎక్స్ఛేంజీ బోనస్‌, 6 నెలల వరకు నో కాస్ట్ EMI ప్రయోజనాలను వినియోగించుకోవచ్చు.

3 సంవత్సరాల సెక్యూరిటీ అప్‌డేట్స్ :
వివో T4R 5G స్మార్ట్‌ఫోన్ మీడియాటెక్‌ డైమెన్సిటీ 7400 SoC చిప్‌సెట్‌ ను కలిగి ఉంది. ఆండ్రాయిడ్‌ 15 ఆధారిత FuntouchOS 15 పైన పనిచేస్తోంది. ఈ ఫోన్‌ 2 సంవత్సరాల ఆండ్రాయిడ్‌ OS అప్‌డేట్స్‌, 3 సంవత్సరాల వరకు సెక్యూరిటీ అప్‌డేట్స్‌ పొందుతుంది.

మిలిటరీ గ్రేడ్‌ సర్టిఫికేషన్ :
ఈ వివో ఫోన్ 120Hz రీఫ్రెష్‌ రేట్‌ తో 6.77 అంగుళాల ఫుల్‌ HD+ క్వాడ్‌ కర్వడ్‌ అమోలెడ్‌ డిస్‌ప్లేను కలిగి ఉంది. ఈ ఫోన్ IP68 + IP69 రేటింగ్‌ తో డస్ట్ మరియు స్ల్పాష్ రెసిస్టెంట్‌గా ఉంది. మరియు MIL STD 810H మిలిటరీ గ్రేడ్ సర్టిఫికేషన్‌ ను కలిగి ఉంది.

50MP కెమెరా సహా అనేక AI ఫీచర్లు :
కెమెరా విభాగం పరంగా 50MP సోనీ IMX882 ప్రైమరీ కెమెరా, 2MP బొకేష్ కెమెరాలను కలిగి ఉంది. 32MP సెల్ఫీ కెమెరాను కలిగి ఉంది. ఈ కెమెరాలతో 4K వీడియోలను రికార్డు చేయవచ్చు. ఈ ఫోన్ సర్కిల్‌ టూ సెర్చ్‌, AI Document AI Note Assist, AI Screen Translation, AI Transcript వంటి AI ఫీచర్‌లను కలిగి ఉంది.

44W ఫాస్ట్‌ ఛార్జింగ్‌ సపోర్టు :
ఈ వివో T4R 5G స్మార్ట్‌ఫోన్‌ 44W ఫాస్ట్‌ ఛార్జింగ్ సపోర్టుతో 5700mAh బ్యాటరీతో పనిచేస్తుంది. 5G, 4G, బ్లూటూత్‌ 5.4, వైఫై, GPS, USB-C ఛార్జింగ్ పోర్టును కలిగి ఉంది. సెక్యూరిటీ కోసం ఇన్‌-డిస్‌ప్లే ఫింగర్‌ ప్రింట్‌ సెన్సార్‌ ను కలిగి ఉంది.