72 గంటల్లో 4 కొత్త 5G ఫోన్లు.. భారీ బ్యాటరీ, ఫాస్ట్ ఛార్జింగ్‌తో ఏది బెస్ట్?

భారత స్మార్ట్‌ఫోన్ మార్కెట్‌లో రాబోయే 72 గంటలు చాలా కీలకం కానున్నాయి. భారీ బ్యాటరీలు, ఫాస్ట్ ఛార్జింగ్ ఫీచర్లతో Vivo T5 5G, Redmi 17 5G, POCO X8 5G, Infinix Hot 70 Pro ఫోన్లు సెప్టెంబర్ 2 నుంచి 4 మధ్యలో లాంచ్ అవుతున్నాయి. లాంచ్ లైవ్‌స్ట్రీమ్‌లు, సేల్స్ ప్రారంభమయ్యేలోపే... ఈ ఫోన్ల బ్యాటరీ, ఛార్జింగ్, డిస్‌ప్లే, బరువు, నెట్‌వర్క్ వివరాలను పోల్చి చూసుకునేలా కంపెనీలు విడుదల చేసిన అధికారిక టీజర్ల ఆధారంగా పూర్తి వివరాలు ఇక్కడ అందిస్తున్నాం.

ఇప్పటివరకు కంపెనీలు అధికారికంగా ధ్రువీకరించిన వివరాలు ఇలా ఉన్నాయి: సెప్టెంబర్ 2న లాంచ్ కానున్న వీవో T5 5Gలో 7,050mAh బ్యాటరీ, 144Hz 1.5K కర్వ్డ్ డిస్‌ప్లే, డైమెన్సిటీ 7500 టర్బో ప్రాసెసర్‌తో పాటు IP68, IP69 రేటింగ్‌లు ఉన్నాయి. రెడ్‌మీ 17 5G సెప్టెంబర్ 3న అమెజాన్ ద్వారా రానుంది. ఇందులో 7,900mAh బ్యాటరీ, 45W ఛార్జింగ్, 22.5W రివర్స్ ఛార్జింగ్ సపోర్ట్ ఉన్నాయి. ఇక సెప్టెంబర్ 4న ఏకంగా 9,000mAh బ్యాటరీ, 67W ఫాస్ట్ ఛార్జింగ్‌తో పోకో X8 5G, అలాగే ఇన్‌ఫినిక్స్ హాట్ 70 ప్రో మోడళ్లు గ్రాండ్‌గా ఎంట్రీ ఇవ్వనున్నాయి.

బ్యాటరీ, ఛార్జింగ్: Vivo T5 5G vs Redmi 17 5G vs POCO X8 5G vs Infinix Hot 70 Pro

పెద్ద బ్యాటరీలు ఫోన్ల డిజైన్, బరువుపై ప్రభావం చూపుతాయి. వీవో T5 5Gలో 7,050mAh బ్యాటరీ ఉన్నప్పటికీ, ఇది కేవలం 7.99mm మందంతో స్లిమ్‌గా వస్తుండటం విశేషం. రెడ్‌మీ 17 5G గ్లోబల్ మోడల్ 7,500mAh బ్యాటరీతో 232 గ్రాముల బరువు ఉంది. కాబట్టి 7,900mAh బ్యాటరీతో వచ్చే భారత వేరియంట్ మరింత బరువుగా ఉండే అవకాశం ఉంది. ఇక గేమర్స్ విషయానికొస్తే.. పోకో ఫోన్‌లో ఇచ్చే 'బైపాస్ ఛార్జింగ్' ఫీచర్ గేమింగ్ సమయంలో ఫోన్ వేడెక్కకుండా చూడటమే కాకుండా బ్యాటరీ లైఫ్‌ను కూడా కాపాడుతుంది. "POCO X8 5Gలోని 9000mAh బ్యాటరీ ఏకంగా 3.2 రోజుల పాటు నాన్‌స్టాప్‌గా పనిచేస్తుంది" అని కంపెనీ చెబుతోంది. పై పట్టికలోని సమాచారం అంతా ఇప్పటి వరకు వచ్చిన అధికారిక టీజర్లు, ప్రొడక్ట్ పేజీల ఆధారంగా ఇచ్చినదే.

డిస్‌ప్లే, పెర్ఫార్మెన్స్, సాఫ్ట్‌వేర్ అప్‌డేట్లు: Vivo T5 5G vs Redmi 17 5G vs POCO X8 5G vs Infinix Hot 70 Pro

ఈ నాలుగు ఫోన్లలో డిస్‌ప్లే ప్రాధాన్యతలు వేర్వేరుగా ఉన్నాయి. వీవో T5 5Gలో 1.5K 144Hz కర్వ్డ్ AMOLED డిస్‌ప్లేతో పాటు డైమెన్సిటీ 7500 టర్బో చిప్‌సెట్ ఇస్తున్నారు. ఇది అత్యంత స్మూత్ స్క్రోలింగ్, మెరుగైన గేమింగ్ ఎక్స్‌పీరియన్స్‌ను అందిస్తుంది. మరోవైపు రెడ్‌మీ 17 5Gలో 6.9 అంగుళాల 120Hz HD+ స్క్రీన్‌ను ఉపయోగిస్తున్నారు. ఇది పిక్సెల్ క్వాలిటీ కంటే బ్యాటరీ బ్యాకప్‌కే ఎక్కువ ప్రాధాన్యమిస్తుంది. సాఫ్ట్‌వేర్ విషయానికొస్తే, వీవో మూడేళ్ల ఆండ్రాయిడ్ అప్‌డేట్లు, ఐదేళ్ల సెక్యూరిటీ అప్‌డేట్లను ఆఫర్ చేస్తోంది. పోకో, ఇన్‌ఫినిక్స్ మోడళ్ల అప్‌డేట్ల వివరాలు ఇంకా వెల్లడి కావాల్సి ఉంది.

నెట్‌వర్క్స్, జియో/ఎయిర్‌టెల్ 5G బ్యాండ్లు, SAR వివరాలు

రెడ్‌మీ గ్లోబల్ వేరియంట్ స్పెసిఫికేషన్లలో SA బ్యాండ్లు n28, n78 ఉన్నట్లు స్పష్టమైంది. ఇవి మన దేశంలోని జియో, ఎయిర్‌టెల్ 5G నెట్‌వర్క్‌లకు సరిగ్గా సరిపోతాయి. భారత వేరియంట్‌లో మరింత పెద్ద బ్యాటరీని ఇస్తున్నారు. పూర్తిస్థాయి బ్యాండ్లు, VoNR వివరాలు లాంచ్‌కు ముందే అమెజాన్‌లో కనిపించే అవకాశం ఉంది. ఇక పోకో, వీవో ఫోన్ల 5G బ్యాండ్ల వివరాలు ఇంకా విడుదల కాలేదు. సాధారణంగా SAR విలువలను ఫోన్ లాంచ్ సమయంలో భారత ప్రొడక్ట్ పేజీలు లేదా యూజర్ మ్యాన్యువల్స్‌లో పొందుపరుస్తారు.

ఒకవేళ ఈ కొత్త ఫోన్ల ధరలు కాస్త ఎక్కువగా అనిపిస్తే, ఇప్పటికే 8,000mAh బ్యాటరీతో మార్కెట్లోకి వచ్చిన Redmi Note 17 5Gని కూడా పరిశీలించవచ్చు. దీనిపై మంచి బ్యాంక్ ఆఫర్లు లభించే అవకాశం ఉంది. మీ ప్రాధాన్యతను బట్టి.. అంటే ఫోన్ బరువు, డిస్‌ప్లే క్లారిటీ, ఛార్జింగ్ స్పీడ్‌ని బట్టి సరైన మోడల్‌ను ఎంచుకోవచ్చు. విద్యార్థులు, గేమర్లకు భారీ బ్యాటరీ, బైపాస్ ఛార్జింగ్ ఉన్న పోకో ఫోన్ ఉత్తమ ఎంపిక కాగా.. నిరంతరం వీడియోలు స్ట్రీమింగ్ చేసేవారికి, ఎక్కువ కాలం అప్‌డేట్లు కోరుకునేవారికి వీవో ఫోన్ సరైన ఛాయిస్ అవుతుంది.