వివో V50 Elite ఎడిషన్‌ స్మార్ట్‌ఫోన్ విడుదల.. ఇవాళ్టి నుంచే సేల్‌.. రూ.3000 డిస్కౌంట్‌..!

Vivo V50 Elite Smartphone : ప్రముఖ స్మార్ట్‌ఫోన్‌ల తయారీ సంస్థ వివో నుంచి భారత్‌ మార్కెట్‌లోకి ఇవాళ వివో V50 Elite ఎడిషన్‌ స్మార్ట్‌ఫోన్‌ విడుదల అయింది. ఇప్పటికే వివో నుంచి వివో V50, వివో V50e స్మార్ట్‌ఫోన్‌లు ఇప్పటికే భారత్‌లో అందుబాటులోకి వచ్చాయి. అయితే ఈ ఫోన్‌తో పాటు వివో TWS 3e డార్క్‌ ఇండిగో ఇయర్‌బడ్స్‌ను కూడా అందిస్తోంది. ఈ ఫోన్‌ చాలా వరకు స్టాండర్డ్‌ వేరియంట్ స్పెసిఫికేషన్‌లు, ఫీచర్‌లను కలిగి ఉంది.

వివో V50 ఇలైట్‌ ఎడిషన్‌ స్పెసిఫికేషన్‌లు, ఫీచర్‌లు :
డిజైన్ పరంగా వివో V50 ఇలైట్‌ ఎడిషన్‌ స్మార్ట్‌ఫోన్‌ స్టాండర్డ్ వేరియంట్ డిజైన్‌ను కలిగి ఉంది. ఈ ఫోన్ 120Hz రీఫ్రెష్‌ రేట్‌తో 6.77 అంగుళాల FHD+ అమోలెడ్‌ డిస్‌ప్లేను కలిగి ఉంది. ఈ డిస్‌ప్లే 4500 నిట్స్‌ గరిష్ఠ బ్రైట్‌నెస్‌ను కలిగి ఉంది. మరియు HDR10+ ను సపోర్టు చేస్తుంది. మరియు ఈ డిస్‌ప్లే డైమండ్‌ షీల్డ్‌ గ్లాస్‌ ప్రొటెక్షన్‌ను పొందుతుంది.

స్నాప్‌డ్రాగన్ 7 జెన్‌ 3 చిప్‌సెట్‌ :
వివో V50 ఇలైట్‌ ఎడిషన్‌ స్మార్ట్‌ఫోన్ క్వాల్‌కాం స్నాప్‌డ్రాగన్ 7 జెన్‌ 3 చిప్‌సెట్‌ తో పనిచేస్తుంది. మరియు Adreno 720 GPU ను కూడా కలిగి ఉంది. ఈ చిప్‌సెట్‌ గరిష్ఠంగా 12GB ర్యామ్, 512GB స్టోరేజీతో జతచేసి ఉంటుంది. ఈ ఫోన్ ఆండ్రాయిడ్‌ 15 ఆధారిత Funtouch OS 15 పైన పనిచేస్తుంది.

6000mAh బ్యాటరీ :
ఈ ఫోన్ 3 సంవత్సరాల ఆండ్రాయిడ్ OS అప్‌డేట్స్‌, 4 సంవత్సరాల సెక్యూరిటీ అప్‌డేట్స్‌ను పొందుతుంది. వివో V50 ఇలైట్‌ ఎడిషన్‌ స్మార్ట్‌ఫోన్‌ 90W వైర్‌ ఛార్జింగ్‌ సపోర్టుతో 6000mAh బ్యాటరీతో పనిచేస్తుంది. పవర్‌ మేనేజ్‌మెంట్‌ కోసం ఈ ఫోన్‌ బ్లూవోల్ట్‌ టెక్నాలజీని ఉపయోగించింది.

ఈ హ్యాండ్‌సెట్‌ Zeiss భాగస్వామ్యంతో వెనుక వైపు డ్యూయల్‌ కెమెరాలను కలిగి ఉంది. ఇందులో ఆప్టికల్‌ ఇమేజ్‌ స్టెబిలైజేషన్‌ (OIS) సపోర్టుతో 50MP ప్రైమరీ కెమెరా, 50MP అల్ట్రావైడ్ యాంగిల్‌ కెమెరాలను కలిగి ఉంది. సెల్ఫీ, వీడియో కాల్స్‌ కోసం ఈ ఫోన్‌ ముందువైపు 50MP కెమెరాను కలిగి ఉంది.

ప్రత్యేక ఫీచర్‌లు :
ఈ ఫోన్ మల్టీ ఫోకల్‌ పొర్ట్రెయిట్స్‌ మరియు వెడ్డింగ్ స్టైల్‌ పొర్ట్రెయిట్‌ స్టూడియోను కలిగి ఉంది. AI 3D స్టూడియో లైటింగ్‌ 2.0 ఫీచర్‌ను కూడా కలిగి ఉంది. దీంతోపాటు ఈ ఫోన్‌ అనేక ఆర్టిఫిషియల్ ఇంటెలిజెన్స్‌ ఫీచర్‌లను కలిగి ఉన్నాయి.

ఇందులో సర్కిల్ టూ సెర్చ్‌, AI Eraser, AI సూపర్‌ లింక్‌, AI స్క్రీన్‌ ట్రాన్స్‌లేషన్‌, లైవ్‌ కాల్‌ ట్రాన్స్‌లేషన్‌, AI ట్రాన్స్‌క్రిప్ట్‌ అసిస్ట్‌ ఉన్నాయి. ఈ వివో ఫోన్‌ IP68 + IP69 రేటింగ్‌తో డస్ట్ మరియు వాటర్ రెసిస్టెంట్‌గా ఉంది.

వివో V50 ఇలైట్‌ ఎడిషన్‌ ధర, సేల్‌ వివరాలు :
ఈ వివో స్మార్ట్‌ఫోన్‌ 12GB ర్యామ్ + 512GB స్టోరేజీ వేరియంట్ ధర రూ.41,999 గా ఉంది. ఈ ఫోన్‌తోపాటు వివో TWS 3e డార్క్ ఇండిగో ఇయర్‌బడ్స్‌, ఛార్జర్‌ను కూడా అందిస్తోంది.

ఈ స్మార్ట్‌ఫోన్‌ సేల్‌ ఇవాళ్టి నుంచే ప్రారంభం అయింది. అమెజాన్, ఫ్లిప్‌కార్ట్‌, ఇతర రిటైల్‌ స్టోర్స్‌ ద్వారా కొనుగోలు చేయవచ్చు. HDFC, SBI, యాక్సెస్‌ బ్యాంకు కార్డులతో రూ.3000 డిస్కౌంట్‌ను పొందవచ్చు. ఈ ఫోన్ రోజ్‌ రెడ్‌ కలర్‌ వేరియంట్‌లో మాత్రమే అందుబాటులోకి వచ్చింది.