ఇవాళ్టి నుంచే సేల్‌.. 6500mAh బ్యాటరీ, 50MP + 50MP + 50MP కెమెరాలు సహా సూపర్‌ ఫీచర్లు..!

Vivo V70 Series Sale : వివో V70 సిరీస్‌ భారత్‌ మార్కెట్‌ లో గత వారం లాంచ్‌ అయింది. ఈ సిరీస్‌లో భాగంగా వివో V70, వివో V70 ఇలైట్‌ స్మార్ట్‌ఫోన్‌లు అందుబాటులోకి వచ్చాయి. ఈ ఫోన్లు 6500mAh బ్యాటరీ, ఆండ్రాయిడ్‌ 16 OS, 1.5K అమోలెడ్ డిస్‌ప్లేను కలిగి ఉన్నాయి. అయితే ఈ రెండు ఫోన్ల సేల్‌ ఇవాళ్టి మధ్యాహ్నం 12 గంటల నుంచి ప్రారంభం కానుంది.

10 శాతం డిస్కౌంట్‌ :
వివో V70 సిరీస్‌ స్మార్ట్‌ఫోన్‌లను వివో ఇండియా ఇ-స్టోర్‌, అమెజాన్, ఫ్లిప్‌కార్ట్‌ లో కొనుగోలు చేయవచ్చు. Yes బ్యాంకు, HDFC, SBI బ్యాంకు కార్డులపై 10 శాతం డిస్కౌంట్‌ ను పొందవచ్చు. వివో V70 స్మార్ట్‌ఫోన్ 8GB ర్యామ్ + 256GB స్టోరేజీ ధర రూ.45999, 12GB ర్యామ్ + 256GB స్టోరేజీ ధర రూ.49999 గా ఉంది.

వివో V70 ఇలైట్‌ స్మార్ట్‌ఫోన్‌ 8GB ర్యామ్ + 256GB స్టోరేజీ ధర రూ.51999, 12GB ర్యామ్‌ + 256GB స్టోరేజీ ధర రూ.56999, 12GB ర్యామ్ + 512GB స్టోరేజీ ధర రూ.61999 గా ఉంది. బేస్‌ వేరియంట్‌ ప్యాషన్‌ రెడ్, లెమన్‌ యెల్లో, ఇలైట్ మోడల్‌ ఫోన్‌ శాండ్ బీజ్‌, ప్యాషన్‌ రెడ్, అథెంటిక్ బ్లాక్ కలర్‌ వేరియంట్స్‌ లో లభిస్తాయి.

స్పెసిఫికేషన్లు, ఫీచర్ల వివరాలు :
ఈ రెండు స్మార్ట్‌ఫోన్‌లు 6.59 అంగుళాల 1.5K అమోలెడ్‌ డిస్‌ప్లేతో అందుబాటులోకి వచ్చాయి. 120Hz రీఫ్రెష్‌ రేట్‌, 5000 నిట్స్‌ పీక్‌ బ్రైట్‌నెస్‌, 459 ppi పిక్సల్‌ డెన్సిటీని కలిగి ఉన్నాయి. దీంతోపాటు IP68 + IP69 రేటింగ్‌ తో డస్ట్‌, వాటర్ రెసిస్టెంట్‌ గా ఉన్నాయి.

వివో V70 స్మార్ట్‌ఫోన్ స్నాప్‌డ్రాగన్ 7 జెన్‌ 4 చిప్‌సెట్‌ ను కలిగి ఉంది. 8GB LPDDR5x ర్యామ్, 256GB UFS 4.1 స్టోరేజీతో జతచేసి ఉంది. అదే ఇలైట్‌ వేరియంట్ 4nm స్నాప్‌డ్రాగన్‌ 8s జెన్‌ 3 చిప్‌సెట్‌ ను కలిగి ఉంది. 12GB LPDDR5x ర్యామ్, 512GB UFS 4.1 స్టోరేజీని సపోర్టు చేస్తుంది.

ఆండ్రాయిడ్ 16 OS :
ఈ రెండు ఫోన్‌లు ఆండ్రాయిడ్ 16 ఆధారిత OriginOS 6 పైన పనిచేస్తాయి. 4 సంవత్సరాల OS అప్‌డేట్స్‌, 6 సంవత్సరాల సెక్యూరిటీ అప్‌డేట్స్‌ను పొందుతాయని వివో తెలిపింది. ఈ సిరీస్‌ ఫోన్లు 90W ఫ్లాష్‌ ఛార్జ్‌ సపోర్టుతో 6500mAh బ్యాటరీతో పనిచేస్తాయి.

50MP + 50MP + 50MP కెమెరాలు :
కెమెరా విభాగం పరంగా ఈ రెండు ఫోన్‌లు Ziess భాగస్వామ్యాన్ని కలిగి ఉన్నాయి. OIS (ఆప్టికల్‌ ఇమేజ్‌ స్టెబిలైజేషన్‌) సపోర్టుతో 50MP ప్రైమరీ కెమెరా, 50MP టెలిఫోటో లెన్స్‌ (OIS), 8MP అల్ట్రావైడ్‌ కెమెరాలున్నాయి. 50MP సెల్ఫీ కెమెరాను కలిగి ఉన్నాయి. ఈ కెమెరాలు 4K వీడియో రికార్డింగ్‌ను సపోర్టు చేస్తాయి.